Էջմիածին (ամսագիր)

Անվան այլ կիրառումների համար տե՛ս՝ Էջմիածին (այլ կիրառումներ)

Էջմիածին, կրոնաբարոյական, պատմաբանասիրական պարբերական։ Ամենայն հայոց կաթողիկոսության ամսագիր։ Լույս է տեսնում 1944 թ.-ից, Էջմիածնում (մինչև 1961 թ.-ը տպագրվել է Երևանում)։ Խմբագիրներ՝ Ա. Առաքելյան, Լ. Կիսիբեկյան, Ա. Հատիտյան, Ե. Մելքոնյան։

Լուսաբանում է Մայր աթոռ Ս. էջմիածնի, հայ եկեղեցու թեմերի, հոգևոր-կրթական հաստատությունների կյանքը, հայ առաքելական եկեղեցու աոնչությունները քույր եկեղեցիների հետ։ Տպագրում է նյութեր հայոց պատմության ու մատենագրության, ձեռագրագիտության, միջնադարյան վանքերի ճարտարապետության, հոգևոր ու ժողովրդական երաժշտության վերաբերյալ, անդրադառնում հայոց լեզվի հարցերին։ 1940-ական թթ. զետեղել է բազմաթիվ հոդվածներ ու փաստաթղթեր Հայ դատի և հայոց պահանջատիրության վերաբերյալ. պարբերաբար ներկայացրել սփյուռքի, մասնավորապես՝ ԱՄՆ-ի և Մերձավեր Արևելքի հայաշատ կենտրոնների ազգային խորհուրդների ջանքերը՝ ուղղված հայոց ցեղասպանության միջազգային ճանաչմանն ու դատապարտմանը։

Արժանահիշատակ են նաև Ա. Վեռնոյի (Ա. Մալաքյան) «Հայերը և իրենց պահանջները» (1946 թ., N 4-5), Մեծ եղեռնի ժամանակ ոչնչացված մշակույթի արժեքներին վերաբերող Ս. Քոչանջյանի «Մեր ձեռագրական կորուստները» (1965 թ., N 2-7, 1966 թ., N 8-10, 1967 թ., N 56), Ա. Նասիբյանի «1915 և անգլիական հայրենասերներ» (1990 թ., N 4) հոդվածները։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։