Թարխուն (լիմոնադ)
Անվան այլ կիրառումների համար տե՛ս՝ Թարխուն (այլ կիրառումներ)
| Թարխուն | |
|---|---|
 | |
| Ենթատեսակ | ոչ ոգելից ըմպելիքներ |
| Ծագման երկիր |  Վրաստան |
| Ստեղծման տարի | 1887 |
| Գույն | կանաչ |
 Tarkhuna Վիքիպահեստում | |
«Թարխուն», վրացական[1] քաղցր, ոչ ալկոհոլային զովացուցիչ գազավորված, կանաչ գույնի ըմպելիք։ Պատրաստվում է ջրից, կիտրոնաթթվից, շաքարից և թարխունի հյութից։
Առաջին անգամ պատրաստվել է 1887 թվականին թիֆլիսցի դեղագործ Միտրոֆան Լագիձեի կողմից, ով առաջինը կռահեց սեփական արտադրության բնական օշարակով գազավորված ջրին ավելացնել կովկասյան թարխունի հոտավետ մզվածքը։ Մինչև Առաջին համաշխարհային պատերազմը Լագիձեն բազմաթիվ առիթներով միջազգային ցուցահանդեսների ժամանակ իր ջրի համար արժանանում էր ոսկե մեդալների։
ԽՍՀՄ-ում առաջին զանգվածային վաճառքը եղել է 1981 թվականին։ Փորձնական խմբաքանակը վաճառվել է Ցիցինի անվան Մոսկվայի գլխավոր բուսաբանական այգում՝ 0,33 լիտր տարողությամբ ստանդարտ շշերով։ Հետագայում բաղադրատոմսը հանձնվել է սննդի արդյունաբերությանը, և 1983 թվականից սկսած «Թարխունը» վաճառվել է ԽՍՀՄ երկրների մեծ մասում և ՌԽՖՍՀ վարչական շրջաններում։
Թարխունի իսկական հյութից իսկական «Թարխունը» այժմ արտադրվում է դեղին գույնի, բայց կանաչ շշերով, որպեսզի համապատասխանի սպառողների սովորույթներին։ Ներկայումս առավել հաճախ «Թարխուն» արտադրում են՝ օգտագործելով բաց դեղին E102 և կապույտ E133 ներկեր[2], սակայն կա նաև ըմպելիքի լրիվ բնական տարբերակը, օրինակ՝ գերմանական ապրանքանիշով վաճառվող «Wostok» լիմոնադը։
Ծանոթագրություններ[խմբագրել | խմբագրել կոդը]
- ↑ The Georgian Feast by Darra Goldstein p.43, University of California Press, 1999
- ↑ ««Թարխուն» ոչ ալկոհոլային ըմպելիք — Патент РФ 2098987»։ Արխիվացված է օրիգինալից 2019-04-07-ին։ Վերցված է 2015-10-03