Թարըք Աքան

Վիքիպեդիայից՝ ազատ հանրագիտարանից
Jump to navigation Jump to search
Թարըք Աքան
թուրք.՝ Tarık Akan
Tarık Akan.jpg
Ծնվել էդեկտեմբերի 13, 1949(1949-12-13)[1]
ԾննդավայրՍտամբուլ, Թուրքիա
Մահացել էսեպտեմբերի 16, 2016(2016-09-16)[2][3][1] (66 տարեկանում)
Մահվան վայրՍտամբուլ, Թուրքիա
ԿրթությունՅըլդըզ տեխնիկական համալսարան
ՔաղաքացիությունFlag of Turkey.svg Թուրքիա
Մասնագիտությունդերասան և կինոպրոդյուսեր
Պարգևներ և մրցանակներ«Ոսկե նարինջ» մրցանակ՝ կյանքի ձեռքբերումների համար

Թարըք Աքան (ի ծնե Թարըք Թահսին Ուրեգյուլ, դեկտեմբերի 13, 1949(1949-12-13)[1], Ստամբուլ, Թուրքիա - սեպտեմբերի 16, 2016(2016-09-16)[2][3][1], Ստամբուլ, Թուրքիա), թուրք դերասան և պրոդյուսեր, ով եղել է 70-ականների թուրքական կինեմատոգրաֆիայի աստղը: Առավել հայտնի է դարձել՝ նկարահանվելով Էրտեմ Էղիլմեզի Իմ սիրելի եղբայր ֆիլմում: 2016 թվականի Սեպտեմբերի 16-ին Թարըք Աքանը մահացել է Ստամբուլի ամերիկյան հոսպիտալում` թոքի քաղցկեղից:

Կենսագրություն[խմբագրել | խմբագրել կոդը]

Թարըք Աքանը ծնվել է 1949 թվականի դեկտեմբերի 13-ին Ստամբուլում[4]: Եղել է ընտանիքի երրորդ երեխան: Հայրը եղել է զինվորական: Նախնական կրթությունը ստացել է Էրզրումում, իսկ միջնակարգ կրթությունը՝ Կայսերիում: Քանի որ հայրը նշանակում էր ստացել Ստամբուլի զորամասերից մեկում, ընտանիքը տեղափոխվում է Բաքըրքոյ: Բարձրագույն կրթությունը ստացել է Յըլդըզ տեխնիկական համալսարանում՝ ստանալով մեխանիկ- ինժեների մասնագիտացում: Այնուհետև սովորել է Ժուռնալիստիկայի քոլեջում[5]: Մինչև դերասանական կարիերայի սկիզբը, աշխատել է որպես փրկիչ: Զինվորական ծառայությունը անցկացրել է Դենիզլիում: Մասնակցել է «Ձայն» (Ses) ամսագրի կազմակերպած մրցույթին: Իր դերասանական կարիերան սկսել է 1970 թվականին՝ նկարահանվելով կարճամետրաժ ֆիլմերում: 1973- 2002 թվականներին պարգևատրվել է 12 տարբեր մրցանակներով[6]: Առավել հայտնի է դարձել՝ նկարահանվելով Էրտեմ Էղիլմեզի Իմ սիրելի եղբայր ֆիլմում: Դերասանական կյանքի մեծ մասը ապրել է Ստամբուլում: Որոշ ժամանակ բնակվել է նաև Բեռլինում և Կաննում: Ավելի քան հինգ տարի եղել է «Նազըմ Հիքմեթի անվան մշակույթի և արվեստի հիմնադրամի» պատվավոր նախագահը: 2016 թվականի սեպտեմբերի 16-ին Թարըք Աքանը մահացել է Ստամբուլի ամերիկյան հոսպիտալում` թոքի քաղցկեղից: Նախագահ Ռեջեփ Թայիփ Էրդողանի հրամանով՝ Աքանին հետմահու տրվել է «Թուրք ժողովրդի արժանի զավակ» կոչումը:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]