Jump to content

Էդվարդ Բերգեր

Վիքիպեդիայից՝ ազատ հանրագիտարանից
Էդվարդ Բերգեր
գերմ.՝ Edward Berger
Դիմանկար
Ծնվել է1970[1]
ԾննդավայրՎոլֆսբուրգ, Ստորին Սաքսոնիա, Գերմանիայի Ֆեդերատիվ Հանրապետություն[2]
Քաղաքացիություն Շվեյցարիա
ԿրթությունԹիշչ արվեստի դպրոց[1]
Մասնագիտությունկինոռեժիսոր, սցենարիստ, կինոպրոդյուսեր և կինոսցենարիստ
Պարգևներ և
մրցանակներ
 Edward Berger Վիքիպահեստում

Էդվարդ Բերգեր (գերմ.՝ Edward Berger, 1970[1], Վոլֆսբուրգ, Ստորին Սաքսոնիա, Գերմանիայի Ֆեդերատիվ Հանրապետություն[2]), գերմանացի կինոռեժիսոր, սցենարիստ և կինոպրոդյուսեր, առավել հայտնի է 2022 թվականին նկարահանված «Արևմտյան ճակատում նորություն չկա» ֆիլմով, որը ստացել է «Օսկար» 4 անվանակարգում:

Կենսագրություն

[խմբագրել | խմբագրել կոդը]

Էդվարդ Բերգերը ծնվել է 1970 թվականին Վոլֆսբուրգում՝ Արևմտյան Գերմանիա։ Ավարտել է տեղական գիմնազիան, որից հետո ուսումը շարունակել է է Բրաունշվայգի Գեղարվեստի բարձրագույն դպրոցում (1990-1991) և Նյու Յորքի համալսարանում (1991-1994)[4]: Նյու Յորքում Բերգերը սկսել է նկարահանել կարճամետրաժ ֆիլմեր, որոնք մասնակցել են տարբեր կինոփառատոների։ Նա մասնակցել է Էնգ Լի և Թոդ Հեյնսի ֆիլմերի նկարահանումներին, դասախոսություններ է կարդացել և վարպետության դասեր անցկացրել Կոլումբիայի և Բեռլինի համալսարաններում, ինչպես նաև Պոտսդամի կինոդպրոցում[5]։

1998 թվականին Բերգերը նկարահանել է իր առաջին լիամետրաժ ֆիլմը՝ «Գոմեսը»։ 2000-ական թվականներին նա որպես սցենարիստ և ռեժիսոր մասնակցել է մի շարք նախագծերի գերմանական հեռուստատեսությունում։ 2012 թվականին Բերգերի «Լավագույն ամառ» ֆիլմը արժանացել է «Ադոլֆ Գրիմմի» մրցանակի։ 2014 թվականին նրա «Ջեք» ֆիլմը ստացել է «Գերմանական կինոմրցանակ»։ 2018 թվականին Բերգերը նկարահանել է ամերիկյան «Ահաբեկչություն» մինի սերիալի երեք էպիզոդ։ Նույն թվականին նա նկարահանել է Պատրիկ Մելրոուզ (հեռուստասերիալ)|«Պատրիկ Մելրոուզ» մինի սերիալը։

2022 թվականին էկրան է բարձրացել Բերգերի «Արևմտյան ճակատում նորություն չկա» (ֆիլմ)|«Արևմտյան ճակատում նորություն չկա» ֆիլմը՝ Էրիխ Մարիա Ռեմարկի համանուն վեպի էկրանավորումը։ Ֆիլմը ստացել է բարձր գնահատականներ քննադատներից ու լայն հանրությունից, իսկ նույն տարվա ընթացքում նա առաջադրվել է «Օսկարի» և շահել «BAFTA» մրցանակներ՝ «Լավագույն ֆիլմ», «Լավագույն ոչ անգլալեզու ֆիլմ», «Լավագույն ռեժիսորական աշխատանք» և «Լավագույն ադապտացված սցենար» անվանակարգերում[6][7]։

2025 թվականի փետրվարի 16-ին Լոնդոնում տեղի է ունեցած 78-րդ «BAFTA» մրցանակաբաշխության արարողության ժամանակ «Լավագույն ֆիլմ» անվանակարգում հաղթող է ճանաչվել Էդվարդ Բերգերի «Կոնկլավ» թրիլերը[8]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 filmportal.de — 2005.
  2. ↑ 2,0 2,1 2,2 Deutsche Nationalbibliothek Record #141966831 // Gemeinsame Normdatei (գերմ.) — 2012—2016.
  3. ↑ https://www.bafta.org/awards/film/director
  4. ↑ Edward Bergers Profil Արխիվացված 2017-08-04 Wayback Machine
  5. ↑ «Vita Edward Berger». Soup Film. Արխիվացված է օրիգինալից 2014-02-01-ին. Վերցված է 2014-01-20-ին.
  6. ↑ «Опубликованы шорт-листы претендентов на «Оскар»». www.film.ru. 2022-12-22. Արխիվացված օրիգինալից 2022-12-22-ին. Վերցված է 2022-12-22-ին.
  7. ↑ ««На западном фронте без перемен» стал триумфатором премии BAFTA». www.kinometro.ru (անգլերեն). Արխիվացված օրիգինալից 2023-02-20-ին. Վերցված է 2023-02-21-ին.
  8. ↑ film, Guardian (2025-02-16). «Baftas 2025: the full list of winners». The Guardian (բրիտանական անգլերեն). ISSN 0261-3077. Վերցված է 2025-02-17-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Էդվարդ Բերգեր» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Էդվարդ_Բերգեր&oldid=10520948» էջից