Էդգար Վոոգ

Վիքիպեդիայից՝ ազատ հանրագիտարանից
Jump to navigation Jump to search

Էդգար Վոոգ (Woog) (1898-1973), շվեյցարական և միջազգային բանվորական շարժման գործիչ։ Մասնագիտությամբ գրադարանավար է։ 1916 թվականին մտել է Շվեյցարիայի սոցիալիստական երիտասարդության կազմակերպության մեջ։ 1919 թվականին մեկնել է Մեքսիկա, մասնակցել Մեքսիկայի կոմունիստական կուսակցության հիմնադրմանը (1919)։ Եղել է Կոմինտերնի III—V կոնգրեսների պատվիրակ, ԿԻԳԿ (1922 թ.-ից 1924 թվականներին) և ԿԻԴԿ ինտերնացիոնալ վերահսկիչ հանձնաժողովի (1924 թ.-ից 1928 թվականներին) անդամ։ 1928 թ.-ից 1935 թվականներին աշխատել է ԿԻԳԿ ապարատում։ 1935 թվականին վերադարձել է հայրենիք և ընդունվել Շվեյցարիայի կոմկուսի մեջ։ 1944 թվականին մասնակցել է Շվեյցարիայի աշխատանքի կուսակցության (ՇԱԿ) հիմնադրմանը։ 1944 թվականից եղել է ՇԱԿ ԿԿ և ԿԿ ղեկավարող կոմիտեի անդամ։ 1946 թվականից եղել է ՇԱԿ փոխնախագահ, 1949 թվականից՝ գլխավոր քարտուղար։ 1968 թվականի նոյեմբերից եղել է ՇԱԿ ԿՎՀ նախագահ։ 1947 թ.-ից 1955 թվականներին եղել է պառլամենտի դեպուտատ։