Էդուարդ Շախիկյան

Էդուարդ Շախիկյան;
Ծնվել է	սեպտեմբերի 21, 1950 (75 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Ջոն Կիրակոսյանի անվան թիվ 20 դպրոց (1969) և Երևանի պետական գեղարվեստա-թատերական ինստիտուտ (1978)
Ստեղծագործություն(ներ)	«Նարդի խաղացողը» քանդակ, Դրամի հուշարձան, Պատվո հուշարձան փրկության նվիրյալներին և Վարդգես Պետրոսյանի հուշարձան
Մասնագիտություն	քանդակագործ և երգիչ
Պարգևներ և ; մրցանակներ	և Հայաստանի վաստակավոր նկարիչ
	Eduard Shakhikyan Վիքիպահեստում

Էդուարդ Զավենի Շախիկյան (սեպտեմբերի 21, 1950(1950-09-21), Երևան, Հայկական ԽՍՀ, ԽՍՀՄ), քանդակագործ, երգիչ։ Հայաստանի վաստակավոր նկարիչ (2014)։ Հայաստանի նկարիչների միության անդամ (1988)։ 2000 թվականից երգում է Հովհաննես Չեքիջյանի ղեկավարած Ազգային պետական ակադեմիական երգչախմբում (բարիտոն)^[1]։

Կենսագրություն

1959-1969 թվականներին սովորել է Ջոն Կիրակոսյանի (նախկինում՝ Ֆելիքս Ձերժինսկու) անվան թիվ 20 դպրոցում։

1978 թ. ավարտել է Երևանի գեղարվեստաթատերական ինստիտուտի քանդակագործության ֆակուլտետը։

Քանդակագործությամբ զբաղվում է 1970 թվականից։

2010 թվականի սեպտեմբերին Հայաստանի Հանրապետության անկախության 19-ամյակի կապակցությամբ ՀՀ նախագահ Սերժ Սարգսյանի կողմից պարգևատրվել է Մովսես Խորենացու մեդալով^[2]։

Նրա արվեստին բնորոշ են ոճի և դեկորատիվ նուրբ զգացողությունը, պլաստիկան։ Նրա հետաքրքրասիրությունների ոլորտը բազմազան է. պատմական անցյալի տեսարանները զուգորդվում են ժամանակակիցների հոգեբանական դիմանկարների հետ։ Իր աշխատանքներից առավել գնահատում է ՀՀ կենտրոնական բանկի շենքի մոտ գտնվող հայկական դրամի հուշարձանը և Դրամատիկական թատրոնի առջև տեղադրված նարդի խաղացողի քանդակը^[3]։

Նրա աշխատանքներից շատերը պահվում են Հայաստանի, ԱՊՀ երկրների պատկերասրահներում, հատկապես՝ Մոսկվայի Տրետյակովյան պատկերասրահում, ԱՄՆ-ի, Իտալիայի, Շվեյցարիաի, Ֆրանսիայի, Հունաստանի, Ռուսաստանի, Ճապոնիայի, ԱՄՆ-ի, Կանադայի, Հունգարիայի, Էստոնիայի մասնավոր հավաքածուներում։ Աշխատանքներից մեկը, որը կոչվում է «Ազնավուր», գտնվում է աշխարհահռչակ երգիչ Շառլ Ազնավուրի հավաքածուում։

2001 թվականին Եվրախորհրդի շենքում (Ստրասբուրգ) տեղադրվել է Շախիկյանի «Թամադա» քանդակը։ Նույն թվականին ՀՀ նախագահ Ռոբերտ Քոչարյանը Հռոմի պապ Հովհաննես Պողոս II-ին նվիրել է նրա «Խորհրդավոր ընթրիք» աշխատանքը^[4]։

2013 թվականի սեպտեմբերի 4-ին ՀՀ արտակարգ իրավիճակների նախարարության շենքի բակում տեղադրվել է Շախիկյանի հեղինակած Պատվո հուշարձան փրկության նվիրյալներին արձանը^[5]։

Ցուցահանդեսներ

Մասնակցել է հանրապետական, համամիութենական, արտասահմանյան բազմաթիվ ցուցահանդեսների, հատկապես, բազմիցս՝ Համաշխարհային դանթեական բիենալեին (Իտալիա)։

Անհատական ցուցահանդես, 2002, Երևան, Նկարչի տուն
Անհատական ցուցահանդես, 2015, Երևան, Հայաստանի ճարտարապետների միություն^[6]

Ստեղծագործություններ

Վարդգես Պետրոսյանի հուշարձան (Աշտարակ, 2005)
Նարդի խաղացողը (Երևան, 2007)
Դրամի հուշարձան (Երևան, 2008)
Պատվո հուշարձան փրկության նվիրյալներին (Երևան, 2013)
Արաբոյի կիսանդրի, Ավան գյուղ, Արագածոտնի մարզ (ճարտարապետներ՝ Անդրանիկ Քասարյան, Տիգրան Բարսեղյան)^[7]

Պարգևներ, կոչումներ և մրցանակներ

Մովսես Խորենացու մեդալ (2010)^[8]։
Հայաստանի վաստակավոր նկարիչ (2014)^[9]։
Ֆլորենցիայում (Իտալիա) որակի և պրոֆեսիոնալիզմի համար խմբակային ոսկե մեդալ (1988)։
ՀՀ մշակույթի նախարարության ոսկե մեդալ^[10]

Մեջբերումներ Էդուարդ Շախիկյանից

Մտքիս ինչ գալիս է՝ այն եմ կերտում։ Ինձ ոգեշնչում է ընտանիքս։ Անկեղծ ասած՝ գիշերներն եմ մտորում նոր ստեղծագործության մասին և առավոտյան սկսում քանդակել այն։