Էլզա Լունգինի
| Էլզա Լունգինի | |
|---|---|
 | |
| Ծնվել է | մայիսի 20, 1973[1][2][3] (52 տարեկան) |
| Ծննդավայր | Փարիզի 18-րդ շրջան, Փարիզ |
| Քաղաքացիություն |  Ֆրանսիա |
| Մասնագիտություն | երգչուհի, երգերի հեղինակ, կինոդերասանուհի, ստուդիական երաժիշտ և դերասանուհի |
| Ծնողներ | հայր՝ Georges Lunghini? |
| 🌐 | |
 Elsa Lunghini Վիքիպահեստում | |
Էլզա Լունգինի[4] (ֆր.՝ Elsa Lunghini, մայիսի 20, 1973[1][2][3], Փարիզի 18-րդ շրջան, Փարիզ), ֆրանսիացի կինոդերասանուհի և երգչուհի։
Կենսագրություն
[խմբագրել | խմբագրել կոդը]Էլզան ծնվել է արվեստագետների ընտանիքում. նրա հայրը՝ Ժորժ Լունգինին, դերասան, կոմպոզիտոր և լուսանկարիչ էր[5], իսկ մայրը՝ Քրիստիան Ժոբերը՝ նկարչուհի և քանդակագործ[6]: Բացի այդ, Էլզայի մորաքույրը դերասանուհի Մարլեն Ժոբերն էր: Մանկուց Էլզան պարել է և սովորել է դաշնամուր նվագել[6]:
Կարիերա
[խմբագրել | խմբագրել կոդը]7 տարեկանում Էլզան ստացել էր իր առաջին փոքր դերը ֆիլմում՝ Կլոդ Միլլերի «Հետաքննության տակ» ֆիլմում, որտեղ նա խաղացել էր Ռոմի Շնայդերի, Միշել Սերոյի և Լինո Վենտուրայի հետ միասին։ Դրան հաջորդել էր էպիզոդիկ դեր Ռոժե Անենի «Դժոխային գնացք» և Վերա Բելմոնտի «Կարմիր համբույր» ֆիլմերում, սակայն երիտասարդ դերասանուհուն իրական հաջողություն էր բերել Ռեջիս Վարգնյեի «Իմ կյանքի կինը» ֆիլմում նկարահանվելուց հետո, որտեղ գլխավոր դերերում էին Ջեյն Բիրկինը և Քրիստոֆ Մալավուան։ Դերի համար Էլզան ստիպված էր մի քանի տող երգել դաշնամուրի նվագակցությամբ, և ռեժիսորը, տպավորված էր նրա ձայնով, հրավիրել էր նրան կատարել «T'en va pas» երգը, որը հատուկ գրվել էր նրա համար այդ առիթով[7]: Երգն անմիջապես բարձրացել էր հիթ-շքերթների գագաթնակետին, իսկ դրա հետ միասին թողարկված սինգլը վաճառվել էր 1,300,000 օրինակով։ Էլզան նաև դարձել էր ամենաերիտասարդ արտիստը, որի երգը հասավ առաջին հորիզոնականին Top 50-ում[8]:
1987-1988 թվականներին իր հաջողությունը ամրապնդելու համար նա թողարկել էր ևս մի քանի սինգլներ՝ Quelque choose dans mon coeur, Un roman d'amitié՝ դուետ ամերիկացի Գլեն Մեդեյրոսի հետ[9], Jour de neig, և վերջապես, 1988 թվականի աշնանը, նրա դեբյուտային ալբոմը Elsa վերնագրով, հայտնվել էր դարակներում՝ վաճառվելով 810,000 օրինակով:
1990 թվականին թողարկվել էր Էլսայի երկրորդ ալբոմը՝ Rien que pour ça-ն, որի երաժշտությունը նա ինքն էր գրել: 1990 թվականի աշնանը նա մի շարք համերգներ էր տվել լեգենդար պարիզյան Օլիմպիա երաժշտական հոլում՝ դառնալով այնտեղ ելույթ ունեցած ամենաերիտասարդ արտիստը[10]: Այնուհետև Էլզան մեկնել էր չորսամսյա շրջագայության Ֆրանսիայում և Եվրոպայում:
1991 թվականին նա ստացել էր Մարկոլինայի դերը «Կազանովայի վերադարձը» դրամայում, որտեղ նա նկարահանվել էր Ալեն Դելոնի հետ։ Ֆիլմը 1992 թվականին առաջադրվեց Կաննի կինոփառատոնի «Ոսկյա արմավենու ճյուղ» և 1993 թվականին «Սեզար» մրցանակի[11]:
1992 թվականի աշնանը թողարկվել էր Էլզայի երրորդ ալբոմը՝ «Douce violence»-ը, որը նշանավորել էր շրջադարձ նրա կերպարում՝ Էլզան կարճ կտրել էր մազերը, և փոխել էր երաժշտական ոճը՝ երգերը դարձել էին ավելի մելանխոլիկ, իսկ տեքստերը՝ ավելի հասուն։ Երգչուհին ցանկանում էր, որ իր բեմական կերպարն ավելի շատ համապատասխանի իրեն, որպեսզի այլևս չընկալվի որպես միամիտ փոքրիկ աղջիկ, բայց ավելի ուշ նա խոստովանել էր, որ այս նոր սեքսուալ կերպարը նույնպես իրեն չի համապատասխանում[12]:
Ալբոմը հաջողակ չէր, քան իր երկու նախորդները։ 1993 թվականի մայիսին թողարկելով երրորդ և վերջին սինգլը՝ Tout l'temps, tout l'temps-ը, Էլզան որոշ ժամանակով անհետացել էր երկրպագուների տեսադաշտից՝ նվիրվելով անձնական կյանքին և երեխայի ծննդին։
Սակայն նրա ստեղծագործական ընդմիջումը երկար չեր տևել. արդեն 1996 թվականին երգչուհին հանրությանը ներկայացրել էր իր նոր ալբոմը՝ Chaque jour est un long chemin վերնագրով, որի բոլոր տեքստերը գրել էր ինքը։ Ալբոմի անգլերեն տարբերակը՝ Everyday վերնագրով, թողարկվել էր Թայվանում։ Այս ակուստիկ ալբոմը, որն ակնհայտորեն իր ժամանակից առաջ էր, քննադատների կողմից դրական արձագանքներ էր ստացել, բայց չէր կարողացել գրավել հանրությանը[13]. ալբոմը Ֆրանսիայում վաճառվել էր ընդամենը 55,000 օրինակով: Չնայած Sous ma robe երգի չափավոր հաջողությանը, ձայնագրման ընկերությունը հրաժարվել էր ալբոմը հետագա գովազդելուց[14], ինչը երգչուհուն ստիպել էր դատական հայց սկսել, որը նա, ի վերջո, հաղթել էր[15]:
Դատավարության ընթացքում Էլզային թույլ չտվեցին ոչինչ ձայնագրել, բայց 2002 թվականին նա վերջապես վերադարձել էր իր դերասանական կարիերային՝ խաղալով Շառլոտի դերը «La mort est rousse» հեռուստաֆիլմում: 2004 թվականին, ութ տարվա հարկադիր լռությունից հետո, Էլզան վերջապես պայմանագիր էր կնքել Mercury լեյբլի հետ և վերադարձել էր նոր՝ «De lave et de sève» ալբոմով, որը Բանջամին Բիոլեի, Էն Կերեն, Հյուբեր Մունիեի, Էտիեն Դահոյի հետ համագործակցության արդյունք էր: (Այս ալբոմն առաջինն է, որում չեն ներառված Էլզայի հոր՝ Ժորժ Լանգինիի գրած երգերը): Էլզան կրկին գրել էր երգերի տեքստերի մեծ մասը: Ալբոմը բավականին մռայլ էր ստացվել, և 1920-ականների սարսափ ֆիլմերից ոգեշնչված «Mon amour» երգի տեսահոլովակի համար Էլզան մրցանակ էր շահել տեսահոլովակների միջազգային փառատոնում[16]։
2005 թվականի սեպտեմբերին Էլզան մի շարք համերգներ էր տվել Փարիզի «Européen»-ում՝ կատարելով հիմնականում վերջին երկու ալբոմների երգերը և առաջին երեքի մի քանի երգերը: 2006 թվականին թողարկվել էր Էլսայի առաջին համերգային ալբոմը՝ «Connexion live»-ը, CD-ից բացի թողարկվել էր նաև DVD:
2007 թվականին Էլզան նկարահանվել էր Մարկ Լևիի «Ու՞ր ես» գրքի հեռուստատեսային էկրանավորման մեջ, որը ցուցադրվել էր 2008 թվականի հունիսին M6 հեռուստաալիքով: Նկարահանման հրապարակում նրա գործընկերներն էին Քրիստիանա Ռեալին և Ֆիլիպ Բասը:
2008 թվականի հունիսին թողարկվել էր Էլզայի նոր ալբոմի առաջին Oser սինգլը, որը ձայնագրվել էր Էմանուել Դա Սիլվայի հետ համատեղ, ում Էլզան հանդիպել էր MySpace- ում[17]: Ալբոմն ինքնին թողարկվել էր սեպտեմբերին: Բավականին մելանխոլիկ սկավառակը չէր արժանացել ցանկալի հաջողության՝ չնայած տպավորիչ գովազդային արշավին և դրան հաջորդած շրջագայությանը[18]:
2009 թվականին Էլզան նկարահանվեց Շառլոտ Բրենդստրյոմի «Aveugle mais pas trop» հեռուստաֆիլմում, որը ցուցադրվել էր սեպտեմբերի 14-ին TF1-ով, ինչպես նաև մասնակցել էր իր կարիերայի առաջին կարճամետրաժ ֆիլմի՝ «Le portail»-ի նկարահանումներին՝ որպես փախստական դեռահասի մայր:
2010 թվականի սկզբին Էլզան նկարահանվել էր երկու հեռուստատեսային ֆիլմերում՝ France 2-ի ամառային սագան՝ «La maison des Rocheville»-ը (ցուցադրվել է 2010 թվականի ամռանը) և «Les Nuits d'Alice»-ը (ցուցադրվել է 2011 թվականի հունիսին):
2011-2012 թվականներին Էլզան նկարահանվել էր նաև «Section de recherches» (ցուցադրվել է 2012 թվականի մայիսին 6-րդ եթերաշրջան, 5-րդ սերիան) և «Famille d'accueil» (ցուցադրվել է 2013 թվականի փետրվարին 11-րդ եթերաշրջան, 1-ին սերիան) սերիալներում, ինչպես նաև «Block 66» և «Une vie déportée» կարճամետրաժ ֆիլմերում, ինչպես նաև «Pauvre Richard!» կատակերգությունում (ֆիլմը ցուցադրվել է 2013 թվականի հունվարին ֆրանսիական կինոթատրոններում):
Անձնական կյանք
[խմբագրել | խմբագրել կոդը]Էլզան ունի որդի՝ Լուիջի (ծնվել է 1994 թվականի հուլիսի 27-ին, գերմանացի երգիչ Պետեր Կրյոների հետ քաղաքացիական ամուսնությունից), որն այժմ լրջորեն զբաղվում է քիքբոքսինգով: Նա իր անունը ստացել է Էլզայի հայրական պապիկի պատվին, որը իտալական ծագում ուներ:
1999 թվականի փետրվարից մինչև 2006 թվականի մարտը նա հարաբերությունների մեջ էր ֆուտբոլիստ Բիքսենտե Լիզարազուի հետ: Ներկայումս նա հանդիպում է դերասան Ֆրանկ Ջոլիի հետ: Էլզան դերասանուհի Մարլեն Ժոբերի զարմիկն է, դերասանուհի Եվա Գրինի և դերասանուհի ու երգչուհի Ժոզեֆին Ժոբերի զարմուհին:
Բարեգործություն
[խմբագրել | խմբագրել կոդը]1990-ականների վերջերից Էլզան ակտիվորեն զբաղվում է բարեգործական աշխատանքներով: 1997 թվականից ի վեր նա գրեթե ամեն տարի մասնակցել է Restos du cœur ասոցիացիայի Les Enfoirés համերգներին: Նա ներգրավված է Sol En Si ասոցիացիայի գործունեության մեջ, որը օգնում է ՁԻԱՀ-ով տառապող երեխաներին և նրանց ընտանիքներին: Իր նախկին սիրեցյալի՝ ֆուտբոլիստ Բիքսենտե Լիզարազուի հետ միասին նա Bout de vie ասոցիացիայի պաշտոնական ներկայացուցիչն է, որը օգնում է անդամահատված վերջույթներ ունեցող մարդկանց: 2006 թվականի մարտին նա նաև նկարահանվել է Danone-ի Senja սոյայի մածունների հեռուստատեսային գովազդում:
Դիսկոգրաֆիա
[խմբագրել | խմբագրել կոդը]Ալբոմներ
[խմբագրել | խմբագրել կոդը]1988, Elsa
1990, Rien que pour ça
1992, Douce violence
1996, Chaque jour est un long chemin
1996, Everyday (թողարկվել է միայն Թայվանում)
1997, Elsa, l’essentiel 1986–1993 (հավաքածու)
2004, De lave et de sève
2006, Connexion Live
2008, Elsa Lunghini
Սինգլներ
[խմբագրել | խմբագրել կոդը]1986, T’en va pas
1987, Papa, please don’t go
1987, Quelque chose dans mon coeur
1988, Un roman d’amitié (duo avec Glenn Medeiros)
1988, Love always finds a reason (duo avec Glenn Medeiros)
1988, Jour de neige
1989, A la même heure dans deux ans
1989, Jamais nous (feat. Laurent Voulzy)
1990, Mon cadeau (promo)
1990, Solo era un sueño
1990, Gli anni miei
1990, Rien que pour ça
1991, Pleure doucement
1991, Qu’est ce que ça peut lui faire
1991, Je s’rai là (promo)
1992, Bouscule-moi
1993, Supplice chinois (Toop Toop)
1993, Tout l’temps, tout l’temps
1996, Chaque jour est un long chemin
1997, Sous ma robe
1997, Le temps tourne à l’orage (promo)
2004, Mon amour (promo)
2004, À quoi ça sert (promo)
2005, Éternité (promo)
2008, Oser (promo)
2008, Le garçon d'étage (promo)
2009, Les tremblements de terre (Duo avec Da Silva) (promo)
Տեսագրություն
[խմբագրել | խմբագրել կոդը]VHS / DVD
[խմբագրել | խմբագրել կոդը]1991, Premier Olympia / Tournée 90-91 (VHS, Laserdisc)
2006, Connexion Live (DVD)
Տեսահոլովակներ
[խմբագրել | խմբագրել կոդը]1986, T’en va pas (երկու տարբերակները)
1988, Quelque chose dans mon coeur
1988, Un roman d’amitié
1988, Jour de neige
1989, A la même heure dans 2 ans
1989, Jamais nous
1990, Rien que pour ça
1991, Pleure doucement
1991, Qu’est-ce que ça peut lui faire
1992, Bouscule-moi
1993, Supplice chinois
1993, Tout l’temps, tout l’temps
1996, Chaque jour est un long chemin
1997, Sous ma robe
2004, Mon amour
2008, Oser
Ֆիլմագրություն
[խմբագրել | խմբագրել կոդը]1981, Նախաքննությամբ / Garde à vue, դերակատարում՝ Camille
1984, Դժոխքի գնացք / Train d’enfer, դերակատարում՝ էպիզոդիկ
1985, Կարմիր համբույր / Rouge baiser, դերակատարում՝ Rosa
1986, Իմ կյանքի կինը / La femme de ma vie, դերակատարում՝ Éloïse
1987, Où que tu sois, դերակատարում՝ Anne
1992, Կազանովայի վերադարձը / Le retour de Casanova, դերակատարում՝ Marcolina
2009, Le portail (կարճամետրաժ ֆիլմ)
2012, Pauvre Richard!, դերակատարում՝ Amel
2012, Une vie déportée (կարճամետրաժ ֆիլմ)
Հեռուստաֆիլմեր
[խմբագրել | խմբագրել կոդը]2002, La mort est rousse, դերակատարումներ՝ Charlotte
2005, Trois jours en juin, դերակատարումներ՝ Sylvie
2008, Où es-tu? (Մարկ Լևիի Ու՞ր ես վեպի հիման վրա), դերակատարում՝ Suzanne
2009, Aveugle mais pas trop, դերակատարում՝ Emma
2010, La maison des Rocheville, դերակատարում՝ Sylvana
2011, Les nuits d’Alice, դերակատարում՝ Alice
2012, Քննչական ծառայություն / Section de recherches, 6-րդ եթերաշրջան, 5-րդ սերիա
2013, Famille d’accueil, 11-րդ եթերաշրջան, 1-ին սերիա
Ծանոթագրություններ
[խմբագրել | խմբագրել կոդը]
 |
Այս բաժինը պարունակում է չթարգմանված տեքստ Դուք կարող եք մասնակցել նախագծին, թարգմանել այն, հակառակ դեպքում տվյալ բաժինը ենթակա է ջնջման։ |
- ↑ 1,0 1,1 filmportal.de — 2005.
- ↑ 2,0 2,1 Discogs — 2000.
- ↑ 3,0 3,1 Roglo — 1997. — ed. size: 10000000
- ↑ До 2008 года её сценическим именем было просто Эльза, тогда как в кино она всегда была Эльзой Лунгини (только в титрах фильмов Женщина моей жизни и Возвращение Казановы она значится под именем Эльза). С 2008 года, начиная с выпуска одноимённого альбома Elsa Lunghini она стала пользоваться фамилией и в качестве певицы.
- ↑ Отец Эльзы написал большую часть музыки к песням с трёх первых альбомов Эльзы, а также несколько песен с альбома ‘’Chaque jour est un long chemin’’. Многие фотографии Эльзы 1980-х годов тоже сделаны им. До того, как заняться карьерой дочери, он написал несколько успешных песен для Марлен Жобер (Télé 7 Jours № 1390, январь 1987 года).
- ↑ 6,0 6,1 Статья из журнала OK № 577 (февраль 1987 года).
- ↑ Télé 7 Jours № 1390 (январь 1987 года).
- ↑ Этот рекорд будет побит в 1992 году четырёхлетним певцом Жорди с песней Dur dur d'être un bébé.
- ↑ Гленн и Эльза познакомились на передаче Sacrée soirée. Пресса долгое время приписывала им роман.
- ↑ Эльзе тогда было 17 лет. Её рекорд будет побит в 2003 году 13-летней Присциллой.
- ↑ Casanovas Rückkehr (1992) - IMDb(անգլ.) ֆիլմը Internet Movie Database կայքում
- ↑ Интервью журналу Télé 7 Jours (октябрь 1996 года).
- ↑ Например, он получил высший балл от журнала Télérama
- ↑ BMG
- ↑ Статья из журнала Paris Match № 2868 (май 2004 года).
- ↑ «Elsa Lunghini - Biographie - Discographie - Clips - Concerts». Արխիվացված է օրիգինալից 2013 թ․ ապրիլի 7-ին. Վերցված է 2013 թ․ մարտի 11-ին.
- ↑ Интервью журналу ‘’Platine’’ № 154 (сентябрь 2008 года).
- ↑ С альбома было выпущено 3 промосингла. В январе 2009 года Эльза поехала в турне.
Արտաքին հղումներ
[խմբագրել | խմբագրել կոդը]- Պաշտոնական էջը Facebook-ում
- Պաշտոնական էջը MySpace-ում
- Ռուսալեզու երկրպագուների կայք
- Ֆրանսիական երկրպագուների կայք
- Ֆրանսիական երկրպագուների կայք Elsa Forever
- Ֆրանսիական բլոգ
 | Վիքիպահեստն ունի նյութեր, որոնք վերաբերում են «Էլզա Լունգինի» հոդվածին։ |
| ||||||||||||||||||||
