Էնթոնի Բլինքեն

Վիքիպեդիայից՝ ազատ հանրագիտարանից
Էնթոնի Բլինքեն
Secretary Blinken's Official Department Photo.jpg
 
Կուսակցություն՝ Դեմոկրատական կուսակցություն
Կրթություն՝ Հարվարդի քոլեջ (1984)[1][2], Կոլումբիական համալսարանի իրավագիտության ֆակուլտետ (1988)[1][2], École Jeannine Manuel?[1] և Dalton School? (1971)[1]
Մասնագիտություն՝ դիվանագետ, փաստաբան, լրագրող և managing partner
Դավանանք հուդայականություն և կաթոլիկություն
Ծննդյան օր ապրիլի 16, 1962(1962-04-16)[3][4] (60 տարեկան)
Ծննդավայր Յոնկերս, Վեստչեստեր շրջան, Նյու Յորք, ԱՄՆ[5]
Քաղաքացիություն Flag of the United States.svg ԱՄՆ[6]
Հայր Donald M. Blinken?[1]
Ամուսին Evan Ryan?[7]
 
Պարգևներ
Order of Prince Yaroslav the Wise, 2nd class

Էնթոնի Ջոն Բլինքեն (ապրիլի 16, 1962(1962-04-16)[3][4], Յոնկերս, Վեստչեստեր շրջան, Նյու Յորք, ԱՄՆ[5]), ամերիկացի պետական պաշտոնյա, դիվանագետ, ԱՄՆ 71-րդ պետքարտուղարը (2021թ. հունվարի 26-ից)։ Նախագահ Բարաք Օբամայի պաշտոնավարման շրջանում եղել է ազգային անվտանգության հարցերով խորհրդական (2013-2015). 2015-ից 2017թ. զբաղեցրել է փոխպետքարտուղարի պաշտոնը[8]։

Բիլ Քլինթոնի նախագահության շրջանում Պետդեպարտամենտում տարբեր ավագ պաշտոններ է զբազեցրել Ազգային անվտանգության խորհրդի գծով (1994-2001)։ 2001-ից 2008թթ. եղել է ավագ գիտաշխատող Ռազմավարական և միջազգային ուսումնասիրությունների կենտրոնում։ 2003թ. ԱՄՆ Սենատի Արտաքին հարաբերությունների հանձնաժողովում որպես Ժողովրդավարական խմբի ղեկավար պաշտոնավարելու շրջանում (2002-2008) հանդես է եկել ԱՄՆ զորքերի Իրաք ներխուժման օգտին[9]։ 2008թ. Ջո Բայդենի նախընտրական քարոզարշավի ժամանակ եղել է արտաքին քաղաքականության գծով վերջինիս խորհրդատուն։

2009-2013թթ. Բլինքենը աշխատել է որպես նախագահի օգնական. եղել է նաև փոխնախագահի խորհրդականը ազգային անվտանգության գծով։ Նախագահ Օբամայի վարչակազմում պաշտոնավարելու ժամանակ օգնել է մշակել ԱՄՆ քաղաքականությունը Աֆղանստանում և Պակիստանում, ինչպես նաև Իրանի միջուկային ծրագիրը[10][11]։ Բլինքենն այնուհետև գործունեություն է սկսել մասնավոր հատվածում՝ դառնալով WestExec Advisors խորհրդատվական ընկերության համահիմնադիրը։ 2020թ. դարձյալ աշխատանքի է անցել պետական համակարգում՝ հանդես գալով որպես խորհրդատու Ջո Բայդենի նախագահական քարոզարշավի շրջանակներում. այնուհետև վերջինիս կողմից առաջադրվել է որպես պետքարտուղար՝ պաշտոնը ստանձնելով 2021թ. հունվարի 26-ին։

Այլ տեղեկություններ[խմբագրել | խմբագրել կոդը]

Բլինքենը ծնվել և կյանքի վաղ տարիներն անցկացրել է հրեա ծնողների ընտանիքում։ Այնուհետև մոր՝ Ջուդիթի հետ տեղափոխվել է Փարիզ, որտեղ շարունակել է միջնակարգ կրթությունը։ Հարվարդի համալսարանի շրջանավարտ է. դոկտորի կոչում է ստացել Կոլումբիայի համալսարանի Իրավագիտության դպրոցում։ Որպես իրավաբան աշխատել է Նյու Յրրքում և Փարիզում։ Հեղինակել է գլոբալ զարգացումների թեմայով մի շարք հոդվածներ։ Ամուսնացած է, ունի երկու զավակ։ Սահուն տիրապետում է ֆրանսերենին[12]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 1,8 Momtaz R., Herszenhorn D. M. Nine things to know about Antony Blinken // PoliticoBrussels: Springer Science+Business Media, 2020.
  2. 2,0 2,1 2,2 2,3 The World According to Tony Blinken—in the 1980sWashington: 2021. — ISSN 2381-1595
  3. 3,0 3,1 Jewish Virtual Library — 1998.
  4. 4,0 4,1 Library of Congress AuthoritiesLibrary of Congress.
  5. 5,0 5,1 5,2 Jewish Virtual Library — 1998.
  6. El gobierno de Biden denunció que Argentina tiene un "sistema judicial ineficaz y politizado" que impide frenar la corrupción
  7. WEDDINGS; Evan Ryan, Antony Blinken // The New York Times / J. KahnManhattan, NYC: The New York Times Company, A. G. Sulzberger, 2002. — ISSN 0362-4331; 1553-8095; 1542-667X
  8. «Senate confirms Antony Blinken as 71st secretary of state". AP NEWS. January 26, 2021. Archived from the original on January 26, 2021. Retrieved January 26, 2021.» 
  9. «Glueck, Katie; Kaplan, Thomas (January 12, 2020). "Joe Biden's Vote for War". The New York Times. Archived from the original on November 18, 2020. Retrieved November 23, 2020.» 
  10. «Statement for the Record before the United States Senate Committee on Foreign Relations, Antony J. Blinken, Nominee for Secretary of State, January 19, 2021.» 
  11. «Sanger, David E. (November 7, 2014). "Obama Makes His Choice for No. 2 Post at State Department". The New York Times. Archived from the original on February 20, 2015. Retrieved February 3, 2015.» 
  12. «Sevastopulo, Demetri (November 23, 2020). "Biden's 'alter ego' Antony Blinken tipped for top foreign policy job". Financial Times. Archived from the original on November 24, 2020. Retrieved November 23, 2020.»