Թաներ Աքչամ (արեւմտահայերէն)

Վիքիպեդիայից՝ ազատ հանրագիտարանից
Թաներ Աքչամ
Taner Akçam.jpg
Ծնած է 23 Հոկտեմբեր 1953
Ծննդավայր Արտահան
Մասնագիտութիւն Պատմաբան, ընկերաբան, իրաւապաշտպան եւ համալսարանի փրոֆէսօր։

Թաներ Աքչամ (թուրքերէն՝ Taner Akçam, 23 Հոկտեմբեր 1953, Արտահան), թուրք պատմաբան, Մասաչուսեցի «Քլարք» համալսարանի պատմութեան դասախօս։

Կենսագրական գիծեր[խմբագրել | խմբագրել կոդը]

Դոկտ. Աքչամ ծնած է Արտահան, 1953-ին: Ան փոքր տարիքին հետաքրքրուած է թրքական քաղաքականութեամբ: Որպէս խմբագիր ուսանողական քաղաքական թերթի մը, ան ձերբակալուած է 1976-ին եւ դատապարտուած 10 տարուան բանտարկութեան: «Միջազգային ներում» կազմակերպութիւնը (Amnesty International) որդեգրած է զինք որպէս «խղճմտանքի բանտարկեալ» (Prisoner of conscience): Տարի մը ետք, ան փախած է Գերմանիա եւ ստացած քաղաքական ապաստան: 1988-ին, ան սկսած է աշխատելու գիտական եւ ընկերային ուսումնասիրութեանց Համպուրկի հիմնարկին մէջ:

Առաջին ուսումնասիրութեան նիւթը եղած է քաղաքական բռնարարքներու պատմութիւնը՝ Օսմանեան կայսրութեան եւ Թուրքիոյ հանրապետութեան մէջ: 2000-2002 տարիներուն, ան պատմութեան այցելու դասախօս եղած է Միշիկընի համալսարանին մէջ, ինչպէս նաեւ՝ Մինիսոթայի համալսարանի ու 2008-էն ի վեր «Քլարք» համալսարանի Ողջակիզման եւ ցեղասպանութեան ուսմանց կեդրոնի ուսումնասիրող եւ դասախօս: Ան հրատարակած է բազմաթիւ գիրքեր եւ յօդուածներ՝ անգլերէն, ֆրանսերէն, գերմաներէն եւ թրքերէն լեզուներով[1]:

Մրցանակներ[խմբագրել | խմբագրել կոդը]

  • Թաներ Աքչամ մրցանակ կը ստանայ «Աշխարհը առանց ցեղասպանութեան» կազմակերպութեան կողմէ։

Այս առթիւ՝ կազմակերպութեան ղեկավարը, նամակով մը կ՛ըսուէ.

Aquote1.png Մենք երկար ատեն է, որ կը հիանանք ձեր խիզախ աշխատանքով, որուն նպատակն է փաստել Օսմանեան կայսրութեան կողմէ հայ ժողովուրդին դէմ գործուած վայրագութիւնները: Հակառակ թուրք ծայրայեղականներուն կողմէ եղած մահուան սպառնալիքներուն` դուք Ցեղասպանութեան վերաբերեալ ձեր խօսքին մէջ ցուցաբերած էք հետեւողական յամառութիւն[2]:
- Էլէն Քենետի
Aquote2.png


Ծանօթագրութիւններ[խմբագրել | խմբագրել կոդը]