Թեղի էլիպսաձև

Վիքիպեդիայից՝ ազատ հանրագիտարանից
Թեղի էլիպսաձև
Թեղի էլիպսաձև
Թեղի էլիպսաձև
Դասակարգում
Թագավորություն  Բույսեր (Plantae)
Ինֆրաթագավորություն Streptophyta
Վերնաբաժին Բարձրակարգ բույսեր (Embryophyta)
Ենթատիպ Սերմնավոր բույսեր (Spermatophytes)
Կարգ Վարդածաղկավորներ (Rosales)
Ընտանիք Թեղազգիներ (Ulmaceae)
Ցեղ Թեղի (Ulmus)
Տեսակ Թեղի էլիպսաձև (U. glabra)
Միջազգային անվանում
Ulmus glabra
Տարածվածություն և պահպանություն
Հատուկ պահպանության կարգավիճակ՝ Status none DD.svg
Տվյալների անբավարարություն

Տաքսոնի տարածվածությունը
Տաքսոնի տարածվածությունը

Թեղի էլիպսաձև (լատ.՝ Ulmus elliptica), թեղազգիների ընտանիքի, թեղի ցեղի բույս։

Նկարագրություն[խմբագրել | խմբագրել կոդը]

Խոշոր ծառ է մինչև 40 մ բարձրությամբ և 1-1,5 մ բնի տրամագծով։ Սաղարթը լայն-գլանաձև է։ Բնի և բազմամյա ճյուղերի կեղևը մոխրավուն կամ կարմրագորշավուն է։ Տերևներն էլիպսաձև են, սղոցաեզր, մինչև 15 սմ երկարությամբ։ Ծաղիկներն աննշան են, մանր, կանաչավուն։ Թևապտուղները հակառակ-ձվաձև են, էլիպսաձև կամ կլորավուն, 3 սմ երկարությամբ, կենտրոնում գտնվող ընկուզիկով։ Ծաղկում է ապրիլին, պտուղները հասունանում են մայիսին, այդ ժամանակաշրջանը համընկնում է գարնան ավարտին։

Տարածվածություն[խմբագրել | խմբագրել կոդը]

Բնական պայմաններում հանդիպում է Կովկասում, Եվրոպայի արևմուտքում։ Հայաստանի շրջաններում, Ապարանում, Արարատյան դաշտի նախալեռնային գոտում, Վայքում, Զանգեզուրում, Մեղրիում, Սևանի ավազանում։ Հանդիպում է միջին և վերին լեռնային գոտիներում, կաղնաբոխային և հաճարի անտառներում, ծովի մակերևույթից 1300-2100 մ բարձրության վրա։ Համարվում է տիպիկ բարձրլեռնային ծառատեսակ։ Չնայած այդ հանգամանքին, մեծ հաջողությամբ է աճում նաև մեր հանրապետության ցածրադիր գոտու պայմաններում։ Լուսասեր է, պահանջկոտ հողի բերրիության նկատմամբ, խոնավասեր է, բավականին ցրտադիմացկուն։

Կիրառություն[խմբագրել | խմբագրել կոդը]

Այս ծառատեսակը հաճախ է վարակվում հոլանդական հիվանդությամբ, որը կործանարար է թեղիների համար[1]։

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 152։