Ընկերության թևկապ
Ընկերության թևկապ կամ բարեկամության թևկապ, թևնոց, որը մեկ անձից տրվում է մյուսին՝ որպես ընկերության և բարեկամության նշան։ Ընկերության թևկապերը հաճախ ձեռագործ են, հիմնականում ձեռագործ թելի շարաններից։ Թևնոցների համար կան մի շարք տարբեր ոճեր և նախշեր, բայց մեծ մասը հիմնված են պարզ հանգույցների վրա։
Ընկերության թևկապերը առաջին անգամ հայտնի են դարձել Միացյալ Նահանգներում, 1970 ականներին։ Այն կրում են թե աղջիկ, և թե տղա դեռահասները[1]։ Դրանք հիմա հայտնի են ամբողջ աշխարհում[2][3][4], և կրում են ոչ միայն դեռահասները, այլ նաև մեծերը, այն օգտագործում են նաև նշանավոր մարդիկ։ Ընկերության թևկապը կարելի է կրել տարբեր առիթներով։ Օրինակ՝ դրանք շատ ժամանակակից աքսեսուարներ են լողափերում։ Դրանք այնպիսի նյութերից են պատրաստված, որոնք հեշտ չեն քայքայվում և որոնցով կարելի է ազատ լողալ[5]։
Ավանդույթ[խմբագրել | խմբագրել կոդը]
Ընկերության թևկապերը շատ խորհրդանշաններ ու իմաստներ ունեն։ Որոշ նախշեր վերցված են Չինաստանից։ Ավանդույթի համաձայն՝ ընկերներից մեկը մյուսի դաստակին կապում է թևնոցը, իսկ մյուս ընկերը այդ պահին ցանկություն է պահում։ Թևնոցը պետք է թևին մնա այնքան ժամանակ, մինչև այն լիովին մաշվի, այդ ժամանակ ենթադրվում է, որ պահված ցանկությունը կատարվում է։
Գույների նշանակություն[խմբագրել | խմբագրել կոդը]
- Կարմիր - սեր, արյուն, կրակ, էներգիա
- Ալ կարմիր - ագրեսիվություն
- Վարդագույն - սեր, կիրք, նրբություն
- Նարնջագույն - խաղաղասիրություն
- Դեղին - արև, հավատ, գեղեցկություն, ամառ
- Կանաչ - երիտասարդություն, բնություն, անտառ, բույս
- Մոխրականաչ - կոտրված հույսեր
- Երկնագույն - ընկերություն, հանդարտություն, հույս, երկինք, ջուր
- Կապույտ - հանդարտություն, ընկերասիրություն, բաց հոգի
- Մանուշակագույն - երազանքներ, խելացիություն, երևակայություն
- Շագանակագույն - հող, երկիր, տան հարմարավետություն
- Սպիտակ - անմեղություն, մաքրություն, ազատություն
- Մոխրագույն - համեստություն, տխրություն, մտքի միայնություն
- Սև - մթություն, տխրություն, միայնություն, խավար
Աղբյուրներ[խմբագրել | խմբագրել կոդը]
- Уроки, схемы плетения фенечек из мулине, кумихимо
- Блог о плетении фенечек Archived 2013-02-02 at the Wayback Machine.
- Сайт с уроками и схемами плетения фенечек Archived 2014-05-23 at the Wayback Machine.
- Сайт со схемами, фото и видео уроками по плетению
Ծանոթագրություններ[խմբագրել | խմբագրել կոդը]
- ↑ Buchanan Andrea J., Miriam Peskowitz (2007)։ The Daring Book for Girls։ New York: Collins։ էջ 99։ ISBN 0-06-147257-3
- ↑ Robinson Russell (նոյեմբերի 6, 2010)։ «Weekend: Mums on a mission»։ Herald Sun
- ↑ Johnson Dirk (օգոստոսի 13, 1993)։ «Despite rain, Denver is a mile high for the Pope»։ Moscow-Pullman Daily News
- ↑ Glascock Stuart (ապրիլի 13, 2008)։ «Dalai Lama draws 65,000 in Seattle»։ Common Dreams։ Արխիվացված է օրիգինալից 2012-10-09-ին։ Վերցված է 2015-03-18
- ↑ «Friendship Bracelets and Patterns»։ diamondsinstyle.com։ Վերցված է 2013 թ․ մայիսի 27