Թեյլոր Մոմսեն
| Թեյլոր Մոմսեն Taylor Michel Momsen |
|
|---|---|
.jpg)
|
|
| Ծնվել է | հուլիսի 26, 1993[1] (23 տարեկան) |
| Ծննդավայր | Սենթ Լուիս[2] |
| Քաղաքացիություն |  ԱՄՆ |
| Մասնագիտություն | դերասան, երգիչ, կոմպոզիտոր, երաժիշտ, հեղինակ-կատարող, կիթառահար, մոդել, հեռուստատեսային դերասան և դաշնակահար |
| Կայք | theprettyreckless.com |
| Taylor Momsen Վիքիպահեստում | |
Թեյլոր Միշել Մոմսեն, (անգլ.՝ Taylor Michel Momsen, ծնվ. հուլիսի 26 1993), ամերիկյան դերասանուհի, երգչուհի, երգահան և մոդել։ Հայտնի է դարձել «Բամբասանքի աղջիկ» հեռուստասերիալում նկարահանվելուց հետո։ Նա հիմնադրել է «The Pretty Reckless» ռոք խումբը և վերջինիս մենակատարն է։
Կենսագրություն[խմբագրել | խմբագրել կոդը]
Թեյլորը ծնվել է Միսսուրի նահանգի Սենտ Լուիս շրջանում։ Ունի ռուսական արմատներ[3][4][5]։ Թեյլորն ունի կրտսեր քույր՝ Սլոուն Մոմսենը (ծնվել է 1996 թ. դեկտեմբերի 20-ին)։ Կարիերան սկսել է երեք տարեկանում՝ նկարահանվելով Shake N' Bake-ի գովազդում։ Առաջին նշանակալի դերը կատարել է «Մահվան մարգարե» ֆիլմում, որտեղ նկարահանվել է Դենիս Հոպպերի հետ։ 2000 թ. Ջիմ Քերրիի հետ նկարահանվել է Գրինչը՝ Սուրբ Ծնունդն առևանգողը ֆիլմում։ 2002 թ. նկարահանվել է «Հենզել ու Գրետել» (կատարել է Գրետելի դերը), Լրտեսների երեխաները 2. Անիրականալի հույսերի կղզին և «Մենք զինվորներ էինք» ֆիլմերում։
Հետագա երեք տարիների ընթացքում Թեյլորը չի նկարահանվել ոչ մի ֆիլմում, իսկ 2006 թ. խաղացել է «Պարանոիդ-զբոսայգի», «Շերլոկին փրկելով» և «Շունը մեզ հետ է» ֆիլմերում։ Մասնակցել է Հաննա Մոնտանայի դերի քաստինգին։ Նույն թվականին նկարահանվել է «Ֆոմա Անհավատը» մանկական ֆիլմում։ 2007 թ. Մոմսենը ընտրվել է «Բամբասկոտը» սերիալում նկարահանվելու համար։ 2008 թ. հունիսին՝ 14 տարեկան հասակում, Մոմսենը պայմանագիր է կնքել IMG Models-ի հետ։ 2008 թ. հետո Մոմսենը շատ ժամանակ է հատկացնում իր երաժշտական կարիերային։ Նա ունի իր խումբը՝ The pretty reckless, որտեղ նա հանդես է գալիս որպես վոկալիստ, կիթառիստ ու կոմպոզիտոր։ 2009 թ. մայիս-հունիս ամիսներին իր խմբի հետ կատարել է համերգային շրջագայություն։
2010 թ. The Pretty Reckless խմբի «Make Me Wanna Die» երգը դարձավ ֆիլմի սաունդթրեքը։ Ամռանը Թեյլորը «Miss nothing» երգի հիմնա վրա թողարկեց իր առաջին տեսահոլովակը և գրեթե ողջ ամառը շրջագայությունների մեջ էր (մասնակցել է նաև Vans Warped Tour 2010-ին)։
2010 թ. հունիսի 15-ին հայտարարվեց, որ Թեյլոր Մոմսենը դառնում է Մադոննայի ու նրա դստեր՝ Լուրդեսի Material Girl հագուստի նոր հավաքածուի դեմքը[6]։
2011 թվականի օգոստոսի 16-ին Մոմսենը հայտարարել է, որ ավարտում է դերասանուհու կարիերան, որպեսզի ամբողջովին կենտրոնանա երաժշտության վրա։ Մերիլին Մենսոնի «Hey, Cruel World» համերգային շրջագայության ժամանակ Թեյլոր Մոմսենը հանդես է եկել համերգների սկզբում։ Ինչպես նաև Revolver Golden Awards-ի ընթացքում Մենսոնի հետ կատարել է «The Dope Show» երգը[7]։
Ծանոթագրություններ[խմբագրել | խմբագրել կոդը]
- ↑ Record #141515686 // Gemeinsame Normdatei Ստուգված է ապրիլի 27-ին 2014:
- ↑ Record #141515686 // Gemeinsame Normdatei Ստուգված է դեկտեմբերի 11-ին 2014:
- ↑ Momsen Taylor (հուլիսի 8, 2013)։ «Twitter: taylormomsen: @Zheka_Kinoman yes, I'm part Russian»։ Twitter.com։ Վերցված է հուլիսի 16, 2013
- ↑ Тейлор Момсен: интервью для Tatler.ru
- ↑ О чем думает Тейлор Момсен в Москве
- ↑ «Grazia Fashion: Taylor Momsen is the face of Material Girl!» (անգլերեն)։ Graziadaily.co.uk։ հուլիսի 15, 2010։ Արխիվացված օրիգինալից-ից 2012-05-06-ին։ Վերցված է 2012 թ․ փետրվարի 2
- ↑ «Momsen Quit Acting»։ www.yahooblogs.com։ 2011-8-16։ Արխիվացված օրիգինալից-ից 2012-05-06-ին։ Վերցված է 2011 թ․ օգոստոսի 16–ին
Արտաքին հղումներ[խմբագրել | խմբագրել կոդը]
- Թեյլոր Մոմսենը(անգլ.)IMGModelsկայքում
