Թեոդոր Բուրադա

Թեոդոր Բուրադա
Ծնվել է	հոկտեմբերի 3, 1839(1839-10-03) Յաշ, Մոլդովական իշխանություն
Մահացել է	փետրվարի 17, 1923(1923-02-17) (83 տարեկան) Յաշ, Ռումինիա
Քաղաքացիություն	Ռումինիա
Մասնագիտություն	երաժշտագետ և ազգագրագետ
Անդամակցություն	Ռումինական ակադեմիա
Տիրապետում է լեզուներին	ռումիներեն
Teodor T. Burada Վիքիպահեստում

Թեոդոր Բուրադա (ռումիներեն՝ Teodor Burada, հոկտեմբերի 3, 1839(1839-10-03), Յաշ, Մոլդովական իշխանություն - փետրվարի 17, 1923(1923-02-17), Յաշ, Ռումինիա), ռումինահայ ազգագրագետ, երաժշտագետ, բանահավաք, ջութակահար։ Ռումինիայի ակադեմիայի անդամ (1877 թվականից)։

Կենսագրություն

Թեոդոր Բուրադա՝ ռումինական ժողովրդի սովորույթները հուղարկավորության ժամանակ

Իրավաբանական և երաժշտական կրթություն ստացել է Փարիզում։ 1862–1909 թվականներին համերգներով հանդես է եկել Ռումինիայում, Ռուսաստանում։ Յաշում հրատարակել է «Երաժշտական ալմանախ» (1875–1877 թվականներ), 1877–1901 թվականներին դասավանդել տեղի կոնսերվատորիայում։ Ռումինական պատմական երաժշտագիտության և բառարանագրության հիմնադիր, ռումինական ազգային էթնոերաժշտագիտության սկզբնավորողներից։ Հավաքել է ռումինական երաժշտական բանահյուսության գործեր, հայտնաբերել հայկական երգ ու պարի հետքեր Ռումինիայում («Արմենյասկ» պարը)։

Գրել է երկեր՝ ջութակի, դաշնամուրի, ջութակի և դաշնամուրի համար։ «Եղերերգեր» (1878), «Հարսանեկան սովորույթներ» (1889) աշխատութնունների հեղինակ։ Ռումինիայում առաջին «Երաժշտական բառարանի» (1875) և «Թատրոնի պատմությունը Մոլդովայում» գրքի հեղինակ։

Աղբյուրներ

• Cosma, Viorel (2001). "Burada, Teodor T.". In Sadie, Stanley; Tyrrell, John (eds.). The New Grove Dictionary of Music and Musicians (2nd ed.). London: Macmillan. ISBN 978-1-56159-239-5.
• Cucuteni-Trypillya: una grande civiltà dell'antica Europa Արխիվացված 2011-07-17 Wayback Machine

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Վիքիպահեստն ունի նյութեր, որոնք վերաբերում են «Թեոդոր Բուրադա» հոդվածին։