Էժենի Դերձակյան
Էժենի Դերձակյան | |
---|---|
Մասնագիտություն | նկարչուհի |
Էժենի Դերձակյան, ֆրանսիահայ նկարչուհի, որը ստեղծագործել է դիմանկարի ժանրում, ռեալիստական ուղղության ներկայացուցիչ։
Կենսագրություն[խմբագրել | խմբագրել կոդը]
Էժենի (Եվգինե) Դերձակյանը ծնվել է Պոլսում (ծննդյան թիվը հայտնի չէ)։ 1900 թվականին սովորել է Հայդելբերգում, ապա մեկ տարի հետո՝ Մյունխենի դեկորատիվ արվեստների դպրոցում՝ Ցիմմերմանի մոտ։ Այս տարիներին պարբերաբար մասնակցում է ցուցահանդեսներին՝ իր նկարած դիմանկարներով։ 1924 թվականին տեղափոխվում է Փարիզ, որտեղ էլ ապրում է մինչև կյանքի վերջը՝ 1939 թվականը։
Ստեղծագործություններ[խմբագրել | խմբագրել կոդը]
Դերձակյանը ռեալիստական ոճով ստեղծագործող նկարչուհի է։ Իր դիմանկարները ակադեմիական գիտելիքների ճշգրտությամբ են արված, հարազատ են դարի ռեալիստական ոգուն, կերպարները կոնկրետ են ու ճշմարտացի, օրինակ՝ «Տղամարդու դիմանկարը», որտեղ մարմնավորել է հայ խմբավարի կերպարը։
Աղբյուրներ[խմբագրել | խմբագրել կոդը]
- Եղիշե Մարտիկյան, Հայկական կերպարվեստի պատմություն, հատոր Դ, Երևան,1987