Էրիկա Կիրպու
| Էրիկա Կիրպու | |
|---|---|
 | |
| Անձնական տեղեկություն | |
| Սեռ՝ | իգական |
| Բնօրինակ անուն՝ | էստ․՝ Erika Kirpu |
| Մասնագիտացում՝ | սուսերամարտիկ |
| Երկիր՝ |  Էստոնիա |
| Ծննդյան ամսաթիվ՝ | հունիսի 22, 1992[1] (31 տարեկան) |
| Ծննդավայր՝ | Տարտու, Էստոնիա |
Էրիկա Կիրպու (էստ․՝ Erika Kirpu, հունիսի 22, 1992[1], Տարտու, Էստոնիա), էստոնացի սուսերամարտիկ (սուսեր), օլիմպիական չեմպիոն, աշխարհի չեմպիոն, Եվրոպայի կրկնակի չեմպիոն, աշխարհի առաջնությունների և Եվրոպական խաղերի մեդալակիր։
Կենսագրություն[խմբագրել | խմբագրել կոդը]
Մայրը՝ Իրինա Սատանենկոն, ռուս է, իսկ հայրը՝ Վիկտոր Կիրպուն, էստոնացի։ Էրիկա Կիրպուն ծնվել է Մոսկվայում, բայց մեծացել է Տարտուում։ Նրա մայրենի լեզուն ռուսերենն է[2], բայց նա խոսում է նաև էստոներեն, անգլերեն և իտալերեն[3]։
Սպորտային նվաճումներ[խմբագրել | խմբագրել կոդը]
2012 թվականին Լենյանոյում կայացած Եվրոպայի առաջնությունում Էրիկա Կիրպուն Յուլիա Բելյաևայի, Իրինա Էմբրիխի և Քրիստինա Կուսկի հետ թիմով նվաճել է բրոնզե մեդալ, իսկ 2013 թվականին Զագրեբում՝ ոսկե[4]։
2014 թվականի սուսերամարտի աշխարհի առաջնությունում Կազանում հաջողվել է բրոնզե մեդալ նվաճել անհատական սուսերամարտում։ Այնուհետև, իր թիմակիցների հետ մրցման վերջին օրը Կիրպուն թիմային պայքարում նվաճել է արծաթ։ Եզրափակչում նրանք պարտվել են միայն ռուսներին։ 2015 թվականին շվեյցարական Մոնտրյո քաղաքում անցկացված Եվրոպայի առաջնությունում Էստոնիայի հավաքականը նվաճել է արծաթե մեդալներ[4]։ Նույն թվականին անցկացված առաջին Եվրոպական խաղերում Էրիկա Կիրպուն բրոնզե մեդալ է նվաճել է թրասուսեր դիսցիպլինայում[5]։
2016 թվականի հունիսին Թորունում կայացած Եվրոպայի առաջնությունում թիմային մրցաշարում նվաճել է ոսկե մեդալ[6]։
2017 թվականի աշխարհի առաջնությունում Էրիկան դարձել է աշխարհի չեմպիոն՝ Էստոնիայի պատմության մեջ առաջին հաղթանակը տանելով թիմային առաջնությունում։
2018 թվականին էստոնացի սուսերամարտիկը բարձրացել է մայրցամաքային առաջնության թիմային մրցաշարի պատվո հարթակի երրորդ տեղը։
2020 թվականին Տոկիոյում կայացած Ամառային օլիմպիական խաղերում Էրիկա Կիրպուն նվաճել է ոսկե մեդալ թիմային սուսերամարտում[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 Էստոնական մարզական կենսագրական բառարան (эст.)
- ↑ Ursula Nõu (2015 թ․ հունվարի 10). «Erika Kirpu: lähim siht on olümpia, eraelu peab ootama». epl.delfi.ee (էստոներեն). Eesti Päevaleht. Վերցված է 2021 թ․ մայիսի 8-ին.
- ↑ «KIRPU Erika». fie.org. Международная федерация фехтования. Վերցված է 2021 թ․ մայիսի 8-ին.
- ↑ 4,0 4,1 «Эстонские шпажистки - серебряные призеры чемпионата Европы!». Delfi. 2015 թ․ հունիսի 9. Վերցված է 2015 թ․ հունիսի 10-ին.
- ↑ «Бронзовая призерка Кирпу пожаловалась на организацию Европейских игр». Postimees. 2015 թ․ հունիսի 23. Վերցված է 2015 թ․ հունիսի 25-ին.
- ↑ «Эстонские шпажистки завоевали золотые медали чемпионата Европы!». delfi. 2016 թ․ հունիսի 25. Վերցված է 2016 թ․ հունիսի 27-ին.
- ↑ «Эстонские шпажистки выиграли золото командного олимпийского турнира». rus.err.ee. Վերցված է 2021 թ․ հուլիսի 27-ին.
 | Վիքիպահեստն ունի նյութեր, որոնք վերաբերում են «Էրիկա Կիրպու» հոդվածին։ |
|
