Էլիզաբեթ Բեքեր

Էլիզաբեթ Բեքեր
Ծնվել է	հուլիսի 20, 1923(1923-07-20)
Ծննդավայր	Gmina Nowy Staw, Malbork County, Pomeranian Voivodeship, Լեհաստան
Մահացել է	հուլիսի 4, 1946(1946-07-04) (22 տարեկան)
Մահվան վայր	Biskupia Górka, Գդանսկ, Լեհաստանի Ժողովրդական Հանրապետություն
Քաղաքացիություն	Գերմանիա
Մասնագիտություն	Նացիստական համակենտրոնացման ճամբարների կին վերակացու, համակենտրոնացման ճամբարի պահակ և խոհարար
Անդամություն	League of German Girls?
Elisabeth Becker Վիքիպահեստում

Էլիզաբեթ Բեքեր (գերմ.՝ Elisabeth Becker, հուլիսի 20, 1923(1923-07-20), Gmina Nowy Staw, Malbork County, Pomeranian Voivodeship, Լեհաստան - հուլիսի 4, 1946(1946-07-04), Biskupia Górka, Գդանսկ, Լեհաստանի Ժողովրդական Հանրապետություն), նացիստ, ռազմական հանցագործ, Երկրորդ համաշխարհային պատերազմի ժամանակ Շտուտհոֆ համակենտրոնացման ճամբարի վերակացու։

Կենսագրություն

Բեքերը ծնվել է Ազատ քաղաք Դանցիգում (ժամանակակից Նովի Ստավ, Լեհաստան)՝ գերմանացիների ընտանիքում։ 1936 թվականին, 13 տարեկան հասակում, անդամակցել է Գերմանացի աղջիկների խորհրդին։ 1938 թվականին Դանցիգում աշխատել է որպես խոհարար։ Երբ 1939 թվականին գրավեցին քաղաքը, Բեքերը հարմարվեց նոր պայմաններին։ 1940 թվականին աշխատանքի անցավ Dokendorf ընկերությունում, որտեղ աշխատեց մինչև 1941 թվականը։ Հետո դարձավ Դանցիգի գյուղատնտեսական հարցերի օգնական։

Աշխատանք համակենտրոնացման ճամբարում

1944 թվականին, երբ ՍՍ-ը ավելացրեց Շտուտհոֆ ճամբարում վերակացուների թիվը, Բեքերին հրավիրեցին այնտեղ ծառայության։ Նա այցելեց ճամբար 1944 թվականի սեպտեմբերի 5-ին՝ ՍՍ-ի կանանց օժանդակ ստորաբաժանումում մարզվելու համար։ Ավելի ուշ սկսեց աշխատել Շտուտհոֆ-III ճամբարում, որտեղ ընտրում էր կանանց և երեխաներին՝ գազախցիկ ուղարկելու նպատակով։

Պատերազմից հետո

1945 թվականի հունվարի 15-ին Բեքերը ճամբարից փախչում է տուն, որտեղից լեհական ոստիկանությունը կալանավորում է նրան։ Շտուտհոֆյան դատավարության ժամանակ, որը սկսվել է 1946 թվականի մայիսի 31-ին, ՍՍ-ի հինգ կանանց և մի քանի կապոյի մեղավոր ճանաչեցին և դատապարտեցին մահապատժի։ Էլիզաբեթին ու տասը այլ մեղավորի համար որպես պատիժ ընտրվեց կախաղանը։ Նա մի քանի նամակ ուղարկեց Բոլեսլավ Բերուտին՝ ներում շնորհելու խնդրանքով՝ պնդելով, որ այդքան դաժան չի եղել կալանավորների նկատմամբ, ինչպես Գերդա Շթայնհոֆն ու Ջեննի Վանդա Բարքմանը։ Սակայն նրա խնդրանքն ապարդյուն է անցնում։ Էլիզաբեթ Բեքերին հրապարակայնորեն կախաղան են բարձրացնում 1946 թվականի հուլիսի 4-ին Բիսկուպիա գորկայում՝ մնացած տասը հոգու հետ միասին։

• 
  Շտուտհոֆ ճամբարի վերակացուների մահապատիժը 1946 թվականի հուլիսի 4-ին․ Բեքերը երրորդդն է ձախից։
• 
  Բեքերը կախաղանին

Արտաքին հղումներ

• Էլիզաբեթ Բեքեր․ կենսագրություն

Վիքիպահեստն ունի նյութեր, որոնք վերաբերում են «Էլիզաբեթ Բեքեր» հոդվածին։