Էլեկտրոնների և իոնների շարժունություն

Էլեկտրոնների և իոնների շարժունություն

1. գազում և ցածր ջերմաստիճանային պլազմայում, էլեկտրական դաշտի ազդեցությամբ էլեկտրոնների կամ իոնների ուղղորդված շարժման միջին արագության $(u)$ հարաբերությունը էլեկտրական դաշտի լարվածությանը $(E)$՝

$\mu ={\frac {u}{E}}$

էլեկտրոնների և իոնների շարժունություն ու տարբեր գործոններից դրա ունեցած կախումը որոշվում են միջավայրի հետ էլեկտրոնների և իոնների փոխազդեցության բնույթով։ Էլեկտրոնների և իոնների շարժունության դիֆուզիայի գործակցի $(D)$-ի հետ կապված է Էյնշտեյնի բանաձևով՝ ${\frac {D}{\mu }}={\frac {kT}{e}}$ ($T$-ն լիցքավորված մասնիկների բացարձակ ջերմաստիճանն է, $k$-ն՝ Բոլցմանի հաստատունը, $e$-ն՝ էլեկտրոնի լիցքը)։

2. Լուծույթներում իոնների շարժունությունը՝ $U=Fu$, որտեղ $F$-ը Ֆարադեյի թիվն է, $u$–ն՝ իոնի արագությունը (սմ/վրկ–ով) 1 վ/սմ լարվածության դեպքում։ $U$–ի մեծությունը կախված է իոնի բնույթից, ինչպես նաև լուծույթի ջերմաստիճանից, դիէլեկտրիկ թափանցելիությունից, մածուցիկությունից և կոնցենտրացիայից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 35)։