Էրդալ Թոսուն
Էրդալ Թոսուն | |
---|---|
Ծնվել է | ապրիլի 9, 1963 |
Ծննդավայր | Ստամբուլ, Թուրքիա |
Մահացել է | նոյեմբերի 30, 2016 (53 տարեկան) |
Մահվան վայր | Ստամբուլ, Թուրքիա |
Գերեզման | Զինջիրլիքույու գերեզմանատուն |
Կրթություն | Միմար Սինանի անվան գեղարվեստի համալսարան |
Քաղաքացիություն | Թուրքիա |
Մասնագիտություն | կինոդերասան և հեռուստատեսային դերասան |
Ծնողներ | հայր՝ Necdet Tosun? |
Էրդալ Թոսուն (թուրքերեն՝ Erdal Tosun, ապրիլի 9, 1963, Ստամբուլ, Թուրքիա - նոյեմբերի 30, 2016, Ստամբուլ, Թուրքիա), թուրք դերասան և կրկնօրինակող։ Նկարահանվել է մի շարք հայտնի ֆիլմերում։ Նրա կատարմամբ հատկապես հայտնի են «Մինե», «Ծառ», «Փոքրիկ խանութպան», «Քարա Բելա», «Այսպես թե այնպես», «Սիամական երկվորյակներ», «Ընթերցիր ինձ հեքիաթ» ֆիլմերը։ Էրդալ Թոսունը համարվում է թուրքական ժամանակակից կինեմատոգրաֆիայի դեմքերից մեկը։ Նրա ունեցած ներդրումը թուրքական կինոյում բազմիցս նշվել է Թուրքիայի նախագահ Ռեջեփ Թայիփ Էրդողանի կողմից։
Կենսագրություն[խմբագրել | խմբագրել կոդը]
Էրդալ Թոսունը ծնվել է 1963 թվականի ապրիլի 9-ին Ստամբուլում։ Նրա հայրը եղել է թուրք դերասան Նեջդեթ Թոսունի ընտանիքում։ Էրդալը և նրա եղբայրը՝ Գյուրդալ Թոսունը ընտրել են իրենց հոր մասնագիտական ուղղությունը։ 1980 թվականին ավարտել է Բեյօղլուի Ֆընդըքլը դպրոցը։ 1982 թվականին ավարտել է Ստամբուլի պատանի դերասանի թատրոնի կուրսերը, միևնույն տարում էլ նկարահանվել է «Մինե» կարճամետրաժ ֆիլմում։ Ավարտել է նաև Միմար Սինանի անվան գեղարվեստի համալսարան թատերական բաժինը։ Երկար տարիներ աշխատել է Անթալիայի պետական թատրոնում՝ խաղալով բազմաթիվ ներկայացումներում։
2016 թվականի նոյեմբերի 30-ին մահացել է ավտովթարի արդյունքում[1]։ Հարակից ընթացող ավտոմեքենան ընթացքի ժամանակ կողաշրջվել էր, ինչի արդյունքում մեքենան հարվածել էր այն մեքենային, որտեղ գտնվել է դերասանը։ Էրդալը տեղում մահացել է։ Ավտովթարը տեղի է ունեցել Ստամբուլի Սարըյեր թաղամասում։ Հայտնի դերասանի թաղման արարողությանը ներկա են եղել Մուրատ Յըլդըրըմը, Բուրակ Օզչիվիտը, Դեմեթ Աքբաղը, Քենան Իմիրզալըօղլուն, Մերթ Ֆըրաթը, Մուստաֆա Ուսթյունդաղը և ուրիշներ։ Էրդալը թաղվել է իր եղբոր Գյուրդալ Թոսունի կողքը՝ Զինջիրլիքույու գերեզմանատանը։
Ծանոթագրություններ[խմբագրել | խմբագրել կոդը]
|
- Ապրիլի 9 ծնունդներ
- 1963 ծնունդներ
- Ստամբուլ քաղաքում ծնվածներ
- Նոյեմբերի 30 մահեր
- 2016 մահեր
- Ստամբուլ քաղաքում մահացածներ
- Զինջիրլիքույու գերեզմանատանը թաղվածներ
- Անձինք այբբենական կարգով
- Դերասաններ այբբենական կարգով
- Թուրք դերասաններ
- 21-րդ դարի թուրք դերասաններ
- Անձինք:Ստամբուլ
- Թուրք կինոդերասաններ
- Թուրք հեռուստադերասաններ
- Ստամբուլում ծնված դերասաններ