Էլենա Կացուլանի

Էլենա Կացուլանի
Ծնվել է	դեկտեմբերի 23, 1920(1920-12-23)
Ծննդավայր	Լոդի, Լոմբարդիա, Իտալիայի թագավորություն
Վախճանվել է	հոկտեմբերի 17, 2005(2005-10-17) (84 տարեկան)
Վախճանի վայր	Վիջևանո, Պավիա, Լոմբարդիա, Իտալիա
Գրական անուն	Ena
Մասնագիտություն	գրող, գրական սալոնի տեր և բանաստեղծուհի
Քաղաքացիություն	Իտալիա և  Իտալիայի թագավորություն
Ուշագրավ աշխատանքներ	Քրիստինա Բելջոյոզո, Il muro sul ponte?, Ջուզեպինա Ստրեպոնիին, Կենսագրություն, Francesco de Lemene. Poesia e teatro?, Il collegio Cazzulani? և Maria Hadfield Cosway. Biografia, diari e scritti della fondatrice del collegio delle Dame Inglesi in Lodi?
Ամուսին	Antonio Allegri?
Elena Cazzulani Վիքիպահեստում

Էլենա Կացուլանի Ալեգրի (իտալ.՝ Elena Cazzulani, դեկտեմբերի 23, 1920(1920-12-23), Լոդի, Լոմբարդիա, Իտալիայի թագավորություն - հոկտեմբերի 17, 2005(2005-10-17), Վիջևանո, Պավիա, Լոմբարդիա, Իտալիա), իտալացի գրող և բանաստեղծուհի, ով առավել հայտնի է իր Էնա գրական կեղծանվամբ։ 1980-ական թվականներին նա իր տանը հիմնել է գրական սալոն, որը դարձել էր Լոդիի մտավորականության հանդիպումների և ընդհանուր առմամբ Լոմբարդիայի մշակութային կյանքի կարևորագույն կենտրոններից մեկը։

Կենսագրություն

Էլենա Կացուլանին ծնվել է 1920 թվականին Լոդիում։ Նա ճարտարապետ Ջովանի Կացուլանիի դուստրն էր, ով հանդիսանում էր «Կացուլանի քոլեջի» (Collegio Cazzulani) վերջին տնօրենը (այս կրթօջախը հիմնադրել էին Էլենայի տատն ու պապը՝ Ֆրանչեսկո Կացուլանին և Էլենա Ռոդան)։ Ի տարբերություն իր նախնիների, Էլենան վարչական պաշտոններ չի զբաղեցրել դպրոցում, այլ իրեն ամբողջությամբ նվիրել է գրականությանը։ 1988 թվականին նա հրատարակել է իր ընտանիքի պատմությունն ամփոփող «Կացուլանի քոլեջը» (իտալ.՝ Il collegio Cazzulani) գիրքը։

Կացուլանին հեղինակել է բազմաթիվ բանաստեղծություններ, վեպեր և կենսագրականներ՝ նվիրված տարածաշրջանի մի շարք նշանավոր կանանց, այդ թվում՝ Ադա Նեգրիին, Վիտորիա Մանձոնիին, Քրիստինա Տրիվուլցիո Բելջոյոզոյին, Մարիա Քոսուեյին, Կառլոտա Ֆերարիին և Ջուզեպինա Ստրեպոնիին։ Նրա գրական սալոնը, որը նաև մի քանի անթոլոգիաներ է լույս ընծայել, նշանակալի հետք է թողել իտալական գրականության վրա։

Էլենա Կացուլանին մահացել է 2005 թվականին Վիջևանոյում՝ 84 տարեկան հասակում։

2014 թվականի դեկտեմբերին Լոդիի քաղաքապետարանը քաղաքի փողոցներից մեկն անվանակոչել է նրա պատվին։ Ֆրանչեսկո Կացուլանիի անվան ինստիտուտի արտաքին պատերից մեկին փակցված է գրողի՝ միագույն փիրուզագույն կերամիկական սալիկի վրա քանդակված դիմանկարը (հեղինակ՝ Լուիջի Պոլետի)։

Մատենագիտություն

1. 1982 – Cristina di Belgioioso (Քրիստինա դի Բելջոյոզո), Ed. Lodigraf, Lodi.
2. 1983 – Il muro sul ponte (Պատը կամրջի վրա), Ed. Lodigraf, Lodi.
3. 1984 – Giuseppina Strepponi, biografia (Ջուզեպինա Ստրեպոնի. Կենսագրություն), Ed. Lodigraf, Lodi.
4. 1985 – Francesco de Lemene. Poesia e teatro (Ֆրանչեսկո դե Լեմենե. Պոեզիա և թատրոն)՝ Ջիլբերտո Կոլետոյի համահեղինակությամբ, Ed. del Campus, Lodi.
5. 1988 – Il collegio Cazzulani (Կացուլանի քոլեջը), Edizioni Lodigraf, Lodi.
6. 1989 – Maria Hadfield Cosway. Biografia, diari e scritti... (Մարիա Հեդֆիլդ Քոսուեյ. Լոդիի Անգլիական տիկնանց քոլեջի հիմնադրի կենսագրությունը, օրագրերն ու գրությունները), Ed. L'Immagine, Lodi.
7. 1991 – Il viale delle ortensie (Հորտենզիաների ծառուղին), Ed. L'Immagine, Lodi.
8. 1992 – Carlotta Ferrari da Lodi. Poetessa e musicista (Կառլոտա Ֆերարին Լոդիից. Բանաստեղծուհի և երաժիշտ), Ed. L'Immagine, Lodi.
9. 1993 – Ritorno al viale delle ortensie (Վերադարձ հորտենզիաների ծառուղի), Ed. L'Immagine, Lodi.
10. 1996 – Il cielo comincia dal suolo (Երկինքը սկսվում է գետնից), Ed. L'Immagine, Lodi.

Պատկերասրահ

• 
  1915 թվականին հիմնադրված «Կացուլանի քոլեջ» դպրոցի շենքի ճակատային մասը
• 
  Էլենա Կացուլանին համաժողովի ժամանակ, 1970-ական թվականներ
• 
  Էլենա Կացուլանին Ջուզեպինա Ֆերացայի հետ, 1980-ական թվականներ

Արտաքին հղումներ

Վիքիպահեստն ունի նյութեր, որոնք վերաբերում են «Էլենա Կացուլանի» հոդվածին։