Էդուար Վյուար

Վիքիպեդիայից՝ ազատ հանրագիտարանից
Jump to navigation Jump to search
Էդուար Վյուար
ֆր.՝ Édouard Vuillard
Self-Portrait, Aged 21 A21192.jpg
Ծնվել էնոյեմբերի 11, 1868(1868-11-11)[1][2][3][…]
ԾննդավայրCuiseaux
Վախճանվել էհունիսի 21, 1940(1940-06-21)[1][2][3][…] (71 տարեկան)
Մահվան վայրLa Baule-Escoublac
ՔաղաքացիությունFlag of France.svg Ֆրանսիա[4][5]
ԿրթությունԿոնդորսե լիցեյ, Ժյուլիանի ակադեմիա և Փարիզի Գեղեցիկ արվեստների ազգային բարձրագույն դպրոց
Մասնագիտություննկարիչ, նկարիչ և լուսանկարիչ
ՈճՊոստիմպրեսիոնիզմ և ճապոնիզմ
Ժանրդիմապատկեր
Թեմաներգեղանկարչություն
Ուշագրավ աշխատանքներQ17490698?, After the snack? և The Seamstress?
ՈւսուցիչԺան Լեոն Ժերոմ
ԱշակերտներAugust Tørsleff?
ԱնդամակցությունԳրահրատարակչության ազգային կոմիտե և Գեղեցիկ արվեստների ակադեմիա
Édouard Vuillard Վիքիպահեստում

Ժան Էդուար Վյուար (ֆր.՝ Jean-Édouard Vuillard, նոյեմբերի 11, 1868(1868-11-11)[1][2][3][…], Cuiseaux - հունիսի 21, 1940(1940-06-21)[1][2][3][…], La Baule-Escoublac), ֆրանսիացի նկարիչ և սիմվոլիստ, Պիեռ Բոնարի, Դենի Մորիսի և Պոլ Սերյուզի հետ եղել է «Նաբի» խմբի անդամ:

Կենսագրություն[խմբագրել | խմբագրել կոդը]

Էդուար Վյուարը ծնվել է Կյուիզո փոքրիկ քաղաքում, Շվեցարիայի սահմանից ոչ հեռու, Յուրայի սարերում: Նրա հայրը` Օնար Վյուարը, եղել է ծովային կորպուսի կապիտան, բայց ժամանակին նկարչություն է սովորել Փարիզում: Նա մահացել է, երբ լրացել է նկարչի քսանամյակը: Դեռ մանկությունից Էդուարը գտնվել է կանանց` մոր, տատիկի և ավագ քրոջ ազդեցության տակ: Նրա ավագ եղբայրը` Ալեքսանդրը ընտրել է զինվորական կյանքը և շատ շուտ լքել է տունը: Իսկ Էդուարը մնացել է ընտանիքում և նրանց հետ միասին մեկնել է Փարիզ: Էդուարը մինչև վաթսուն տարեկանն ապրել է իր մայրիկի հետ` մինչև վերջինիս մահը: Նկարչի մայրը եղել է դերձակուհի և այդ իսկ պատճառով դեռ վաղ տարիքից Էդուարի աշխարհը պարուրված է եղել գործվածքներով և հագուստներով: Դա նրան դուր է եկել: Նա եղել է լռակյաց, համակրելի տղամարդ, սակայն հաճախ ճնշված են եղել զգացմունքները, որոնք պարտադրել են ստեղծագործական ելք, այդ իսկ պատճառով նա նախընտրել է ռազմական կյանքն արվեստից: Կոնդորսի լիցեյում, որտեղ սովորել է Դենի Մորիսի և իր քրոջ ամուսնու` Կեր Կսեվյե Ռուսելի հետ, նա հաստատ որոշել է նկարիչ դառնալ: Նա սկզբից ընդունվել է նկարչական դպրոց, որտեղ հանդիպել է Պիեռ Բոնարին, իսկ հետո ընդունվել է Ժյուլիանի ակադեմիա: Իսկ 1886 թվականին սովորել է Գեղեցիկ արվեստների դպրոցում և Ժյուլիանի ակադեմիայում: Դենի Մորիսի և Կեր Կսեվյե Ռուսելի հետ միասին ստեղծել է «Նաբի» խումբը, 1892 թվականին համագործակցել է «Ռեվյու բլանշ» սինվոլիկ ամսագրի հետ: Էդուար Վյուարը շատ է ճանապարհորդել, ուսումնասիրել և սովորել արվեստ եվրոպական տարբեր քաղաքներում, ինչպիսիք են` Վենետիկը, Ֆլորենցիան, Միլանը, Լոնդոնը: Մեկնել է նաև Իսպանիա, սակայն ամենաշատը սիրել է ամառն անց կացնել Նորմանդիի և Բրետանի աչքի չընկնող լանդշաֆտներում:

Ստեղծագործություն[խմբագրել | խմբագրել կոդը]

Նախ նկարել է XVII դարի հոլանդացի նկարիչների ու Ժ. Բ. Ս. Շարդենի ոճով` ժամանակի ընթացքում նկարների մեջ ավելի հաճախ իմրպեսիոնիզմի տարրեր ներառելով: Մեծ ազդեցություն է կրել Պոլ Գոգենից, Անրի դը Տուլուզ-Լոտրեկից և ճապոնական փորագրություններից: Նախ նա նկարել է միայն ներքին պատկերներ, այնուհետև կտավներում սկսել է պատկերել նաև կանանց: Աստիճանաբար նրա նկարներն ավելի ու ավելի մեծ չափեր են ընդունել` ի վերջո դառնալու պաննո: Միաժամանակ, Վյուարն նկարել է ժամանակի հայտնի բուրժուաների դիմանկարները, ինչը նրա համար գոյության միջոցներ է ապահովել: Այս ամբողջ ժամանակահատվածում նրա ստեղծագործությունը բավականաչափ ֆիգուրատիվ էր, բայց երբեմն հասնում էր աբստրակցիայի սահմանին: Վյուարի արվեստը, որն ընդգրկում է թեմաների նեղ շրջանակ, գրավիչ է ամենօրյա կյանքի թարմ անմիջականությամբ, նուրբ զգայականությամբ, կերպարների գունային և ռիթմիկ արտահայտչականությամբ, միմյանց հաջորդող թավ գույներով: Ավելի ուշ շրջանում նկարել է ազնվականների դիմանկարներ:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]