Էլիզաբեթ Սթրաութ

Վիքիպեդիայից՝ ազատ հանրագիտարանից
Jump to navigation Jump to search
Էլիզաբեթ Սթրաութ
Elizabeth Strout 2015.jpg
Ծնվել էհունվարի 6, 1956(1956-01-06)[1] (63 տարեկան)
ԾննդավայրՊորտլենդ, Մեն, ԱՄՆ[2]
Մասնագիտությունվիպասան և գրող
Լեզուամերիկյան անգլերեն[3]
ՔաղաքացիությունFlag of the United States.svg ԱՄՆ
ԿրթությունSyracuse University College of Law? և Բեյթս քոլեջ
Ուշագրավ աշխատանքներAmy and Isabelle?
ԱշխատավայրQueens University of Charlotte?
ՊարգևներPremio Bancarella? և Պուլիտցերյան մրցանակ գեղարվեստական արձակի բնագավառում
ԱմուսինJames Tierney?
Կայքelizabethstrout.com
Elizabeth Strout Վիքիպահեստում

Էլիզաբեթ Սթրաութ (անգլ.՝ Elizabeth Strout, հունվարի 6, 1956(1956-01-06)[1], Պորտլենդ, Մեն, ԱՄՆ[2]), ժամանակակից ամերիկացի գրող, որը լայն ճանաչման է արժանացել հատկապես իր «Օլիվիա Քիթերիջ» (Olive Kitteridge, 2008)) վեպի շնորհիվ, որի համար 2009 թվականին Պուլիտցերյան մրցանակի է արժանացել «Գեղարվեստական արձակ» անվանակարգում[4]: Նրա թե՛ այդ, և թե՛ մյուս վեպերում գործողությունները ծավալվում են իր հորինած Շիրլի Ֆոլզում (Shirley Falls, Maine)[5][6]:

Սթրաութի առաջին իսկ վեպը՝ «Էմին և Իզաբելը» (Amy and Isabelle, 1998) ջերմորեն է ընդունվել ընթերցողների ու գրաքննադատների կողմից, դարձել բեսթսելլեր, էկրանավորվել (կինոնկարում գլխավոր հերոսուհուն մարմնավորել է Էլիզաբեթ Շուն)[7]: Նրա երկրորդ վեպը՝ «Եղի՛ր ինձ հետ»-ը (Abide with Me, 2006) նույնպես վատ չի ընդունվել, բայց առաջինի հաջողությունը կրկնել չի հաջողվել: Դրանից երկու տարի անց՝ 2008-ին Սթրաութը հրատարակել է «Օլիվիա Քիթերիջ»-ը (Olive Kitteridge, 2008), որն աննախադեպ հաջողություն է գրանցել, այդ թվում՝ նաև առևտրային առումով. 2017 թվականի մայիսի դրությամբ արդեն վաճառվել էր այդ վեպի մեկ միլիոնից ավելի օրինակ՝ շուրջ 25 միլիոն դոլար ընդհանուր գումարով[7]: Առաջին անգամ տպագրվելուց մեկ տարի անց՝ 2009 թվականին վեպը Պուլիտցերյան մրցանակի է արժանացել «Գեղարվեստական արձակ» անվանակարգում[8], ներկայացվել հեռուստատեսային մինի սերիաներով՝ «Էմմի» մրցանակ շահելով բազմաթիվ անվանակարգերում: Բացի այդ, վեպն ընդգրկվել է «Նյու Յորք թայմս»-ի կազմած բեսթսելլերների ցանկում[9]: Դրանից հինգ տարի անց լույս ընծայված «Բարջես եղբայրները» (The Burgess Boys, 2013) վեպը նույնպես բեսթսելլերների շարքն է անցել, հաջորդ՝ «Իմ անունը Լյուսի Բարթոն է» («My Name Is Lucy Barton, 2016) վեպը ևս միջազգային հաջողություններ է գրանցել[10][11][12][13], տեղ զբաղեցրել «Նյու Յորք թայմս»-ի կազմած բեսթսելլերական ցանկի վերին հորիզոնականներում:

Կենսագրություն[խմբագրել | խմբագրել կոդը]

Էլիզաբեթը ծնվել է Մեն նահանգի Փորթլենդ քաղաքում, մանկավարժների ընտանիքում. հայրը բնագիտության պրոֆեսոր էր, մայրը՝ անգլերենի և գրական վարպետության դասատու մերձակա ավագ դպրոցում[14][15][15]: Ծնողները նրան ու եղբորը դաստիարակել են պուրիտանական խստաշունչ կանոններով. թույլ չեն տվել նույնիսկ հեռուստացույց դիտել, երեկույթների հաճախել[16]:

Մեն նահանգի Լյուիստոն քաղաքի Բեյթս քոլեջն ավարտելուց հետո Էլիզաբեթն ուսումը շարունակել է Մեծ Բրիտանիայում՝ Օքսֆորդի իրավաբանական դպրոցում, որն ավարտել է 1982 թվականին, փայլուն առաջադիմությամբ և ԱՄՆ Սիրաքյուսի համալսարանում իրավաբանության մագիստրոսի որակավորում ստացել: Այդ նույն տարում ամերիկյան գրական ամսագրերից մեկում լույս է տեսել նրա առաջին պատմվածքը[15][15]: Հետագայում, երբ արդեն ժանաչված գրող էր դարձել, հարցազրույցներից մեկում Սթրաութը շեշտել է, որ իր համար իրավաբանի կարիերայից առավել կենսականորեն կարևոր է եղել իր գրական գործունեությունը[17]:

Անձնական կյանք[խմբագրել | խմբագրել կոդը]

Առաջին ամուսնությունից գրողն ունի մեկ դուստր: Երկրորդ ամուսինը Մեն նահանգի նախկին գլխավոր դատախազ Ջեյմս Թիրնին է: Նրանց ընտանիքը տարվա մի մասն անց է կացնում Նյու Յորքում, մյուս մասը՝ Մեն նահանգի Բրանսուիք քաղաքում[18]:

Մատենագրություն[խմբագրել | խմբագրել կոդը]

Վեպեր[խմբագրել | խմբագրել կոդը]

  • Amy and Isabelle (1998) — «Էմին և Իզաբելը»
  • Abide with Me (2006) — «Եղի՛ր ինձ հետ»
  • Olive Kitteridge (2008) — «Օլիվիա Քիթերիջ»
  • The Burgess Boys (2013) — «Բարջես եղբայրները»
  • My Name Is Lucy Barton (2016) — «Իմ անունը Լյուսի Բարթոն է»
  • Anything is Possible (2017) — «Ամեն ինչ հնարավոր է»

Էսսե[խմբագրել | խմբագրել կոդը]

  • Offill, Jenny and Elissa Schappell, ed. (2005)։ The friend who got away : twenty women's true-life tales of friendships that blew up, burned out, or faded away։ Introduction by Francine Prose։ New York: Doubleday 

Աշխատություններ Սթրաութի մասին[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Munzinger-Archiv — 1913.
  2. 2,0 2,1 2,2 German National Library, Berlin State Library, Bavarian State Library et al. Record #138335400 // Gemeinsame Normdatei — 2012—2016.
  3. data.bnf.fr: տվյալների բաց շտեմարան — 2011.
  4. «The 2009 Pulitzer Prize Winner in Fiction»
  5. Mackay Shena (2013-07-13)։ «The Burgess Boys by Elizabeth Strout – review»։ The Guardian (en-GB)։ ISSN 0261-3077։ Վերցված է 2017-06-07 
  6. Charles Ron, Charles Ron (2013-03-19)։ «Elizabeth Strout’s ‘The Burgess Boys,’ reviewed by Ron Charles»։ The Washington Post (en-US)։ ISSN 0190-8286։ Վերցված է 2017-06-07 
  7. 7,0 7,1 «Elizabeth Strout’s Long Homecoming»։ The New Yorker։ Վերցված է 2017-06-07 
  8. «The 2009 Pulitzer Prize Winner in Fiction»։ www.pulitzer.org (անգլերեն)։ Վերցված է 2017-06-07 
  9. CNN Brandon Griggs,։ «'Olive Kitteridge,' 'Game of Thrones' big Emmy winners - CNN»։ Վերցված է 1 October 2018 
  10. Barrett Andrea (2017-05-12)։ «Elizabeth Strout’s Follow-Up to ‘Lucy Barton’ Is a Master Class on Class»։ The New York Times (en-US)։ ISSN 0362-4331։ Վերցված է 2017-06-07 
  11. Lowdon Review by Claire։ «Books: Anything Is Possible by Elizabeth Strout» (անգլերեն)։ Վերցված է 2017-06-14 
  12. Sacks Sam (2017-04-21)։ «Elizabeth Strout’s "Anything Is Possible" Is a Small Wonder»։ Wall Street Journal (en-US)։ ISSN 0099-9660։ Վերցված է 2017-06-14 
  13. «Elizabeth Strout’s Long Homecoming»։ Վերցված է 2017-06-14 
  14. «'My Ears Are Open': Novelist Elizabeth Strout Finds Inspiration In Everyday Life»։ Վերցված է 1 October 2018 
  15. 15,0 15,1 15,2 15,3 Birnbaum, Robert.Elizabeth Strout. The Morning News, August 26, 2008.
  16. The Burgess Boys: A Novel By Elizabeth Strout (Trivia-On-Books)
  17. Birnbaum Robert։ «Elizabeth Strout - The Morning News»։ The Morning News։ Վերցված է 2016-02-27 
  18. Elizabeth Strout — Biography in Context — Gale/Cengage
  19. Online version is titled "Elizabeth Strout's long homecoming".

Արտաքին հղումներ[խմբագրել | խմբագրել կոդը]