Թեթֆորդ
| Բնակավայր | ||
|---|---|---|
| անգլ.՝ Thetford | ||
.jpg) | ||
| Երկիր | .svg){kind=small} Մեծ Բրիտանիա | |
| Մակերես | 29,55 կմ² | |
| Բնակչություն | 27 027 մարդ (2016) | |
| Ժամային գոտի | UTC+0 | |
| Հեռախոսային կոդ | 01842 | |
| Պաշտոնական կայք | thetfordtowncouncil.gov.uk | |
| ||
Թեթֆորդ (անգլ.՝ Thetford), շուկայական քաղաք և քաղաքացիական ծխական համայնք Անգլիայի Նորֆոլկ նահանգի Բրեքլենդ թաղամասում։ Վերաբերում է Բրեքլենդի ոչ մետրոպոլիայի տարածքին։ 2016 թվականին քաղաքում բնակվում էր 27027 մարդ։
Անվան ծագում[խմբագրել | խմբագրել կոդը]
Թեթֆորդ անվան ծագումը պարզ չէ։ Տեղանքը եղել է Փոքր Օուզ գետի կարևոր անցումը, ուստի հավանականություններից մեկն այն է, որ բնակավայրն իր անվանումն ստացել է անգլո-սաքսոնական Թեոդֆորդից կամ մարդկանց ճանապարհից։ Անհասկանալի է նաև, թե մոտակայքում գտնվող Թեթ գետն անվանվել է անցման կամ ավելի ուշ բնակավայրի անունով։
Աշխարհագրական դիրք[խմբագրել | խմբագրել կոդը]
Թեթֆորդը գտնվում է Լիթլ-Ուզի և Թեթի միախառնման մոտ, A11 ճանապարհի վրա, որը գտնվում է Լոնդոնի և Նորիջի միջև։
Քաղաքի շրջակայքում է գտնվում Լեյքենհիթ ավիաբազան, ինչպես նաև Հանթինգթոնի ռազմական ավիաբազան։
Պատմություն[խմբագրել | խմբագրել կոդը]
Կելտական Իցենի ցեղը ապրում էր Նորֆոլկում և Քեմբրիջշիրում։ Հնագիտական ապացույցները ցույց են տալիս, որ Թեթֆորդը կարևոր ցեղային կենտրոն էր երկաթի դարի վերջում և հռոմեական նվաճումների սկզբում։ 1979 թվականին հայտնաբերվել է 4-րդ դարի կեսերին թվագրվող մետաղական իրերի հավաքածու (այժմ Բրիտանական թանգարանում)։
Սաքսոնական ժամանակներում Թեթֆորդը Արևելյան Անգլիայի մայրաքաղաքն էր։ Կառուցվել է Թեթֆորդ ամրոցը։ Պեղումները ցույց են տվել, որ այդ օրերին քաղաքում բնակվում էր մոտ 4000 բնակիչ, զարգացած էր արտադրությունը։ Քաղաքը հիմնադրվել է 1573 թվականին[1]։ 12-րդ դարում քաղաքը դարձավ կրոնական կարևոր կենտրոն։ Թեթֆորդում կար 22 եկեղեցի։ Ռոջեր Բիգոտը հիմնել է մի վանք, որը հետագայում անցել է Կլունյակ կարգի վերահսկողության տակ։ 1538 թվականին վանքերի լուծարումից հետո քաղաքը դարձավ թագավորական սեփականություն, ինչը հանգեցրեց կաթոլիկական շինությունների ավերմանը։ Վանքերի քարը օգտագործվել է տներ կառուցելու համար[2][3]։
19-րդ դարում Թեթֆորդում բացվեց շոգեմեքենաների արտադրությունը, որը գրավեց ինժեներներին Լոնդոնից և Յորքշիրից՝ փակվել է 1928 թվականին։ Առանց արտադրության մեծ ծավալի, քաղաքի բնակչությունը գործնականում կայուն էր մինչև 1950-ականները, երբ կառավարությունը սկսեց ներգրավել լոնդոնյան ներդրումներ։ Նաև Երկրորդ համաշխարհային պատերազմից հետո Թեթֆորդը ձևավորվեց որպես քաղաք Լոնդոնի ընդլայնման համար, և նրա բնակչությունը զգալիորեն ավելացավ մայրաքաղաքից բնակիչների տեղափոխումից հետո։ Քաղաքի տնտեսությունը հիմնված է թղթի, պահածոների արտադրության վրա։ Թեթֆորդը տունն էր Tulip International՝ բեկոնի, տավարի և խոզի միս ընկերության, որը բացվել է 1966 թվականին։ Դա Մեծ Բրիտանիայի խոշորագույն բեկոնի գործարաններից մեկն էր։ 2007 թվականին արտադրությունը կրճատվեց, այնուհետև փակվեց[2][3]։
Բնակչություն[խմբագրել | խմբագրել կոդը]
2016 թվականին քաղաքի բնակչությունը կազմում էր 27027 մարդ։ Նրանցից 50.3%-ը տղամարդիկ են, 49.7%-ը՝ կանայք։ Տարիքային բաշխվածությունը հետևյալն է՝ 23.5% մինչև 18 տարեկան, 61.2% 18-ից 64 տարեկան, 15.3% 65 տարեկանից բարձր։ Քաղաքի բնակչության 95,0%-ը սպիտակամորթ էր, 1,5%-ը՝ ասիացի, իսկ 0,8%-ը՝ աֆրիկացի։
| 1831 | 1901 | 1911 | 1921 | 1931 | 1939 | 1951 | 1961 | 2001 | 2011 | 2016 |
|---|---|---|---|---|---|---|---|---|---|---|
| 3462 | 4613 | 4778 | 4706 | 4098 | 4826 | 4447 | 5399 | 22030 | 24833 | 27027 |
Ծանոթագրություններ[խմբագրել | խմբագրել կոդը]
- ↑ 1,0 1,1 «Thetford»։ University of Portsmouth։ Վերցված է 2017-11-08
- ↑ 2,0 2,1 «Thetford»։ Britannica։ Վերցված է 2017-11-08
- ↑ 3,0 3,1 «Take a tour of Thetford's history Thetford»։ BBC։ Վերցված է 2017-11-08
- ↑ «Population of the East of England»։ City Population։ Վերցված է 2017-11-08
| ||||||||||
Գրականություն[խմբագրել | խմբագրել կոդը]
- Thomas Martin, Richard Gough The history of the town of Thetford, in the counties of Norfolk and Suffolk, from the earliest accounts to the present time. — J. Nichols, 1779. — 455 с.