Էրիքսոն Գլոբ

Էրիքսոն Գլոբ
Տեսակ	բազմաֆունկցիոնալ համալիր
Մարզաձև	տափօղակով հոկեյ
Տեղագրություն	Ստոկհոլմ
Երկիր	Շվեդիա
Անվանված է	Ավիչի
Բացված	փետրվարի 19, 1989
Ճարտարապետ	Berg Arkitektkontor
Սեփականատեր	SGA Fastigheter և Ericsson?
Գործաղեկավար	Anschutz Entertainment Group
Տարողություն	13 850 և 16 531
Տնային թիմ	Շվեդիայի տափօղակով հոկեյի տղամարդկանց հավաքական, Djurgårdens IF Hockey? և AIK IF?
Կայք	aviciiarena.se(անգլ.)(շվեդ.)
	Avicii Arena Վիքիպահեստում

«Էրիքսոն Գլոբ» (շվեդերեն՝ Ericsson Globe, ոչ պաշտոնապես պարզապես Գլոբեն — Globen, «գլոբուս»), տարբեր կիրառություններ ունեցող 85-մետրանոց արենա Շվեդիայի մայրաքաղաք Ստոկհոլմում։ Խոշորագույն գնդաձև կառույցն աշխարհում, համերգների ու սպորտային միջոցառումների անցկացման վայր։ Արենան գտնվում է Գլոբեն Սիթի միկրոշրջանում, որը ստեղծված է հատուկ նրա համար։ Տարողությունը 16 000 մարդ է համերգների ժամանակ և 13 850 մարդ հոկեյի խաղերի ժամանակ։

Արենան բացվել է 1989 թվականի փետրվարի 19-ին^[5]։ Իրենից ներկայացնում Արև Շվեդիայի արեգակնային համակարգում՝ Արեգակնային համակարգի` աշխարհի խոշորագույն մոդելում^[6]։

2009 թվականի փետրվարի 2-ից «Ստոկհոլմ Գլոբեն Արենա»-ի սեփականության իրավունքը ձեռք է բերել շվեդական Ericsson հեռահաղորդակցության ընկերությունը։ Այդ ժամանակից ի վեր արենան սկսեց կոչվել «Էրիքսոն Գլոբ»^[7]։

Նախագծի պատմություն[խմբագրել | խմբագրել կոդը]

«Ստոկհոլմ Գլոբեն Արենա» եւ Գլոբեն Սիթի Նախագիծը մշակվել է ճարտարապետ Սվանտե Բերգի (շվեդերեն՝ Svante Berg) կողմից՝ նոր մարզադաշտի լավագույն նախագծի մրցույթի շրջանակներում, որը Ստոկհոլմ քաղաքը հայտարարեց 1985 թվականին։ Գլոբեն Սիթիի, իսկ դրա հետ մեկտեղ «Ստոկհոլմ Գլոբեն Արենա» -ի մակետը ստեղծվել է 1985 թվականին։

Շինարարություն[խմբագրել | խմբագրել կոդը]

Արենայի հիմնարկեքը տեղի է ունեցել 1986 թվականի սեպտեմբերի 10-ին, իսկ շինարարությունը սկսվեց նույն թվականի աշնանը։ 1987 թվականի ապրիլին արդեն դրվել էր հիմնակմախքի քառորդ մասը, հունիսին՝ կեսը։ Սեպտեմբերին արդեն մասամբ պատրաստ էր գնդաձև գմբեթը։ Նոյեմբերին կատարվեց լուսային մոնտաժը և արդեն գրեթե ամբողջությամբ պատրաստ էր գմբեթը։ 1988 թվականին արենան ամբողջությամբ կառուցված էր։

Արենայի կառուցումը
«Գլոբեն»-ը 1987 թվականի ապրիլին
«Գլոբեն»-ը 1987 թվականի սեպտեմբերին
1988 թվականի օգոստոսի արենան ամբողոջությամբ կառուցված է

Կոնստրուկցիա[խմբագրել | խմբագրել կոդը]

Մարզադաշտի հիմնակմախք

«Գլոբեն»-ի գնդաձև գմբեթը կազմված է 48 թեքված երկաթյա սյուներից։ Գնդի ներքին ծածկույթը կազմված է վանդակաձև ալյումինից, արտաքինը՝ սպիտակ լաքապատ, բարակ մետաղական սալերից՝ 140 մմ հաստությամբ և հավասարապես դասավորված ալյումինե վանդակներում։ Փխրուն գմբեթին լրացուցիչ ժանդակություն են խողովակ-սյուները, որոնք նույնպես ալյումինից են։ Արենայի տրամագիծը կազմում է 110 մետր։

Ներսույթ[խմբագրել | խմբագրել կոդը]

Արենայի ներսում տեղավորված է հարթակը, որը կարող է օգտագործվել և՛ տափօղակով հոկեյի խաղերի ժամանակ, և՛ համերգների։ Հարակից շինությունում տեղ կա ոչ մեծ հանդիսությունների համար։

SkyView[խմբագրել | խմբագրել կոդը]

2010 թվականի փետրվարին արենայի արտաքին հարավային կողմում բացվեց վերելակ, որը այցելուներին տեղափոխում էր արենայի գմբեթ։ SkyView-ը կազմված է 2 գոնդոլներից, որոնցից յուրաքանչյուրը կարող է տանել 16 մարդ և շարժվում են 2 զուգահեռ ուղիներով։

Իրադարձություններ[խմբագրել | խմբագրել կոդը]

Սպորտային[խմբագրել | խմբագրել կոդը]

Արենան «Եվրատեսիլ 2016» երգի մրցույթի ժամանակ

Արենան ընդունել է 1989 թվականի Եվրոպայի վոլեյբոլի առաջնությունը, բասկետբոլի Եվրոպայի 2003 թվականի առաջնությունը, հանդբոլի 2002 թվականի Եվրոպայի առաջնությունը, հոկեյի 1989, 1995, 2012, 2013 թվականի աշխարհի առաջնությունները և հոկեյի աշխարհի գավաթի 1996 և 2004 թվականի խաղարկությունները։ Ամեն տարի «Էրիքսոն Գլոբ»-ում անցկացվում է Ստոկհոլմի թեթև ատլետիկայի Գրան պրին։

Երաժշտական[խմբագրել | խմբագրել կոդը]

Էրիքսոն Գլոբում կայացել են այնպիսի համաշխարհային ճանաչում ունեցող կատարողների համերգներ, ինչպիսիք են՝ Էմինեմը, Շերը, Լեդի Գագան, Ջասթին Թիմբերլեյքը, Ջենիֆեր Լոպեսը, Բեյոնսեն։

Արենայում կայացել են «Եվրատեսիլ 2000» երգի մրցույթը «Մելոդիֆեստիվալեն»-ի 1989^[8] և 2002-2012 թվականների եզրափակիչները^[9]։ 2016 թվականի մայիսի 10, 12 և 14-ին «Էրիքսոն Գլոբ»-ում տեղի ունեցավ «Եվրատեսիլ 2016»-ը^[10]։