Էլվիրա Ուզունյան

Էլվիրա Ուզունյան
Ծնվել է	դեկտեմբերի 6, 1934(1934-12-06) (85 տարեկան) Թիֆլիս, ԱԽՖՍՀ, ԽՍՀՄ
Երկիր	Հայաստան
Ժանրեր	օպերա
Մասնագիտություն	Երգչուհի քնարակոլորատուրային սոպրանո դերասանուհի
Երգչաձայն	սոպրանո
Գործիքներ	վոկալ
Կրթություն	Թբիլիսիի Վանո Սարաջիշվիլիի անվան պետական կոնսերվատորիա
Պարգևներ	ՀԽՍՀ ժողովրդական արտիստ և Վրացական ԽՍՀ ժողովրդական արտիստ
Կայք	elviraouzounian.com

Էլվիրա Գրիգորի Ուզունյան (դեկտեմբերի 6, 1934(1934-12-06), Թիֆլիս, ԱԽՖՍՀ, ԽՍՀՄ), հայ օպերային երգչուհի, քնարակոլորատուրային սոպրանո, դերասանուհի։ ՀԽՍՀ (1978) և Վրացական ԽՍՀ ժողովրդական արտիստ (1978)։

Կենսագրություն

Էլվիրա Ուզունյանը ծնվել է 1934 թվականին, Թբիլիսիում: 1956 թվականին ավարտել է Թբիլիսիի միջնակարգ դպրոցը։ Սովորել է Թբիլիսիի Պուշկինի անվան մանկավարժական ինստիտուտի պատմության ֆակուլտետում և 4-րդ երաժշտական դպրոցի երգեցողության դասարանում։ 1963 թվականին ավարտել է Թբիլիսիի Վանո Սարաջիշվիլիի անվան պետական կոնսերվատորիան։ 1962 թվականից Երևանի Սպենդիարյանի անվան օպերայի և բալետի թատրոնի մեներգչուհի։

Բնակվում է ԱՄՆ-ում, որտեղ հանդես է եկել բազմաթիվ համերգներով։ Համագործակցում է ԱՄՆ-ի հայկական համայնքի հետ։ Բոստոնում ստեղծել և ղեկավարում է «Օգնենք երիտասարդ տաղանդներին» կազմակերպությունը:

Կատարումներով հանդես է եկել Գերմանիայում, Կանադայում, Եգիպտոսում, Արևելյան Եվրոպայի երկրներում, Հարավարևելյան Ասիայում և ԱՄՆ-ում:

Դերերգեր

• Անուշ՝ Արմեն Տիգրանյանի «Անուշ»
• Օլիմպիա՝ Տիգրան Չուխաճյանի «Արշակ Բ»
• Մարո՝ Զաքարի Փալիաշվիլու «Դաիսի»
• Մարֆա՝ Նիկոլայ Ռիմսկի-Կորսակովի «Թագավորի հարսնացուն»
• Լյուչիա՝ Գաետանո Դոնիցետիի «Լյուչիա դի Լամերմուր»
• Ռոզինա՝ Ջոակինո Ռոսսինիի «Սևիլյան սափրիչ»
• Վիոլետա՝ Ջուզեպպե Վերդիի «Տրավիատա»
• Ջիլդա՝ Վերդիի «Ռիգոլետտո»
• Ցերլինա՝ Վոլֆգանգ Ամադեուս Մոցարտի «Դոն Ժուան»

Դերեր ֆիլմերում

Մի շարք դերեր է կերտել նաև կինոյում։

• «Գառնի», 1966 թ.
• «Երիտասարդության ափը», 1969 թ.
• Աննա՝ «Սպիտակ ափեր», 1975 թ.
• «Կրկին հինգ օր», 1978 թ.
• «Հյուրանոց «Տատիկ»», 1980 թ.
• «Մասնակի դեպք», 1983 թ.

Պարգևներ, մրցանականեր

• ՀԽՍՀ ժողովրդական արտիստ, 1978 թ.
• ՎԽՍՀ ժողովրդական արտիստ, 1985 թ.
• Անդրկովկասյան մրցույթի դափնեկիր, Թբիլիսի, 1965 թ.

Աղբյուրներ

• Туманян Т. Эльвира Узунян // СМ. 1985. С. 38-41

Արտաքին հղումներ

• Պաշտոնական կայքը
• Էլվիրա Ուզունյան «Օրորոցային»
• Մեր մեջ ասած - Էլվիրա Ուզունյան
• Միշտ հմայիչ Էլվիրա ՈՒզունյանը
• Էլվիրա Ուզունյանի ծննդյան 80- ամյակը
• And once again, Elvira Uzunyan
• Эльвира Узунян - заключительная ария из оперы "Ануш"
• «Դիպված» Էլվիրա Ուզունյան
• Эльвира Григорьевна Узунян – народная артистка Армении и Грузии, колоратурное сопрано, прима ереванской оперы им. Спендиарова второй половины XX века
• Խոստովանություն երիտասարդ սերնդին. հարցազրույց Էլվիրա Ուզունյանի հետ