Էրիկա Շթայնբախ

Վիքիպեդիայից՝ ազատ հանրագիտարանից
Jump to navigation Jump to search
Էրիկա Շթայնբախ
գերմ.՝ Erika Steinbach
SteinbachHeligenhof.jpg
 
Մասնագիտություն՝ քաղաքական գործիչ և ոչ գեղարվեստական գրող
Դավանանք Independent Evangelical Lutheran Church?
Ծննդյան օր հուլիսի 25, 1943(1943-07-25)[1][2][3][…] (78 տարեկան)
Ծննդավայր Rumia, Wejherowo County, Pomeranian Voivodeship, Լեհաստան
Քաղաքացիություն Flag of Germany.svg Գերմանիա
Ի ծնե անուն գերմ.՝ Erika Hermann
Ամուսին Helmut Steinbach?
 
Կայք՝ erika-steinbach.de
 
Պարգևներ

«Վաստակների համար» բավարիական շքանշան, European Award of Charles IV.? և Հունգարիայի ծառայությունների շքանշան

Էրիկա Շթայնբախ (երբեմն նաև Շտեյնբախ, գերմ.՝ Erika Steinbach, հուլիսի 25, 1943(1943-07-25)[1][2][3][…], Rumia, Wejherowo County, Pomeranian Voivodeship, Լեհաստան), գերմանացի քաղաքական գործիչ «Քրիստոնեա-դեմոկրատական միություն» կուսակցության անդամ, Բունդեսթագի պատգամավոր։

Կենսագրություն[խմբագրել | խմբագրել կոդը]

Էրիկա Շթայնբախի հայրը՝ Վիլհելմ Կարլ Հերմանը, ծնվել է Հանաուում (Հեսսեն, Գերմանիայի Կենտրոնական Արևմտյան շրջան), սակայն նրա ընտանիքը բնիկ Ստորին Սիլեզիայից էր[4]։ 1941 թվականին նա տեղափոխվել է Ռումինա՝ Լեհաստանի Հանրապետության գյուղերից մեկը, որը 1939 թվականին օկուպացվել էր նացիստական Գերմանիայի կողմից։ Վիլհելմ Կարլ Գերմանը այնտեղ ծառայել է որպես մասնագետ սերժանտ՝ Լյուֆտվաֆեի կոչումով։ Էրիկա Շթայնբախի մայրը՝ Էրիկա Հերմանը, աշխատել է Ռումինիայում, որտեղ էլ ծնվել է դուստրը[5][6]։

Քաղաքական հայացքներ և հասարակական-քաղաքական գործունեություն[խմբագրել | խմբագրել կոդը]

1985 թվականից Էրիկա Շթայնբախը ընդգրկված է գերմանա-իսրայելական հանրության մեջ։ Նա Բունդեսթագում ՔԴՄ/ՔՍՄ խմբակցության մարդու իրավունքների և հումանիտար օգնության թեմաների խոսնակ է[7]։

1998 թվականից ղեկավարում է Վտարվածների միությունը, որը ներկայացնում է գաղթող գերմանացիների շահերը, որոնք փախել են խորհրդային զորքերից կամ երկրորդ համաշխարհային պատերազմից հետո արտաքսվել են Արևելյան Պրուսիայից, Սիլեզիայից և արևելքի գերմանական այլ շրջաններից։

Շթայնբախն այդ պաշտոնում բազմիցս սուր քննադատությունների է ենթարկվել Լեհաստանում և Չեխիայում և բարդությունների պատճառ դարձել գերմանա-լեհական և գերմանա-չեխական հարաբերություններում։

Ավելի վաղ Էրիկա Շթայնբախը հանդես է եկել Եվրամիությանը Լեհաստանի և Չեխիայի անդամակցության դեմ՝ դա կապելով արտաքսվածների փոխհատուցման պահանջների կամ նախնիների հողերը վերադարձնելու իրավունքի հետ։ Բայց ավելի ուշ նա վերանայել է այդ տեսակետները[8]։

2012 թվականի մայիսին Շթայնբախը հայտարարել է Խարկովի գաղութում պատիժը կրող Յուլիա Տիմոշենկոյի նկատմամբ հովանավորչություն ստանալու մասին[9]։

«ARD» հեռուստաալիքի ստուդիայում հայտարարել է, որ Գերմանիայի կանցլերը չպետք է մասնակցի հաղթանակի 70-ամյակի շքերթին, և ասել, որ ինքը երախտագիտություն չի զգում կարմիր բանակի հանդեպ՝ ֆաշիզմից ազատվելու համար։ Էրիկ Շթայնբախը նաև կարծում է, որ Գերմանիան Ռուսաստանի հանդեպ մեղքի զգացողության պատճառ չունի։ Նրա կարծիքով գերմանացիները գիտակցել են իրենց պատասխանատվությունը անցյալի իրադարձությունների նկատմամբ և իրենց արժանի են պահում[7][10]։

Ծանոթագրություններ[խմբագրել | խմբագրել կոդը]

  1. 1,0 1,1 Stammdaten aller Abgeordneten des Deutschen Bundestages
  2. 2,0 2,1 FemBio: Банк інформації про видатних жінок, Frauendatenbank, Банк данных о выдающихся женщинах
  3. 3,0 3,1 Բրոքհաուզի հանրագիտարան (գերմ.)
  4. «Erika Steinbach bestreitet Sinneswandel»։ Die Welt (գերմաներեն)։ Վերցված է 2005-11-03 (չաշխատող հղում)
  5. Rundfunk Berlin Brandenburg online
  6. Ein Handkuss für die Bestie
  7. 7,0 7,1 http://russian.rt.com/inotv/2015-05-07/Deputat-bundestaga-Germanii-ne-za RT: «Депутат бундестага: Германии не за что благодарить советских солдат»
  8. http://www.dw.de/фонд-бегство-изгнание-примирение-и-роль-личности-в-истории/a-5098250 Deutsche Welle: Фонд «Бегство, изгнание, примирение» и роль личности в истории
  9. Korrespondent.net: Депутат бундестага от правящей в Германии партии взяла шефство над Тимошенко, 19.05.2012
  10. http://www.bild.de/politik/inland/zweiter-weltkrieg/zweiter-weltkrieg-40851110.bild.html Bild: Krim-Annexion erinnert an Hitler-Strategie