Jump to content

Էգլ

Վիքիպեդիայից՝ ազատ հանրագիտարանից
Բնակավայր
Էգլ
ֆրանսերեն՝ Aigle
Դրոշ Զինանշան

46°19′2.3″N 6°57′52.6″E / 46.317306°N 6.964611°E / 46.317306; 6.964611
ԵրկիրՇվեյցարիա Շվեյցարիա
ՀամայնքAigle District?
Մակերես16,41 կմ²
ԲԾՄ415 մետր, 418 մետր
Պաշտոնական լեզուֆրանսերեն
Բնակչություն▲11 752 մարդ (դեկտեմբերի 31, 2024)[1]
Ժամային գոտիUTC+1 և UTC+2
Հեռախոսային կոդ024
Փոստային դասիչ1860
Ավտոմոբիլային կոդVD
Պաշտոնական կայքaigle.ch​(ֆր.)
Էգլ (Շվեյցարիա)##
Էգլ (Շվեյցարիա)

Էգլ (ֆրանսերեն՝  Aigle, գերմ. Älen), քաղաք Շվեյցարիայում, ֆրանսախոս Վո կանտոնի արևելքում, նույնանուն (Էգլ) շրջանի վարչական կենտրոնը։ Այստեղ է գտնվում Հեծանվորդների համաշխարհային կենտրոնը (World Cycling Centre (UCI)):

Աշխարհագրություն

[խմբագրել | խմբագրել կոդը]

Էգլ քաղաքն ընկած է Շվեյցարիայի հարավ-արևմուտքում, Մոնտրյոյից 13 կիլոմետր դեպի հարավ-արևելք, Ռոն գետի հովտի արևլյան հատվածում։ Զբաղեցնում է 16,4 կմ² տարածք՝ ընդգրկելով Ռոնի գետահովտի ցածրադիր շրջանն ու Ալպերի հարակից լեռնափեշերը։ Տարածքի 24 %-ը զբաղեցնում են բնակավայրի շենքերը, փողոցներն ու հրապարակները, 38 %-ը՝ անտառները, 35 %-ը՝ մշակովի հողերը[2]։

Բնակչությունը

[խմբագրել | խմբագրել կոդը]

2017 թվականի դեկտեմբերի տվյալներով՝ Էգլում ապրում էր 10.131 մարդ, որոնց 37 տոկոսը օտարերկրացիներ էին[3]։

Քաղաքի բնակչության թվաքանակը ժամանակի ընթացքում կրել է հետևյալ փոփոխությունները[4]

Պատմություն

[խմբագրել | խմբագրել կոդը]

Հնագիտական պեղումների արդյունքում պարզվել է, որ Էգլի ներկայիս տարածքում ու մերձակայքում մարդիկ ապրել են՝ սկսած բրոնզեդարյան ժամանակներից։ Հին Հռոմի տիրապետության շրջանից պահպանվել են մի շարք դամբարանադաշտեր; 1076 թվականին Հռոմեական սրբազան կայսրության միապետ Հենրիխ Չորրորդը Էգլի շրջական հանձնել է Սավոյական ազնվականական տոհմին։ Էգլն ինքը պատմական փաստաթղթերում առաջին անգամ հիշատակվել է 1152 թվականին՝ որպես Aleo: XI դարի վերջերին այստեղ արդեն իշխել է ազնվականական դ՛Էգլ (d’Aigle) տոհմը, որն էլ ձեռնարկել է ամրոցի շինարարությունը։ Միջին դարերում Էգլը եղել է առևտրական հարուստ քաղաք Իտալիա-Ֆրանսիա ճանապարհին։

Պատմամշակութային հուշարձաններ

[խմբագրել | խմբագրել կոդը]

Էգլի ամրոցը, De La Vigne թանգարանը, շվեյցարական ռեֆորմիստական Սեն Մորիս եկեղեցին և De la Dîme House-ը ընդգրկված են Շվեյցարիայի համազգային նշանակության պատմամշակութային ժառանգության ցանկում։ Ինքը՝ Էգլ քաղաքն ամբողջությամբ և նրա միջնադարյան ամրոցը ներառված են Շվեյցարական ժառանգության գույքացանկում[5]

Անվանի էգլցիներ

[խմբագրել | խմբագրել կոդը]
Գուստավ Դորե
  • Գուստավ Դորե (1866 – 1943) - շվեյցարացի կոմպոզիտոր և դիրիժոր
  • Շառլ Էմիլ Էգլի (1877 – 1937) - ծնունդով շվեյցարացի նկարիչ
  • Ֆաննի Սմիթ (ծնվ. 1992 թ., Էգլում) - շվեյցարացի ֆրիսթայլ ոճի դահուկորդուհի, մասնակցել է 2010, 2014 and 2018 թվականների ձմեռային օլիմպիական խաղերին, նվաճել բրոնզե մեդալ

Քույր քաղաքներ

[խմբագրել | խմբագրել կոդը]

Էգլի քույր քաղաքներն են[6]՝

Ֆրանսիա Էգլ, Ֆրանսիա, 1964-ից

Շվեյցարիա Բասսերսդորֆ, Շվեյցարիա, 1969-ից

Գերմանիա Տյուբինգեն, Գերմանիա, 1973-ից

Ծանոթագրություններ

[խմբագրել | խմբագրել կոդը]
  1. ↑ Bilanz der ständigen Wohnbevölkerung nach Bezirken und Gemeinden, 1991-2024 - 1991-2024 | Daten - Tabelle (գերմ.) — 2025.
  2. ↑ Swiss Federal Statistical Office-Land Use Statistics 2009 data (գերմ.) accessed 25 March 2010
  3. ↑ Swiss Federal Statistical Office - Superweb database - Gemeinde Statistics 1981-2008 Արխիվացված 28 Հունիս 2010 Wayback Machine (գերմ.) accessed 19 June 2010
  4. ↑ Swiss Federal Statistical Office STAT-TAB Bevölkerungsentwicklung nach Region, 1850-2000 Արխիվացված 30 Սեպտեմբեր 2014 Wayback Machine (գերմ.) accessed 29 January 2011
  5. ↑ «Kantonsliste A-Objekte». KGS Inventar (German). Federal Office of Civil Protection. 2009. Արխիվացված է օրիգինալից 2010 թ․ հունիսի 28-ին. Վերցված է 2011 թ․ ապրիլի 25-ին.{{cite web}}: CS1 սպաս․ չճանաչված լեզու (link)
  6. ↑ «Jumelage» (French). Commune d'Aigle. Վերցված է 2015 թ․ հոկտեմբերի 13-ին.{{cite web}}: CS1 սպաս․ չճանաչված լեզու (link)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Էգլ» հոդվածին։
Ստացված է «https://hy.wikipedia.org/w/index.php?title=Էգլ&oldid=9749719» էջից