Էրիկս Էշենվալդս
| Էրիկս Էշենվալդս | |
|---|---|
| Բնօրինակ անուն | լատիշ․՝ Ēriks Ešenvalds |
| Ծնվել է | հունվարի 26, 1977[1] (42 տարեկան) Պրիեկուլե, Լատվիա |
| Երկիր |  Լատվիա |
| Ժանրեր | դասական երաժշտություն |
| Մասնագիտություն | կոմպոզիտոր |
| Կրթություն | Յազեպ Վիտոլի անվան Լատվիայի երաժշտական ակադեմիա |
| Պարգևներ | Երեք արտղի 4-րդ դասի շքանշան և Grand Music Award? |
| Կայք | eriksesenvalds.com |
Էրիկս Էշենվալդս (լատիշ․՝ Ēriks Ešenvalds, հունվարի 26, 1977[1], Պրիեկուլե, Լատվիա), ժամանակակից լատիշ կոմպոզիտոր[2][3], Լատվիայի երաժշտական ակադեմիայի դասախոս: Լատվիայի Երաժշտական մեծ մրցանակի եռակի դափնեկիր[4], երեք աստղի շքանշանի սպա:
Բովանդակություն
Կենսագրություն[խմբագրել | խմբագրել կոդը]
Էրիկս Էշենվալդսը ծնվել է Պրիեկուլում: 1995-1997 թվականներին սովորել է Լատվիայի բապտիստական հոգևոր ճեմարանում, 2004 թվականին ավարտել է Լատվիայի Յազեպ Վիտոլի անվան երաժշտական ակադեմիան (կոմպոզիցիայի մագիստրոս, ղեկավար՝ Սելգա Մենցե): Նա վարպետության դասեր է ունեցել կոմպոզիտորներ Մայքլ Ֆիննիսիի, Կլաուս Հուբերի, Ֆիլիպ Մանուրիի և Ջոնաթան Հարվիի մոտ: 2002-2011 թվականներին մասնակցել է «Լատվիա» երգչախմբին[2][3], 2011-2013 թվականներին նա Քեմբրիջի համալսարանի Տրինիտի քոլեջի ստեղծագործական արվեստների արտոնյալ ուսանող էր[5]: Լատվիայի Երաժշտական մեծ մրցանակի եռակի դափնեկիր[4], Կոմպոզիտորների միջազգային տրիբունայի մրցանակի դափնեկիր «Լեգենդ բանտարկված կնոջ մասին» ստեղծագործության համար[6]: 2014 թվականին Համաշխարհային երգչախմբի խաղերի օրհներգի հեղինակն է Ռիգայում, որն այդ տարի ճանաչվել էր Եվրոպական մշակույթի մայրաքաղաք[7]:
Ներկայումս Լատվիայի երաժշտական ակադեմիայում կոմպոզիցիա է դասավանդում: Ամուսնացած է, ունի չորս երեխա[8]:
Ձայնագրություններ[խմբագրել | խմբագրել կոդը]
Էշենվալդսի ձայնագրությունները թողարկվում են Hyperion Records, Decca Classics, Deutsche Grammophon, Delphian Records, Pentatone և Ondine ստուդիաների կողմից[2]: Հետևյալ ձայնագրությունները նվիրված են բացառապես նրա աշխատանքներին.
- «Սուրբ Ղուկասի սերը, սուրբ աշխատություններ» (St Luke Passion Sacred Works) — Լատվիայի ռադիոյի երգչախումբ, Ռիգայի և Սիգվարդս Կլյավի սիմֆոնիկ նվագախումբ (Ondine, 2016)
- «Հյուսիսային լույսեր և այլ երգչախմբային աշխատություններ» (Northern Lights & other choral works) — Քեմբրիջի Տրինիտի քոլեջի երգչախումբ և Ստիվեն Լեյտոն (Hyperion Records, 2015)
- «Երկնքի հիմքում» (At the Foot of the Sky) — «Լատվիա» պետական երգչախումբ և Մարիս Սիրմաիս (2013)
- «Կիրք և Հարություն և այլ երգչախմբային աշխատություններ» (Passion & Resurrection & other choral works) — Britten Sinfonia, Polyphony երգչախումբ և Ստիվեն Լեյտոն (Hyperion Records, 2011)
- «O Salutaris» — կամերային երաժշտական երգչախումբ և Մարիս Սիրմաիս (2011)
«Հյուսիսային լույսեր և այլ երգչախմբային աշխատությունները» (Northern Lights & other choral works) մտել է Gramophone Classical Music Awards-ի 2015 թվականի անվանակարգի կարճ ցուցակի մեջ[9], մրցանակ է ստացել 2015 թվականի Gramophone անգլիական ամսագրի քննադատների կողմից[10] և մտել է 2015 թվականի լավագույն ալբոմների ցանկի մեջ Ici Radio-Canada Première վարկածով[11]: At the Foot of the Sky (2013) և O Salutaris (2011) ալբոմները ճանաչվել են համապատասխան տարիների Լատվիայի լավագույն դասական ալբոմներ[12][13]: 2016 թվականին Պորտլենդ նահանգի համալսարանի կամերային երգչախումբը վերաձայնագրել է ալբոմները Էշենվալդսի երաժշտությամբ[14]:
Ծանոթագրություններ[խմբագրել | խմբագրել կոդը]
- ↑ 1,0 1,1 German National Library, Berlin State Library, Bavarian State Library et al. Record #1037377974 // Gemeinsame Normdatei — 2012—2016.
- ↑ 2,0 2,1 2,2 «Ēriks Ešenvalds»։ Edition Peters Artist Management։ Վերցված է 4 June 2015
- ↑ 3,0 3,1 «Ešenvalds, Ēriks (1977)»։ Musica Baltica։ Վերցված է 4 June 2015
- ↑ 4,0 4,1 «LMB laureāti»։ Lielā mūzikas balva (լատվիերեն)։ Վերցված է 4 June 2015
- ↑ «Latvian Composer Eriks Esenvalds appointed Fellow Commoner in Creative Arts»։ Trinity College Cambridge։ University of Cambridge։ Վերցված է 4 June 2015
- ↑ «2006 IRC (53rd session)»։ International Rostrum of Composers։ International Music Council։ Վերցված է 4 June 2015
- ↑ «Ē.Ešenvalds has composed an official song»։ Riga European Capital of Culture 2014։ 4 July 2012։ Վերցված է 4 June 2015
- ↑ Концерты с музыкой Эшенвалдса в Москве(ռուս.)
- ↑ «Gramophone Awards Shortlist 2015 digital magazine»։ Gramophone Magazine։ 1 August 2015։ Վերցված է 4 June 2015
- ↑ Coghlan Alexandra (December 2015)։ «Northern Lights»։ Gramophone Magazine (Vol. 93, No. 1130): 19
- ↑ «Les 12 meilleurs albums de 2015» (French)։ ICI Radio-Canada։ 23 December 2015։ Վերցված է 4 June 2015
- ↑ «Gada Balva 2013 rezultāti»։ Mūzikas ierakstu gada balva Zelta Mikrofons (լատվիերեն)։ Վերցված է 4 June 2015
- ↑ «Gada Balva 2011 rezultāti»։ Mūzikas ierakstu gada balva Zelta Mikrofons (լատվիերեն)։ Վերցված է 4 June 2015
- ↑ Scott Aaron (19 May 2016)։ «OPB: PSU Chamber Choir Meets Eriks Esenvalds' Haunting Music»։ Portland State University։ Վերցված է 4 June 2015
Արտաքին հղումներ[խմբագրել | խմբագրել կոդը]
- վեբկայք
- Edition Peters Artist Management(անգլ.)
- Musica Baltic(անգլ.)
- Edition Peters(անգլ.)
- Պրոֆիլ Hyperion Records-ի կայքում(անգլ.)
- Պրոֆիլ լատվիական երաժշտության տեղեկատվական կենտրոնում(անգլ.)
| ||||||||||||
| ||||||||||||
