Էլաֆոնիսի

Էլաֆոնիսի;
Տեսակ	կղզի
Երկիր	Հունաստան
Վարչատարածքային միավոր	Chania Regional Unit?
Մասն է	Կրետե
Երկարություն	1,5 կմ
Լայնություն	0,5 կմ
Մակերես	1,5 կմ²
Բնակչություն	0 մարդ

Էլաֆոնիսի (հուն․՝ Ελαφονήσι, թարգմանաբար՝ «եղջերուի կղզի»), Հունաստանին պատկանող անմարդաբնակ կղզի Միջերկրական ծովում^[1]^[2]^[3]։ Գտնվում է Կրետե կղզու հարավային ափին, վարչականորեն մտնում է Խանիայի նոմոսի կազմի մեջ։

Կղզին գտնվում է Կրետեի ափագծից ընդամենը 100 մետր հեռավորության վրա և ալիքների բացակայության դեպքերում Էլաֆոնիսիից Կրետե կարելի է հասնել գետանցով կամ լաստանավով։

Պատմություն[խմբագրել | խմբագրել կոդը]

Հունաստանում կղզին հայտնի է 1824 թվականի ապրիլի 24-ին տեղի ունեցած իրադարձությամբ։ Զատկի կիրակի օրը թուրքերը հարձակում են գործել տեղի հույն բնակչության վրա, որի արդյունքում զոհվել է ավելի քան 700 մարդ։ Մի քանի հարյուր մարդ էլ վաճառվել է ստրկության։

Ի հիշատակություն այս օրվա՝ կղզու ամենաբարձր կետում կանգնեցվել է մի հուշատախտակ, որը այցելուներին հիշեցնում է սգո օրվա մասին։

1907 թվականի փետրվարի 22-ին Էլաֆոնիսիի ափերի մոտ տեղի է ունեցել նավաբեկություն, որի արդյունքում ավստրիական արտադրության ուղևորատար զբոսաշրջային նավը խորտակվել է։ Զոհվել է 38 մարդ։

Վթարի վայրում կառուցվել է հուշահամալիր-փարոս, որի վրա խաչ է բարձրացվել։ Երկրորդ համաշխարհային պատերազմի ժամանակ փարոսը ավերվել է գերմանացի ֆաշիստների կողմից^[4]։