Jump to content

Էրիկ Բոգոսյան

Վիքիպեդիայից՝ ազատ հանրագիտարանից
Էրիկ Բոգոսյան
Eric Bogosian
Դիմանկար
Ծնվել էապրիլի 24, 1953(1953-04-24)[1] (73 տարեկան)
ԾննդավայրՈւոբըրն, Միդլսեքս շրջան, Մասաչուսեթս, ԱՄՆ
Քաղաքացիություն ԱՄՆ
Մայրենի լեզուանգլերեն
ԿրթությունՕբերլինի քոլեջ և Woburn Memorial High School?
Մասնագիտությունդերասան, սցենարիստ, գրող, դրամատուրգ, հեռուստատեսային դերասան, վիպասան, կինոդերասան և թատրոնի դերասան
Պարգևներ և
մրցանակներ
 Eric Bogosian Վիքիպահեստում

Էրիկ Բոգոսյան (անգլ.՝ Eric Bogosian, ապրիլի 24, 1953(1953-04-24)[1], Ուոբըրն, Միդլսեքս շրջան, Մասաչուսեթս, ԱՄՆ), ամերիկահայ դերասան[2], սցենարիստ, թատերագիր, մոնոլոգիստ, վիպասան։ Հեղինակել է բազմաթիվ թատերգություններ, որոնցից Talk Radio-ն (1987) և subUrbia-ն (1994) էկրանավորվել են. դրանց հիման վրա նկարահանված ֆիլմերի ռեժիսորներն են համապատասխանաբար Օլիվեր Սթոունը և Ռիչարդ Լինքլեյթերը։

Գործունեություն

[խմբագրել | խմբագրել կոդը]

Բոգոսյանը դերակատարումներով հանդես է եկել բազմաթիվ թատերական ներկայացումներում, կինոնկարներում, հեռուստաֆիլմերում ու հեռուստասերիալներում։ Նրա հեռուստատեսային հիշարժան դերերից են կապիտան Դենի Ռոսը Law & Order: Criminal Intent-ում (2006–2010), Լոուրենս Բոյդը Billions-ում (2017–2018), Ջիլ Իվիսը Succession հեռուստասերիալում (սկսվել է 2018 թվականից)։ Բոգոսյանը գլխավոր հերոսի կերպարի մարմնավորմամբ հանդես է եկել կինոռեժիսորներ Սաֆդի եղբայրների Uncut Gems ֆիլմում (2019)։ Բացի այդ, Նյու Յորքում մասնակցել է բալետային բեմադրությունների։ Այս ամենի հետ մեկտեղ հեղինակել է մի շարք վեպեր, գրել պատմագիտական «Նեմեսիս գործողությունը» գիրքը (Operation Nemesis, (2015):

1980-2000 թվականներին Բոգոսյանի գրած և կատարած վեց հիմնական սոլոներ են բեմադրվել Բրոդվեյի սահմաններից դուրս՝ նրան բերելով երեք Օբի մրցանակ (1998)[3], ինչպես նաև Դրամա Դեսկ մրցանակ: Նրա առաջին երկու սոլոները՝ «Men Inside»-ը և «FunHouse»-ը, ներկայացվել են Նյու Յորքի Շեքսպիրյան փառատոնում[4][5]: Նրա երրորդը՝ «Droing in America»-ն, բեմադրվել է American Place Theater-ում[6]: «Sex, Drugs, Rock & Roll»-ը, «Pounding Nails in the Floor with My Forehead»-ը և «Wake Up and Smell the Coffee»-ն բոլորն էլ բեմադրել է Ֆրեդերիկ Զոլոն Բրոդվեյի սահմաններից դուրս[7]:

Մրցանակներ

[խմբագրել | խմբագրել կոդը]

Բոգոսյանը մի շարք հեղինակավոր մրցանակների դափնեկիր է, որոնց թվում է Բեռլինի միջազգային կինոփառատոնի «Արծաթե արջ»-ը (շնորհվել է Talk Radio ֆիլմում իր դերակատարման համար[8]): Նա արժանացել է նաև «Դրամա Դեսկ» մրցանակի[9], երեք անգամ՝ «Օբի» մրցանակի։ 2004 թվականին նրան շնորհվել է Գուգենհայմ կրթաթոշակ[10]։ Բացի այդ, Բոգոսյանը երկու անգամ խրախուսական ֆինանսավորում է ստացել արվեստների ամերիկյան ազգային հիմնադրամից (National Endowment for the Arts[11]):

Անձնական կյանք

[խմբագրել | խմբագրել կոդը]

Պողոսյանը ծնվել է ԱՄՆ Մասաչուսեթս նահանգի Բոստոն քաղաքում` Էդվինա և Հենրի Պողոսյանների ընտանիքում։ Հայրը հաշվապահ էր, մայրը՝ վարսավիր[12][13]։ Վաղ մանկությունն անց է կացրել Ուոթերթաունում, որի բնակիչների մեջ մեծ թիվ էին կազմում ցեղասպանությունից մազապուրծ փրկված և Ամերիկայում ապաստան գտած հայերը։ Հետագայում ընտանիքով տեղափոխվել են Ուոբուրն, որտեղ Էրիկը հաճախել է Woburn Memorial High School ավագ դպրոցը և դեռ դպրոցական տարիներին հրապուրվել թատրոնով։ Չիկագոյի համալսարանում սովորելուց և Օբեռլինի քոլեջն ավարտելուց[14] հետո Բոգոսյանը մեկնել է Նյու Յորք՝ թատրոնում սկսելու իր դերասանական կարիերան։ 1980 թ. ամուսնացել է նյույորքյան թատրոններից մեկի տնօրեն Ջո Էնն Բունիի հետ։ Ունեն 2 որդի՝ Հարրի և Թրևիս Բոգոսյանները[15]։

Ֆիլմագրության ընտրանի

[խմբագրել | խմբագրել կոդը]

Գրական երկեր

[խմբագրել | խմբագրել կոդը]
  • Men in Dark Times
  • Scenes from the New World
  • Sheer Heaven (1980)
  • Men Inside (1981)
  • The New World (1981)
  • FunHouse (1983)
  • Drinking in America (1986) (արժանացել է «Դրամա Դեսկ» մրցանակի)
  • Talk Radio (թատերգություն, 1987) (նաև՝ Talk Radio ֆիլմ, 1988)
  • Sex, Drugs, Rock & Roll (1990)
  • Notes from the Underground (1993)
  • Pounding Nails in the Floor with My Forehead (1994)
  • subUrbia (թատերգություն, 1994) (նաև՝ subUrbia ֆիլմ, 1996)
  • Griller (1998)
  • Mall (2000)
  • Wake Up and Smell the Coffee (2000)
  • Humpty Dumpty (2004)
  • Non-profit Benefit
  • Red Angel
  • Wasted Beauty (2005)
  • 1+1 (2008)
  • Perforated Heart (2009)
  • Operation Nemesis (ոչ գեղարվեստական գիրք, 2015)

Ծանոթագրություններ

[խմբագրել | խմբագրել կոդը]
  1. 1 2 Internet Broadway Database — 2000.
  2. ↑ Anny Bakalian //Armenian Americans: From Being to Feeling Armenian Արխիվացված 2017-11-08 Wayback Machine // Transaction Publishers, 2011 p.438 (511) ISBN 1412842271, 9781412842273
  3. ↑ «Eric Bogosian & Kristen Johnson To Host Obie Awards, May 18 | Playbill». Playbill. Վերցված է 2017 թ․ հոկտեմբերի 27-ին.
  4. ↑ Rich, Frank (1982 թ․ սեպտեմբերի 17). «THEATER: A SOLO BY ERIC BOGOSIAN». The New York Times. Վերցված է 2019 թ․ դեկտեմբերի 27-ին.
  5. ↑ Rich, Frank (1983 թ․ հուլիսի 8). «THEATER: 'FUNHOUSE' AND 'EMMETT' AT PUBLIC». The New York Times. Վերցված է 2019 թ․ դեկտեմբերի 27-ին.
  6. ↑ Rich, Frank (1986 թ․ հունվարի 21). «THEATER: 'DRINKING IN AMERICA'». The New York Times. Վերցված է 2019 թ․ դեկտեմբերի 27-ին.
  7. ↑ Lefkowitz, David (2000 թ․ ապրիլի 24). «Bogosian to Wake Up at NYC's Jane Street, April 24». Playbill. Վերցված է 2019 թ․ դեկտեմբերի 27-ին.
  8. ↑ «'Rain Man' Wins Golden Bear Award For Best Full-Length Film». Associated Press. 1989 թ․ փետրվարի 21. Վերցված է 2019 թ․ դեկտեմբերի 27-ին.
  9. ↑ «In Performance: Eric Bogosian Performs Excerpt from 100 (Monologues)». BroadwayWorld. 2013 թ․ հոկտեմբերի 15. Վերցված է 2019 թ․ դեկտեմբերի 27-ին.
  10. ↑ «John Simon Guggenheim Foundation | Eric Bogosian». Արխիվացված է օրիգինալից 2019-11-18-ին. Վերցված է 2019 թ․ դեկտեմբերի 27-ին.
  11. ↑ «Eric Bogosian To Lead Talkback Panel Following Performance Of DAYBREAK At Pan Asian Rep». BroadwayWorld. 2018 թ․ ապրիլի 27. Վերցված է 2019 թ․ դեկտեմբերի 27-ին.
  12. ↑ «Eric Bogosian Biography (1953-)». filmreference.com.
  13. ↑ CurrentObituary.com. «Henry Bogosian - Obituary - Watertown, MA - Aram Bedrosian Funeral Home».
  14. ↑ Kogan, Rick (1993 թ․ ապրիլի 25). «ON BROADWAY WITH ERIC BOGOSIAN». Chicago Tribune. Վերցված է 2019 թ․ դեկտեմբերի 27-ին.
  15. ↑ De Vries, Hilary (1991 թ․ հունիսի 23). «COVER STORY : Hello, America . . . Eric Bogosian Calling : Having earned a reputation as a biting commentator on stage, the monologuist wants to put his vision on the big screen». Los Angeles Times. Վերցված է 2019 թ․ դեկտեմբերի 27-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Էրիկ Բոգոսյան» հոդվածին։
Ստացված է «https://hy.wikipedia.org/w/index.php?title=Էրիկ_Բոգոսյան&oldid=10852393» էջից