Էնդի (սագ)
| Էնդի | |
|---|---|
.jpg) | |
| Տեսակ | A. anser և առանձնյակ |
| Սեռ | արու |
| Ծնվել է | 1987 |
| Ծննդավայր | Հարվարդ, Քլեյ շրջան, Նեբրասկա, ԱՄՆ |
| Սատկել է | հոկտեմբերի 19, 1991 |
| Սատկելու վայր | Հասթինգս, Նեբրասկա, ԱՄՆ |
| Երկիր |  ԱՄՆ |
Էնդի (1987, Հարվարդ, Քլեյ շրջան, Նեբրասկա, ԱՄՆ - հոկտեմբերի 19, 1991, Հասթինգս, Նեբրասկա, ԱՄՆ), մոխրագույն սագ, որը ծնվել է առանց թաթերի թաղանթային մասի։ Հայտնի է դարձել որպես «Սպորտային կոշիկներով սագ»։ Սպանվել է 1991 թվականին անհայտ հանցագործի կողմից։
Պատմություն[խմբագրել | խմբագրել կոդը]
Մոխրագույն սագը, որը ստացել է Էնդի մականունը, ձվից դուրս է եկել 1987 թվականին՝ առանց ոտքերի թաղանթավոր մասերի, և ապրել է Նեբրասկա նահանգի Հարվարդի ֆերմայում։ Երբ Էնդին երկու տարեկան էր, մոտակա Հասթինգս քաղաքից Ջին Ֆլեմինգը իմացել է թռչնի ծանր վիճակի մասին։ Ֆլեմինգը հաշմանդամ երեխաների համար տեղական բարեգործական կազմակերպության անդամ էր և գյուտարար։ Ֆլեմինգը Էնդիին և նրա ընկերուհուն՝ Պոլլի սագին, տեղափոխել է Հասթինգսի իր ֆերմա[1]։
Էնդիին սքեյթբորդի նման պրոթեզներով ավելի մեծ շարժունակություն ապահովելու վաղ փորձերն անհաջող էին։ Այնուհետև Ֆլեմինգը Էնդիին հագցրել է հատուկ ընտրված համապատասխան մանկական կոշիկներ և հաջողությամբ սովորեցրել թռչունին քայլել դրանցով[2][3]։ Այնուհետև Էնդին գրավել է լրատվամիջոցների և սպորտային հագուստ արտադրողի ուշադրությունը, որոնք առաջարկել են ցմահ կոշիկներ մատակարարելու գործարք։
Էնդին դարձել է օրինակ, հատկապես հաշմանդամ երեխաների համար[4][5]։ Իր սպորտային կոշիկներով Էնդին կարողանում էր քայլել, լողալ և թռչել, ինչը պետք է հույս ներշնչի հաշմանդամություն ունեցող մարդկանց[1]։
1991 թվականի հոկտեմբերի 19-ին Էնդին անհետացել է, իսկ մեկ օր անց նրան սատկած են գտել տեղի այգում՝ առանց գլխի և թևերի[6][7]։ Սպանողին բռնելու համար տեղի համայնքը հանգանակել է 10,000 ԱՄՆ դոլար պարգևավճար։ Հանցագործի ինքնությունը պարզել չի հաջողվել[8][9]։
2000 թվականին տեղի երկու բնակիչներ՝ Յան և Էդ Ֆաուլերները, Ֆլեմինգի ֆերմայում կանգնեցրել են Էնդի սագի հուշարձանը։ Ամերիկայի որոշ տնային տնտեսություններում սագերին սկսել են Էնդիի օրինակով կոշիկներ հագցնել, որպեսզի պաշտպանեն նրանց թաթերը վնասվելուց։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Kringiel, Danny (2018 թ․ հուլիսի 23). «Schräger Vogel: Das blutige Ende der Sneaker-Gans». Spiegel Online (German). Վերցված է 2018 թ․ հուլիսի 23-ին.
{{cite news}}: CS1 սպաս․ չճանաչված լեզու (link) - ↑ Bricklin, Mark (1999 թ․ ապրիլի 1). Pets, Part of the Family: The Total Care Guide for All the Pets in Your Life (անգլերեն). Rodale. ISBN 9781579541255.
- ↑ The Reader's Digest (անգլերեն). Reader's Digest Association. 1989.
- ↑ «Andy, the Footless Goose». History Nebraska (անգլերեն). Արխիվացված է օրիգինալից 2018 թ․ հուլիսի 23-ին. Վերցված է 2018 թ․ հուլիսի 23-ին.
- ↑ «A Footnote On Andy The Goose». tribunedigital-chicagotribune (անգլերեն). Վերցված է 2018 թ․ հուլիսի 23-ին.
- ↑ «Murder Most Fowl». PEOPLE.com (անգլերեն). Վերցված է 2018 թ․ հուլիսի 23-ին.
- ↑ «Beloved Footless Goose is Slain» (ամերիկյան անգլերեն). Արխիվացված է օրիգինալից 2018 թ․ հուլիսի 24-ին. Վերցված է 2018 թ․ հուլիսի 24-ին.
- ↑ «The Goose Who Wore Nikes, and the Mystery of Who Murdered Him». Atlas Obscura (անգլերեն). 2016 թ․ հոկտեմբերի 19. Վերցված է 2018 թ․ հուլիսի 23-ին.
- ↑ «W.E.» (անգլերեն). Վերցված է 2018 թ․ հուլիսի 23-ին.