Էներգիայի հավասարաբաշխման օրենք

Էներգիայի հավասարաբաշխման օրենք, վիճակագրական ֆիզիկայի օրենք, ըստ որի՝ թերմոդինամիկական հավասարակշռության վիճակում գտնվող վիճակագրական համակարգի համար ազատության տրանսլյացիոն և պտտական յուրաքանչյուր աստիճանի բաժին է ընկնում $kT/2$ միջին կինետիկ, իսկ տատանողական յուրաքանչյուր աստիճանի՝ $kT$ միջին էներգիա ($T$-ն համակարգի բացարձակ ջերմաստիճանն է, $k$-ն՝ Բոլցմանի հաստատունը):

Էներգիայի հավասարաբաշխման օրենքը մոտավոր օրենք է և խախտվում է, երբ էական են դառնում քվանտային երևույթները (իսկ ազատության տատանողական աստիճանների դեպքում՝ նաև փոխազդեցության ոչ ներդաշնակ անդամները): Էներգիայի հավասարաբաշխման օրենքը թույլ է տալիս հեշտությամբ գնահատել բազմատոմ գազերի և պինդ մարմինների ջերմունակության սահմանային արժեքները բարձր ջերմաստիճանների դեպքում:

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 58)։