Էքսարխիա
| Էքսարխիա | ||
| Εξάρχεια | ||
 | ||
| Երկիր |  Հունաստան | |
|---|---|---|
| Պաշտոնական կայք | www.cityofathens.gr | |
| ||
Էքսարխիա (հուն․՝ Εξάρχεια), կենտրոնական շրջան Աթենքում։ Արևելքից սահմանակից է Կոլոնակի տարածքին, շրջապատված է Պատիսիոն, Պանեպիստիմիու, Սոլոնոս փողոցներով և Ալեքսանդրաս պողոտայով։ Տարածքը սպասարկվում է մի քանի ավտոբուսային և տրոլեյբուսային երթուղիներով, ինչպես նաև Աթենքի մետրոյի «Պանեպիստիմիո», «Օմոնիա» և «Վիկտորիա» կայարաններով։
Էքսարխիա շրջանի մեջ են գտնվում Աթենքի ազգային տեխնիկական համալսարանի պատմական շենքը, Աթենքի ազգային հնագիտական թանգարանը և Ստրեֆիս բլուրը։ Տարածքի կյանքը շատ աշխույժ է։ Ստուրնարի փողոցը, իր բազմաթիվ համակարգչային և թվային մանրածախ խանութներով, հաճախ անվանում են Հունաստանի Սիլիկոնային հովիտ։ Էքսարխիայում դեռ գործում է հին Աթենքի «Վոքս» կինոթատրոնը։
Պատմություն[խմբագրել | խմբագրել կոդը]
Էքսարխիա թաղամասը ստեղծվել է 1870-1880 թվականներին՝ այն ժամանակ քաղաքի ծայրամասում։ Անունը գալիս է վաճառական Էքսարխոսի (հուն․՝ Έξαρχος) անունից, որը բացել է քաղաքում առաջին հանրախանութն այդ տարածքում։
Այդ ժամանակներից ի վեր՝ այդ տարածքը հաճախ կարևոր դեր է խաղացել Հունաստանի հասարակական և քաղաքական կյանքում։ 1973 թվականի նոյեմբերին Էքսարխիայի հետ Աթենքի պոլիտեխնիկական համալսարանում ապստամբություն է սկսվել։ Քանի որ «սև գնդապետների» տապալումից հետո համալսարաններն օգտվում են արտատարածքայինության իրավունքից՝ պաշտպանելով նրանց ոստիկանության չթույլատրված ներթափանցումից, այժմ Էքսարխիան հայտնի է որպես ապաստարան աթենացի անարխիստների և այլ ձախ արմատականների (ծայրահեղ սոցիալիստներ, հակաֆաշիստներ) համար։ Միևնույն ժամանակ, Հունաստանի մայրաքաղաքի մտավոր վերնախավի շատ ներկայացուցիչներ ապրում են այստեղ՝ համալսարանական թաղամասում և քաղաքի կենտրոնական տարածքում։
2008 թվականի դեկտեմբերին, Էքսարխիայում, 15-ամյա Ալեքսանդրոս Գրիգորոպուլոսը գնդակահարվել և սպանվել է ոստիկանի կողմից դեռահաս անարխիստների հետ պայքարում, ինչը բողոքներ է առաջացրել ողջ Հունաստանում և Արևմտյան Եվրոպայում։
2019 թվականին իշխող «Նոր ժողովրդավարություն» կուսակցության նախաձեռնությամբ սկսվել են ոստիկանական գործողություններ անարխիստների[1] ու միգրանտների դեմ[2]։
Հայտնի մարդիկ[խմբագրել | խմբագրել կոդը]
- Ռենոս Ապոստոլիդիս, գրող և քննադատ[3]
- Արլետա, երգչուհի և երաժիշտ[4]
- Բեթի Արվանիտի, դերասանուհի
- Նիկոլաս Ասիմոս, երգերի հեղինակ, երգիչ
- Նիկոլաոս Գիզիս, արվեստագետ[5]
- Յորղոս Իոանու, գրող[6]
- Էլենի Կաստանի, դերասանուհի
- Նապոլեոն Լապաթիոտիս, բանաստեղծ[7]
- Սոֆիա Ֆիլիպիդու, դերասանուհի
- Մերի Ցոնի, երգչուհի և դերասանուհի
Պատկերասրահ[խմբագրել | խմբագրել կոդը]
Կենտրոնական հրապարակ, 2007 թվական
Կապույտ շենք, 1932-33 թվականներ, ճարտարապետ Կիրիակոս Պանայոտակիս
Էքսարխիան 2008 թվականի անկարգությունների ժամանակ
Տեսարան՝ դեպի փողոց
Պատիսիոն փողոց
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «В Афинах произошли серьезные столкновения между анархистами и полицией» (ռուսերեն)։ РИА Новости։ 20190830T0738+0300Z։ Վերցված է 2019-10-02
- ↑ «Полиция выселила 270 мигрантов из двух захваченных зданий в центре Афин» (ռուսերեն)։ РИА Новости։ 20190919T1650+0300Z։ Վերցված է 2019-10-02
- ↑ Αντωνόπουλος Θοδωρής։ «H ιστορία των Εξαρχείων από το 1840 ως σήμερα: μια καταποντισμένη μυθική πολιτεία― με σπάνιες φωτογραφίες»։ www.lifo.gr (Greek)
- ↑ «Συγκίνηση στα Εξάρχεια: Τα αποκαλυπτήρια του γλυπτού για την Αρλέτα»։ www.news247.gr (Greek)։ Վերցված է 17 July 2021
- ↑ Αντωνόπουλος Θοδωρής։ «H ιστορία των Εξαρχείων από το 1840 ως σήμερα: μια καταποντισμένη μυθική πολιτεία― με σπάνιες φωτογραφίες»։ www.lifo.gr (Greek)
- ↑ «Τα Εξάρχεια του Γιώργου Ιωάννου»։ www.archaiologia.gr (Greek)։ Վերցված է 17 July 2021
- ↑ Δημητριάδη Φιλίππα։ «Κατοικίες σημαντικών Αθηναίων, λιγότερο γνωστές, που προσπερνάμε καθημερινά περπατώντας στην Αθήνα»։ www.athensvoice.gr (Greek)։ Վերցված է 17 July 2021