Էթնիկական խումբ

Էթնիկական խումբ, էթնիկական ընդհանրություն, մարդկանց՝ լեզվական և մշակութային ընդհանրություններ ունեցող խումբ։ Ժողովուրդները ձևավորվում են հիմնականում առանձին էթնիկական խմբերից։ էթնիկական խմբեր էին՝ հին հույները, հին սլավոնները, հին գերմանացիները, կելտերը և այլն։ Առանձին էթնիկական խմբեր են համարվում, օրինակ, Ռուսաստանի Դաշնության հյուսիսարևելյան մի շարք ազգություններ (չուկչիներ, կորյակներ, իտելմեններ և այլն)։ Որոշ դեպքերում էթնիկական խումբը համընկնում է ազգության կամ ցեղի հետ։ Առանձին էթնիկական խումբ են կազմում Ռուսաստանի, Կանադայի, Ալյասկայի և Գրենլանդիայի էսկիմոսները՝ միասին վերցրած։ Էթնիկական խմբի փոխարեն գործածվում է նաև «էթնոլեզվական խումբ» արտահայտությունը։:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 8)։