Էսպերանտոյի սիմվոլներ

Վիքիպեդիայից՝ ազատ հանրագիտարանից
Jump to navigation Jump to search

Էսպերանտոյի վաղ օրերից ի վեր կանաչ գույնը օգտագործվել է որպես փոխադարձ ճանաչման սիմվոլ և այն կենտրոնական դեր է կատարում էսպերանտոյի բոլոր սիմվլոներում։

Կանաչ աստղը (verda stelo) առաջին անգամ առաջարկվել է որպես էսպերանտիստների միմյանց փոխադարձ ճանաչման սիմվոլ La Esperantisto (Էսպերանտիստը) թերթում 1892 թ. տպագրված հոդվածում։

Էսպերանտոյի դրոշը կազմված է կանաչ ֆոնի վրա վերին ձախ անկյունում տեղադրված սպիտակ քառակուսուց, որն իր հերթին պարունակում է կանաչ աստղ։ Կանաչ դաշտը խորհրդանշում է հույս, սպիտակը խորհրդանշում է խաղաղություն և չեզոքություն, և հնգաթև աստղը ներկայացնում է հինգ մայրցամաքները (ավանդական հաշվարկով)։ Դրոշը ստեղծվել է Բոլոնիայի Էսպերանտոյի Ակումբի կողմից իրենց օգտագործման համար, սակայն այնուհետև ընդունվել է համաշխարհային էսպերանտո շարժման համար 1905 թ. այդ քաղաքում անցկացվող առաջին Էսպերանտոյի Համընդհանուր Հանրագումարի որոշմամբ։

Էսպերանտոյի դրոշի չափսերի հարաբերակցությունը

Համաշխարհային Էսպերանտոյի Ասոցիացիայի խորհրդի սահմանմամբ՝ դրոշը պետք է ունենա հետևյալ հարաբերակցությունները։ Դրոշի լայնության, բարձրության և սպիտակ քառակուսի կողմի երկարության հարաբերակցությունները պետք է լինել 3։2։1։ Սպիտակ քառակուսու կողմի երկարության հարաբերակցությունը աստղը արտագծող շրջանագծի սառավիղին պետք է լինի 10։3.5։

Որոշ էսպերանտիստներ ավանդական դրոշը համարում եմ չափից շատ ազգայնական բնույթի, և այս պատճառով շատ կազմակերպություններ չեն խրախուսում սրա օգտագործումը, և փոխարենը օգտագործում են հոբելյանական սիմվոլը (երկու իրար ուղղված կանաչ «E» տառեր սպիտակ դաշտի վրա)։ Այս սիմվոլը ստեղծվել է 1987 թ. մի բրազիլացի էսպերանտիստի կողմից՝ էսպերանտոյի ստեղծման հարյուրամյակը նշելու համար։ Մյուս կողմից, այս սիմվոլը ծաղրաբար անվանվել է melono (եմիշ) որոշ մարդկանց կողմից։

Սակայն էսպերանտիստները մեծամասնությամբ շարունակում է verda stelo-ն համարել միջազգային կամ վերազգային համախոհության սիրված սիմվոլ և գտնում են, որ սիմվոլի նախընտրությունը զուտ անձնական նախապատվության խնդիր է։ Էսպերանտոյի համագումարների մեծամասնության ժամանակ երեք սիմվլոներն էլ ցուցադրվում են և օգտագործվում են որպես կրծքանծաններ։

Երբեմն էսպերանտո ճանապարհորդները ցուցադրում են դրոշը, կրծքանշան են կրում սիմվլոներից մեկով կամ կանաչ երանգների հագուստներ են հագնում որպեսզի ճանաչելի լինեն այլ էսպերանտո խոսողների կողմից։

Սիմվոլների սրահ[խմբագրել | խմբագրել կոդը]

Տես նաև[խմբագրել | խմբագրել կոդը]