Թարս պար

Թարս պար

Թարս պար, հայ ավանդական պարանմուշ։ Այն հիմնականում պարել են դժբախտությունների, տխրության, աղետների դեպքում։ Պարը կոչվում է «թարս» իր ձախ տեղաշարժի պատճառով, ինչը մշտապես կապվել է ձախորդության հետ (մեզ հուշում է հենց բառարմատը)։ Սակայն Թարս պարը ոչ միայն եղել է կատարվածը ողբալու, այլ նաև չարը խափանելու, չարի արմատները ոչնչացնելու կամ չարի գլխին կանչելու միջոց։ Կա նաև վարկած, որ պարի շարժման հետագիծը գծագրում է Մշո Սուրբ Առաքելոց վանքի դռան սրբապատկերը։

Պարաքայլեր

Արմունկները ծալված են սուր անկյունով։

Պարաձևը կազմված է 10 պարաքայլից․

1. կատարել բավականին մեծ քայլ ձախ ոտքով դեպի ձախ,
2. աջ ոտքով կատարել քայլ դեպի ձախ՝ խաչաձև անցկացնելով ձախ ոտքի դիմացով,
3. ձախ ոտքով քայլ դեպի ձախ,
4. կրկնել 2-րդ քայլը,
5. կրկնել 3-րդ քայլը,
6. դադար,
7. աջ ոտքով քայլ դեպի աջ,
8. ձախ ոտքով խաչվող քայլ դեպի աջ՝ խաչված դնելով աջ ոտքի կրունկի հետևում,
9. աջ ոտքով մեծ թեք քայլ դեպի աջ և առաջ,
10. ձախ ոտքը բարձրացնել ետ՝ ծալելով ծունկը։

Արտաքին հղումներ

• Թարս պար(չաշխատող հղում)
• Թարս պարը «Կարին» ավանդական երգի-պարի համույթի կատարմամբ
• Ուսուցողական հոլովակ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 152)։