Ընտանի կենդանիների գերեզմանոց (ֆիլմ, 2019)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ընտանի կենդանիների գերեզմանոց
Pet Sematary
Pet Sematary (2019 film) logo.svg
ԵրկիրFlag of the United States.svg ԱՄՆ
Ժանրմիստիկ սարսափ
ՀիմքԸնտանի կենդանիների գերեզմանոց
Թվական2019 և ապրիլի 4, 2019[1]
Լեզուանգլերեն
ՌեժիսորKevin Kölsch? և Dennis Widmyer?
ՊրոդյուսերԼորենցո դի Բոնավենտուրա, Մարկ Վահրադյան և Սթիվեն Շնայդեր
Սցենարի հեղինակՍթիվեն Քինգ
ԴերակատարներՋեյսոն Քլարկ, Amy Seimetz? և Ջոն Լիթգոու
ՕպերատորԼորի Ռոուզ
ԵրաժշտությունՔրիստոֆեր Յանգ
Պատմվածքի վայրՄեն
ԿինոընկերությունDi Bonaventura Pictures?
Տևողություն101 րոպե
Բյուջե21 000 000 ԱՄՆ դոլար
Շահույթ112 400 000 ԱՄՆ դոլար
Պաշտոնական կայքէջ

«Ընտանի կենդանիների գերեզմանոց» (անգլ.՝ Pet Sematary), Սթիվեն Քինգի համանուն վեպի հիման վրա նկարահանված սարսափ ֆիլմ, ռեժիսորներ՝ Կեվին Կոլշ և Դենիս Վիդմայեր: Գլխավոր դերերում են Ջեյսոն Կլարկը, Էմի Սայմեթսը և Ջոն Լիտգոուն[2][3][4]:

Սյուժե[խմբագրել | խմբագրել կոդը]

Բոստոնից եկած բժիշկ Լուիս Կրիդը տեղափոխվում է Լադլոու փոքրիկ քաղաք իր ամբողջ ընտանիքի՝ կնոջ՝ Ռեյչելի, փոքրիկ երեխաների՝ Էլլիի և Գեյջի, ինչպես նաև իրենց կատվի՝ Չորչի հետ: Տունը շրջապատող անտառում զբոսնելու ժամանակ Էլլին հանդիպում է մի խումբ երեխաների, որոնք շան դիակ էին տեղափոխում «Ընտանի կենդանիների գերեզմանոց» անվանմամբ գերեզմանոց: Հարևան Ջուդ Կրենդելը զգուշացնում է Էլլիին և Ռեյչելին, որ անտառները վտանգավոր են, և որ նրանք միայնակ դուրս չգան փողոցներ:

Համալսարանական հիվանդանոցում Լուիսի ներկայությամբ մահանում է մի ուսանող՝ Վիկտոր Պասկոուն, որը հիվանդանոց էր ընկել ավտովթարից հետո: Սգալով ուսանողի մահը՝ Լուիսը նրա մահվան գիշերը վառ երազ է տեսնում, որտեղ Պասկոուն իրեն տանում է կենդանիների գերեզմանոցի հետևի մաս և զգուշացնում Լուիսին «դուրս չգալ սահմաններից»: Լուիսը արթնանում է և տեսնում, որ իր ոտքերն ու մահճակալն ամբողջովին ծածկված են կեղտով, ինչը նրան տեղիք է տալիս մտածելու, որ երազը սովորական չէր:

Հելոուինի ժամանակ երեխաների կատվին մեքենա է խփում: Ջուդն ու Լուիսը տանում են Չորչին կենդանիների գերեզմանոց, սակայն հետո Ջուդը Լուիսին ավելի հեռու է տանում: Նրանք քայլում են և մի հին գերեզմանաքար գտնում, որն օգտագործում էին հնդկացիները՝ միկմակամիները: Հաջորդ օրը, ի զարմանս Լուիսի, Չորչը կենդանացած վերադառնում է տուն, չնայած այժմ նա նկատելիորեն ավելի ագրեսիվ էր: Կատուն ճանկռում է Էլլիին և դաժանորեն պատռոտում բռնած թռչունին: Լուիսը բացատրություն է պահանջում Ջուդից, որն էլ ասում է, որ այն ընտանի կենդանիների գերեզմանաքարը վերակենդանացնում է մահացածներին, և ինչպես շատերն են պատմում, այնտեղ ապրում է Վենդիգո անունով մի հոգի: Երբ Չորչը հարձակվում է Գեյջի վրա, Լուիսը փորձում է քնեցնել կատվին, սակայն հետո որոշում է չսպանել նրան, այլ փոխարենը բաց թողնել փողոց: Իսկ Էլլիին նա ասում է, որ կատուն փախել է:

Ընտանիքը խնջույք է կազմակերպում Էլլիի ծննդյան առթիվ, բայց Էլլին ճանապարհին հանկարծ նկատում է Չորչին և վազում նրա հետևից, մեծ բեռնատարը հարվածում է նրան և նա անմիջապես մահանում: Ընտանիքը մեծ ողբի մեջ է, Ռեյչելն ու Գեյջը մեկնում են, որպեսզի մի քանի օր անցկացնն Ռեյչելի ծնողների հետ: Ջուդը կանխազգում է, որ Լուիսը փորձելու է կենդանացնել Էլլիին, զգուշացնում է, որ «երբեմն մահացած լինելը կենդանի լինելուց ավելի լավ է»: Չնայած այդ ամենին՝ Լուիսը որոշում է իրականացնել մտածվածը: Լուիսը թմրանյութերով քնեցնում է Ջուդին, Լուիսը փորում է Էլլիի գերեզմանոցը, վերցնում նրա մարմինը և դնում այն միստիկ գերեզմանաքարի տակ: Էլլին կենդանանում է, սակայն նրա պահվածքը իսկույն չար և ագրեսիվ է լինում:

Իր ծնողների տանը Ռեյչելը տեսիլքներ է տեսնում, որոնք նրա մահացած քրոջ՝ Զելդայի մասին էին: Գեյջը ևս տեսնում է Վիկտորի ուրվականը, իսկ այդ ժամանակ Ջուդը արթնանում է և սկսում վիճել Լուիսի հետ: Պնդելով, որ ամեն ինչ կարգին է, Լուիսը դուրս է հանում Ջուդին, սակայն վերջինս նկատում է Էլլիին, որը նայում էր նրան իր սենյակի պատուհանից: Սարափից Ջուդը վազում է տուն և վերցնում մի ատրճանակ, որպեսզի սպանի Էլլիին: Մինչ Ջուդը փնտրում էր նրան, նրա ուշադրությունը շեղում է կատուն՝ այդպիսով հնարավորություն տալով Էլլիին հարված հասցնել Ջուդին:

Ռեյչելն ու Գեյջը վերադառնում են տուն և տեսնում կենդանի Էլլիին: Չկարողանալով հավատալ, որ իր աղջիկը կենդանացել է, Ռեյչելը Գեյջի հետ վազում է վերև: Էլլին հարվածում է Ռեյչելի փորին, բայց նրան հաջողվում է Գեյջի հետ փախչել բաղնիք ու փակվել այնտեղ: Լուիսը գտնում է Ջուդի մարմինը և վերադառնում տուն, որտեղ տեսնում է վախեցած Ռեյչելին, որը երկրորդ հարկի բաղնիքի պատուհանից դուրս է նետում Գեյջի մարմինը: Լուիսը բռնում է Գեյջին, ու այդ ժամանակ Էլլին հարվածում է մոր մեջքին: Լուիսը փակում է Գեյջին մեքենայում և վերադառնում վերև՝ գտնելու մահացող Ռեյչելին, որն աղաչում էր, որ իրեն չթաղեն ընտանի կենդանիների գերեզմանոցում:

Էլլին հարվածում է Լուիսին, և մինչ նա ուշագնած էր, Էլլին քարշ է տալիս Ռեյչելի մարմինը անտառ և թաղում նրան ընտանի կենդանիների գերեզմանոցում: Լուիսը պատրաստվում է սպանել Էլլիին անտառում, բայց վերջին պահին նրան սպանում է հարություն առած Ռեյչելը, և նրան նույնպես թաղում են այնտեղ: Ընտանիքի հարություն առած երեք անդամները հիմքից այրում են Ջուդի տունը և գնում դեպի մեքենան, որում դեռևս նստած էր Գեյջը։ Հարություն առած Լուիսը բացում է մեքենայի դուռը։

Դերերում[խմբագրել | խմբագրել կոդը]

  • Ջեյսոն Կլարկ՝ Լուիս Կրիդ
  • Էմի Սայմեթս՝ Ռեյչել Կրիդ
  • Ջոն Լիտգոու՝ Ջուդ Կրենդալ
  • Ժետե Լորանս՝ Էլլի Կրիդ
  • Հյուգո Լավոյ և Լուկաս Լավոյ՝ Գեյջ Կրիդ
  • Օբսա Ախմեդ՝ Վիկտոր Պասկոու
  • Ալիսա Բրուկ Լևին՝ Զելդա
  • Մարիա Էրերա՝ Մարսելա
  • Ժակոբ Լեմյե՝ մկան դեմք ունեցող կերպար
  • Մևրիկ Ֆորթին՝ շան դեմք ունեցող կերպար
  • Լու Ֆերանդո՝ նապաստակի դեմք ունեցող կերպար
  • Նաջիա Մուիպատայի՝ կատվի դեմք ունեցող կերպար
  • Ռոզալի Դրուան՝ ձիու դեմք ունեցող կերպար

Արտադրություն[խմբագրել | խմբագրել կոդը]

2010-ական թվականների սկզբին Paramount Pictures նախագծել է թողարկել Սթիվեն Քինգի վեպի նոր էկրանավորումը: Սցենարը պատրաստում էին Դևիդ Կայգանիչն ու Մեթ Գրինբերգը: Ավելի ուշ նրանց փոխարինել է Ջեֆ Բախլերը, որը սցենարը գրել է 3 ամսվա ընթացքում[5]:

2015 թվականին Գիլյերմո դել Տորոն ցանկություն է հայտնել վեպի հիման վրա նոր էկրանավորում ստեղծել[6]:

Ավելի ուշ կինոնկարի ռեժիսոր է ընտրվել Խուան Կառլոս Ֆրեսնադիլյոն: Հետագայում նրան նույնպես փոխարինել են[7]:

Քննադատություն[խմբագրել | խմբագրել կոդը]

Ֆիլմը քննադատների կողմից հիմնականում ստացել է միջին գնահատականներ: Rotten Tomatoes կայքում այն ունի 57 % դրական արձագանքներ[8]: Metacriticе-ում ՝ 100-ից 57 միավոր[9]:

Ծանոթագրություններ[խմբագրել | խմբագրել կոդը]