Էզիննե Օքփարաեբո

Էզիննե Օքփարաեբո
Անձնական տեղեկություն
Սեռ՝	իգական
Մասնագիտացում՝	վազորդ
Երկիր՝	Նորվեգիա և  Նիգերիա
Ծննդյան ամսաթիվ՝	մարտի 3, 1988(1988-03-03) (36 տարեկան)
Ծննդավայր՝	Owerri, Իմո, Նիգերիա
164 սանտիմետր
Քաշ՝	56 կիլոգրամ

Էզիննե Օքփարաեբո (նորվ.՝ Ezinne Okparaebo, մարտի 3, 1988(1988-03-03), Owerri, Իմո, Նիգերիա), նորվեգուհի աթլեթ, կարճ տարածությունների (60, 100 և 200 մետր) վազորդ։

Կենսագրություն

Օքփարաեբոն ծնվել է նիգերական Օվերի քաղաքում։ 9 տարեկան հասակում տեղափոխվել է Նորվեգիա և սկսել զբաղվել թեթև աթլետիկայով։

2005 թվականին նա դարձել է Նորվեգիայի 100 մետր վազքի հաղթող և սկսել կանոնավոր կերպով հանդես գալ թեթև աթլետիկայի միջազգային մրցումներում։ 2007 թվականին դարձել է անչափահասների Եվրոպայի չեմպիոն 100 մետր տարածությունում։ Էզիննե Օքփարաեբոն մասնակցել է 2008 թվականին Պեկինում անցկացված Ամառային Օլիմպիական խաղերի թեթև աթլետիկայի մրցումներին։ Առաջին մրցափուլում 11.32 վայրկյան տարբերությամբ զբաղեցրել է երկրորդ հորիզոնականը՝ զիջելով ճամայկացի վազորդուհի Քերոն Ստյուարդին։ Քառորդ եզրափակիչում Օքփարաեբոն 100 մետրը վազել է 11.45 վայրկյանում և զբաղեցնելով ընդամենը չորրորդ հորիզոնականը՝ դուրս մնալով հետագա մրցապայքարից։

2009 թվականին Թուրինում անցկացվող Եվրոպայի փակ տարածությունում թեթև աթլետիկայի առաջնությունում Էզիննեն 60 մետր տարածության վազքում նվաճել է արծաթե մեդալ։ 2010 թվականին Բարսելոնայում անցկացվող Եվրոպայի թեթև աթլետիկայի առաջնությունում 100 մետր տարածության վազքում զբաղեցրել է 4-րդ հորիզոնականը։ 2011 թվականին Օքփարաեբո Եվրոպայի թեթև աթլետիկայի առաջնությունում 60 մետր տարածության վազքի մրցապայքարում նվաճել է բրոնզե մեդալ։ 2012 թվականի մասնակցել է Լոնդոնում անցկացված օլիմպիական խաղերին և 100 ու 200 մետր տարածության վազքի մրցապայքարում նախընտրական փուլում դուրս մնացել պայքարից։

Մրցումներ

սպորտային նվաճումներն ըստ մրցաշարի և մրցանակային տեղի

Տարի	Մրցույթ	Հորիզոնական	Տեսակ	Ժամանակ	Տեղ
2006	Պատանիների աշխարհի առաջնություն	Պեկին, Չինաստան	100 մ	11,83	Կիսաեզրափակիչ
			200 մ	24,43	Որակավորման փուլ
2007	Եվրոպայի փակ տարածության առաջնություն	Բիրմինգհեմ, Մեծ Բրիտանիա	60 մ	7,33	Որակավորման փուլ
	Եվրոպայի թեթև աթլետիկայի անչափահասների առաջնություն	Հենգելո, Նիդերլանդներ	100 մ	11,45	1-ին
2008	Եվրոպայի փակ տարածության առաջնություն	Վալենսիա, Իսպանիա	60 մ	7,34	Կիսաեզրափակիչ
	Օլիմպիական խաղեր	Պեկին, Չինաստան	100 մ	11,45	Քառորդ եզրափակիչ
2009	Եվրոպայի փակ տարածության առաջնություն	Թուրին, Իտալիա	60 մ	7,21	2-րդ
	Աշխարհի առաջնություն	Բեռլին, Գերմանիա	100 մ	11,44	Քառորդ եզրափակիչ
2010	Եվրոպայի առաջնություն	Բարսելոնա, Իսպանիա	100 մ	11,23	4-րդ
	Միջմայրցամաքային գավաթ	Սպլիտ, Խորվաթիա	100 մ	11,37	5-րդ
2011	Եվրոպայի փակ տարածության առաջնություն	Փարիզ, Ֆրանսիա	60 մ	7,20	3-րդ
	Աշխարհի առաջնություն	Դեգու, Հարավային Կորեա	100 մ	11,48	Կիսաեզրափակիչ

Արտաքին հղումներ

• Էզիննե Օքփարաեբոյի օլիմպիական վիճակագրությունը: Արխիվացված 2017-07-08 Wayback Machine(անգլ.)

Վիքիպահեստն ունի նյութեր, որոնք վերաբերում են «Էզիննե Օքփարաեբո» հոդվածին։