Էլիշա Քաթբերթ
 | |
|---|---|
 | |
| Ծնվել է | նոյեմբերի 30, 1982 (40 տարեկան) |
| Ծննդավայր | Կալգարի, Ալբերտա, Կանադա |
| Կրթություն | Centennial Regional High School? |
| Քաղաքացիություն | .svg){kind=small} Կանադա |
| Մասնագիտություն | հեռուստատեսային դերասանուհի, կինոդերասանուհի, դերասանուհի, մոդել և բլոգեր |
| Ամուսին(ներ) | Dion Phaneuf? |
| Պարգևներ և մրցանակներ | |
Էլիշա Էնն Քաթբերթ (անգլ.՝ Elisha Ann Cuthbert նոյեմբերի 30, 1982, Կալգարի, Ալբերտա, Կանադա) կանադացի դերասանուհի և մոդել, նկարահանվել է «Առևանգում», «Մոմե տուն», «Լռության ոգին» ֆիլմերում։ Քիմ Բաուերի դերում նկարահանվել է «24 ժամ» հեռուստասերիալում։ Մանկական հայտնի հեռուստասերիալի համահեղինակ է։ 2011-2013 թվականներին նկարահանվել է «Ուրախ ավարտ» ֆիլմում, որպես գլխավոր դերակատար։
Կենսագրություն[խմբագրել | խմբագրել կոդը]
Էլիշան ծնվել է 1982 թվականի նոյեմբերի 30-ին՝ Ալբերտա նահանգի Կալգարի քաղաքում։ Տնային տնտեսուհի Պատրիսիայի և ավտոմեքենաների ինժեներ Քևինի դուստրն է։ Ունի եղբայր և քույր՝ Ջոնաթանը և Լի-Էննը։ Ինը տարեկան հասակում Էլիշան սկսել է աշխատել որպես մանկական հոգուստի մոդել[3]։ Տասնյոթ տարեկան հասակում Էլիշան ավարտել է ավագ դպրոցը և տեղափոխվել է Լոս Անջելես՝ դերասանուհու կարիերա սկսելու համար։ Նա առաջին ագնամ էկրաններին հայտնվել է «Դուք վախենու՞մ եք մթությունից» մանկական սարսափ շոուում։ Եղել է հաղորդավարուհի մանկական ռեալիթի շոուի մեջ, որը նկարահանվել է Մոնրեալում։ Հեռուստատեսային շոուում նրա մասնակցությունը գրավել է ԱՄՆ-ի այն ժամանակվա առաջին տիկին Հիլարի Քլինթոնի ուշադրությունը, որը նրան հրավիրել է Սպիտակ տուն[4]։ Առաջին կինոնկարը, որտեղ 1997 թվականին նկարահանվել է Էլիշան «Պար լուսնի վրա» ֆիլմն է։ Որպես գլխավոր դերակատար 2001 թվականին Էլիշան նկարահանվել է կանադական «Երջանիկ աղջիկ» ֆիլմում և արժանացել է «Ջեմինի» մրցանակի[5]։ Լոս Անջելես տեղափոխվելուց կարճ ժամանակ անց Էլիշան նկարահանվել է «24 ժամ» հեռուստասերիալում։ Նկարահանվել է հեռուստասերիալի միայն երեք եթերաշրջանում, իսկ չորրորդ, յոթերորդ և ութերորդ երերաշրջաններում՝ միայն երկու դրվագում։
Էլիշան ընտրվել էր Սարդ-մարդ ֆիլմում Մերի Ջեյն Ուոթսոնի դերում նկարահանվելու համար, սակայն ընտրությունը կանգ առավ ամերիկացի դերասանուհի Քիրստեն Դանստի վրա։ Իր կարիերան նա սկսել է Հոլիվուդում, նկարահանվելով՝ «Իրական սեր» և այլ ֆիլմերում։ «Հարևանուհին» ֆիլմում Էլիշան ստացել է իր կարիերայի առաջ գլխավոր դերը։ Այդ ֆիլմում Էլիշան չէր ցանկացել նկարահանվել, սակայն ռեժիսոր Լյուկ Գրինֆիլդը կարողացել է համոզել դերասանուհուն։
«Մոմե տուն» ֆիլմում Էլիշան նկարահանվել է հայտնի դերասանուհի Փերիս Հիլթոնի հետ։ Ֆիլմը արժանացել է բազում է քննադատությունների, սակայն քննադատները նշել են, որ Էլիշան իր դերը հիանալի է կատարել։ Հաջորդ՝ «Լռության ոգին» ֆիլմում, Էլիշան ոչ միայն գլխավոր դերասանուհին էր, այլև համահեղինակ։ Էլիշան նաև «Լոս Անջելես Քինգս» հոկեյի թիմի երկրպագու է։
Անձնական կյանք[խմբագրել | խմբագրել կոդը]
2013 թվականի հուլիսի 6-ին Էլիշան ամուսնացել է կանադացի հոկեյիստ, «Տորոնտո Մեյփլ Լիֆս» ակումբի ավագ ՝ Դիոնոմ Ֆանյոֆի հետ։ Նրանք հանդիպել էին դեռևս ամուսնությունից հինգ տարի առաջ[6]։ Զույգն ունի մեկ աղջիկ՝ Զաֆիր Ֆանյոֆը (ծնվել է 2017թվականի դեկտեմբերի 21-ին)։
Որոշ ժամանակ Էլիշան հանդիպում էր «Լոս Անջելես Քինգս» ակումբի նախկին հոկեյիստ Շոն Էվերիի հետ[7][8][9]։ Մի քանի անգամ էլ հայտնվել է «FHM Maxim » ամսագրի ամենասեքսուալ կանանց ցուցակում։
Ծանոթագրություններ[խմբագրել | խմբագրել կոդը]
- ↑ http://www.theglobeandmail.com/news/national/da-vinci-wins-another-gemini/article18419370/
- ↑ http://www.wafca.com/awards/2003.htm
- ↑ «Elisha Cuthbert Interview» (անգլերեն)։ Cinemas Online։ Արխիվացված է օրիգինալից 2010-11-21-ին։ Վերցված է 2015-10-12
- ↑ Jake Bronstein (2006-10)։ «FHM Interview» (անգլերեն)։ FHM։ Արխիվացված է օրիգինալից 2007-05-29-ին։ Վերցված է 2015-10-12
- ↑ «Gemini Awards (2001)» (անգլերեն)։ Internet Movie Database։ Արխիվացված է օրիգինալից 2004-11-25-ին։ Վերցված է 2015-10-12
- ↑ Elisha Cuthbert is Married!
- ↑ Ex-Vogue Intern Sean Avery’s Fashionable Friends Welcome Him Back to His Day Job | The New York Observer
- ↑ New York Rangers Official Web Site :: Avery appears on MTV’s 'Total Request Live'
- ↑ Elisha Cuthbert Likes Hockey Players News
Արտաքին հղումներ[խմբագրել | խմբագրել կոդը]
|
Էլիշա Քաթբերթ Վիքիպահեստում |
|---|
| ||||||||||||||||||||||||
