Թեմմի Դակուորտ
| Թեմմի Դակուորտ անգլ.՝ Tammy Duckworth | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Մանոայի հավայան համալսարան, Էլիոթի միջազգային հարաբերությունների դպրոց[1], Հավայան կղզիների համալսարան[1], Հյուսիսային Իլինոյսի համալսարան[1], Կապելլայի Համալսարան, Ուիլյամ Մակքինլիի անվան ավագ դպրոց (1985)[1], Բանգկոկի միջազգային դպրոց, Սինգապուրի ամերիկյան դպրոց և Ջակարտայի միջմշակութային դպրոց |
| Մասնագիտություն՝ | քաղաքական գործիչ, ուղղաթիռի օդաչու և ոչ գեղարվեստական գրող |
| Ծննդյան օր | մարտի 12, 1968[2] (56 տարեկան) |
| Ծննդավայր | Բանգկոկ, Թաիլանդ[3] |
| Քաղաքացիություն |  ԱՄՆ
|
| Ի ծնե անուն | անգլ.՝ Ladda Tammy Duckworth |
| Կայք՝ | duckworth.senate.gov |
| Ինքնագիր | 
|
| Պարգևներ |
  և  |
Լադա Թեմմի Դակուորտ (անգլ.՝ Ladda Tammy Duckworth, մարտի 12, 1968[2], Բանգկոկ, Թաիլանդ[3]), ամերիկացի զինծառայող և քաղաքական գործիչ, Դեմոկրատական կուսակցության անդամ, ԱՄՆ բանակի պաշտոնաթող փոխգնդապետ, Իլինոյս նահանգից ԱՄՆ սենատոր (2017 թվականի հունվարի 3-ից)։
Կենսագրություն
[խմբագրել | խմբագրել կոդը]Վաղ տարիներ և ռազմական կարիերա
[խմբագրել | խմբագրել կոդը]Ծնվել է Բանգկոկում, նախկին ծովային հետևակային, որը նաև դիվանագետ էր՝ ֆրենկ Դակուորտի և Լամայի Սոմպորնպայրինի դուստրն էր, մանկուց գիտեր թաիլանդերեն[4]։
1985 թվականին Հոնոլուլուում ավարտել է նախագահ Մաք-Քինլիի անվան դպրոցը, 1989 թվականին Հավայան Մանոայի համալսարանում ստացել է արվեստի բակալավրի աստիճան, 1992 թվականին՝ Ջորջ Վաշինգտոնի համալսարանում արվեստի մագիստրոսի աստիճան։
Համալսարանն ավարտելուց հետո իր համար դիվանագիտական կարիերա էր ծրագրել, սակայն ցուցակագրվել է պահեստազորի սպաների պատրաստման կորպուսին՝ զինվորականների կյանքի մասին ավելի շատ իմանալու համար։ 1992 թվականին ընդունվել է որպես պահուստային, 1993 թվականին ընդունվել Է Ֆորտ Ռաքեր (Ալաբամա) թռիչքային դպրոց։ 2003 թվականին, պատրաստվելով դոկտորական աստիճան ստանալ Հյուսիսային Իլինոյսի համալսարանում, անդամակցել է Իլինոյսի Ազգային գվարդիային և գնացել Իրաք։ 2004 թվականի նոյեմբերի 12-ին Sikorsky UH-60 Black Hawk-ի անձնակազմի կազմում մասնակցել է Ֆալուջայի համար մղվող մարտին, ուղղաթիռը բախվել է, և Դակուորտը ծանր վնասվածքների հետևանքով զրկվել է երկու ոտքերից[5]։
2004 թվականի դեկտեմբերի 3-ին պարգևատրվել է մանուշակագույն սրտի մեդալով, երեք շաբաթ անց, գտնվելով Ուոլթեր Ռիդի բժշկական կենտրոնում, կապիտանից անցում է կատարել մայորի, պարգևատրվել է նաև օդային մեդալով և ԱՄՆ բանակի Երախտագիտության մեդալով։ Կարևոր դեր է խաղացել Intrepid Foundation կազմակերպության ստեղծման գործում, որն օգնություն է ցուցաբերում զինված ուժերի վետերանների վերականգնման հարցում[6]։
Քաղաքական կարիերա
[խմբագրել | խմբագրել կոդը]2006 թվականին անհաջող փորձ է ձեռնարկել ԱՄՆ ներկայացուցիչների պալատում ընտրվելու համար, 2006 թվականից 2009 թվականներին եղել է Իլինոյսի նահանգի վետերանների գործերի դեպարտամենտի տնօրենը, 2009 թվականից 2011 թվականներին՝ ԱՄՆ-ի վետերանների գործերի նախարարի օգնականը։ 2012 թվականին դարձել Է Դեմոկրատական կուսակցության ազգային կոնվենցիայի պատվիրակ և ընտրվել է ԱՄՆ Ներկայացուցիչների պալատ (պաշտոնն ստանձնել է 2013 թվականի հունվարի 3-ին)[7]։
2015 թվականին փիլիսոփայության դոկտորի աստիճան է ստացել Մինեապոլիսի Կապելլայի վճարովի օնլայն համալսարանում, բայց 2016 թվականի ամռանը հրապարակավ վճարովի ուսումնական հաստատություններն անվանել է «գիշատիչ»[8]։
2016 թվականի նոյեմբերի 8-ին ԱՄՆ-ի Սենատի ընտրություններում հաղթել է հանրապետական Մարկ Քըրքը, ինչի շնորհիվ Իլինոյսից սենատորական երկու տեղերը հայտնվել են դեմոկրատների տրամադրության տակ[9]։
Անձնական կյանք
[խմբագրել | խմբագրել կոդը]
Ամուսնացած է Ազգային գվարդիայի մայոր Բրայան Բաուլսբիի հետ (Bryan W. Bowlsbey) 1993 թվականից։ 2014 թվականին լույս աշխարհ է բերել առաջին դստերը, որին անվանել են Աբիգայլ Օ'Կալանի Բաուլսբի (աղջկա միջին անունը Հավայի նահանգի ավանդական անուն է, նրան առաջարկել է այդ նահանգից սենատոր Դենիել Ակակա, քանի որ թեմի Դակուորտը դեռահասության տարիքից ապրել է Հավայաի նահանգում), իսկ 2018 թվականին երկրորդը՝ Մեյլ Փերլ Բաուլսբին[10]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 Tammy Duckworth — GPO, 1903.
- ↑ 2,0 2,1 McNamee G. L. Encyclopædia Britannica
- ↑ 3,0 3,1 3,2 https://asia.nikkei.com/Politics/US-elections-2020/Asia-watches-as-Bangkok-born-Tammy-Duckworth-rises-in-US-politics
- ↑ Terry Fredricson (2012 թ․ նոյեմբերի 8). «"Yin dee duay" Congresswoman Tammy (updated with video)» (անգլերեն). Bangkok Post. Վերցված է 2016 թ․ նոյեմբերի 20-ին.
- ↑ Mike Riopell (2014 թ․ նոյեմբերի 14). «The day Capt. Tammy Duckworth was shot down» (անգլերեն). Daily Herald. Վերցված է 2016 թ․ նոյեմբերի 20-ին.
- ↑ Robin Cross, Rosalind Miles Warrior Women: 3000 Years of Courage and Heroism. — Hachette UK, 2012. — ISBN 9780857380814
- ↑ «DUCKWORTH, Tammy, (1968 - )». Biograpical Directory (անգլերեն). United States Congress. Վերցված է 2016 թ․ նոյեմբերի 20-ին.
- ↑ Alex Pfeiffer (2016 թ․ հուլիսի 12). «Rep. Duckworth Thinks For-Profit Schools Are 'Predatory' — Yet She Graduated From One» (անգլերեն). Daily Caller. Վերցված է 2016 թ․ նոյեմբերի 20-ին.
- ↑ Monica Davey (2016 թ․ նոյեմբերի 8). «Tammy Duckworth Unseats Mark Kirk in Illinois Senate Race». Election 2016 (անգլերեն). The New York Times. Վերցված է 2016 թ․ նոյեմբերի 20-ին.
- ↑ Helena Andrews-Dyer (2014 թ․ նոյեմբերի 20). «Rep. Tammy Duckworth welcomes a baby girl» (անգլերեն). The Washington Times. Վերցված է 2016 թ․ նոյեմբերի 20-ին.
Արտաքին հղումներ
[խմբագրել | խմբագրել կոդը]- «Тэмми Дакворт». Кинопоиск. Վերցված է 2016 թ․ նոյեմբերի 20-ին.
- «Tammy Duckworth Biography» (անգլերեն). Bio. Վերցված է 2016 թ․ նոյեմբերի 20-ին.
 | Վիքիպահեստն ունի նյութեր, որոնք վերաբերում են «Թեմմի Դակուորտ» հոդվածին։ |
| ||||||||||||||||||
