Ցամաքային օձեր են, 30 – 70 սմ երկարությամբ։ Այս ցեղի ներկայացուցիչները տարածված են հյուսիսարևելյան Աֆրիկայում, Էգեյան և Միջերկրական ծովերի մի շարք կղզիներում, Ասիայում ՝ Արաբական թերակղզուց դեպի արևմուտք մինչև Պակիստան, հյուսիսարևմտյան Հնդկաստանի արևելքում։ Նախկին ԽՍՀՄ-ի տարածքում տարածված է 4 տեսակ՝ Վզնոտավոր էյրենիս (Դաղստանում և Անդրկովկասի երկրներում), Գծավոր էյրենիս (Թուրքմենստանում), Հնազանդ էյրենիս (Դաղստանում և Անդրկովկասի երկրներում), հայկական էյրենիս (Հայաստանում և Ադրբեջանում)։
Ամենախոշոր ներկայացուցիչը՝ Eiernis modestus։ Այս տեսակը բնակվում է Անդրկովկասի սարերում, որտեղ հանդիպում է երկու հազար մետր բարձրության վրա։ Eirenis Modestusi հիմնական սննդակարգը կազմում են միջատները, սակայն այս օձերը որսում են նաև այլ անողնաշարավորներ։
