Էբո Նոյ
| Էբո Նոյ | |
|---|---|
| Քաղաքացիություն |  Գանա |
| Ազգություն | գանացի |
| Մայրենի լեզու | անգլերեն |
| Կրոն | քրիստոնեություն |
Էբո Նոյ[1] (անգլ.՝ Ebo Noah), Էբո Հիսուս կամ պարզապես Նոյ[2] (իրական անունը՝ Էվանս Էշուն[3][4]), Գանացի ինքնահռչակ մարգարե և սոցիալական լրատվամիջոցների դեմք, որը միջազգային ուշադրություն է գրավել 2025 թվականին աղետալի համաշխարհային ջրհեղեղի կանխատեսումով[5]։ Նա հայտնի է դարձել փայտից մեծ նավեր կառուցելու և աստվածային հայտնություն մասին պնդումով, որը զգալի առցանց հետաքրքրություն և տեղական վեճեր է առաջացրել[6][7][8][9]։
Նախապատմություն
[խմբագրել | խմբագրել կոդը]Էբո Նոյը 30-ին մոտ Գանացի տղամարդ է, որ առաջին անգամ լայն ուշադրություն է գրավել 2025 թվականի կեսերին, երբ տեսանյութեր է հրապարակել սոցիալական մեդիայի հարթակներում, ներառյալ Ինստագրամում, ՏիկՏոկում և ՅուԹյուբում: Այս տեսանյութերում նա պնդել է, որ Աստված հայտնել է իրեն, որ համաշխարհային ջրհեղեղ կսկսվի 2025 թվականի դեկտեմբերի 25-ին (Սուրբ Ծննդի օրը) և տևելու է մի քանի տարի, հեղեղելու է Երկիրը։ Էբո Նոյը նկարագրել է դա, որպես աստվածաշնչյան ջրհեղեղ: Նա ասել է, որ Աստված հրահանգ է տվել իրեն կառուցել բազմաթիվ փայտե «տապաններ»՝ նման Նոյի աստվածաշնչյան տապանին[10]՝ հավատացյալներին և անհրաժեշտ կենդանիներին սպասվող աղետից փրկելու համար: Նա փաստագրել է այդ նավերի կառուցումը Գանայի կայքերում, հաճախ աշխատել է տեղական ձկնորսների և հետևորդների հետ դրանք կառուցելու համար[11]:
Աշխարհի վերջի կանխատեսում և հանրային արձագանք
[խմբագրել | խմբագրել կոդը]Նրա պնդումների համաձայն, շարունակական անձրևը սկսվելու էր 2025 թվականի դեկտեմբերի 25-ին և շարունակվելու էր երեքից չորս տարի, ինչի արդյունքում ամբողջ աշխարհում ջրհեղեղ էր լինելու: Հազարավոր հետևորդներ, ըստ տեղեկությունների, մեկնել են Գանայի Էլմինա և այլ տարածքներ՝ նախապատրաստվելով տապան մտնելու[12]։
Նրա կանխատեսումները խառնաշփոթ արձագանքներ են առաջացրել. որոշ հետորևդներ լուրջ հավատացել են և պատրաստվել, մինչդեռ շատ դիտորդներ կասկածի տակ են առել այդ հայտարարությունները կամ ծաղրել են: Պատմությունը դարձել է վիրուսային թեմա ամբողջ աշխարհում լրատվամիջոցների և սոցիալական մեդիայի հարթակներում, նրա պնդումների իրական լինելու, պոտենցիալ հոգեբանական և սոցիալական ազդեցությունների շուրջ քննարկումներ[11]։
Մարգարեության հետաձգում և բացասական արձագանք
[խմբագրել | խմբագրել կոդը]Երբ կանխատեսված ջրհեղեղը տեղի չի ունեցել 2025 թվականի դեկտեմբերի 25-ին, Էբոն հայտարարել է, որ իրադարձությունը «հետաձգվել է» իր աղոթքների շնորհիվ և աստծո կամքով, նշելով, որ Աստված մարդկությանը ավելի շատ ժամանակ է տվել և որ ավելի շատ տապաններ են անհրաժեշտ: Նա իր հետևորդներին կոչ է արել չվախենալ և շարունակել է ներկայացնել իրեն որպես նոր իրատես։ Ձախողումը լայն քննադատություն է առաջացրել: Զեկույցները են հայտնվել, որ Էբոն օգտագործելով հետևորդների նվիրաբերված միջոցները,, գնել է մոտավորապես 100,000 դոլար արժողությամբ շքեղ Մերսեդես-Բենց, ինչը հարցեր և վեճեր է առաջացրել իր ֆինանսների և մտադրությունների վերաբերյալ[12]:
Ըստ հաղորդումների, որոշ հիասթափված անհատներ բացասական են արձագանքել, առնվազն մեկ դեպք է տեղի ունեցել, երբ հետևորդները զայրացած այրել են տապանը՝ չկատարված մարգարեության պատճառով[13]։
Հանրային և լրատվական անդրադարձ
[խմբագրել | խմբագրել կոդը]Էբո Նոյի մասին լրատվամիջոցներում տարածվել է տեղեկատվություն՝ սկսած նրա պնդումների և գործունեության մասին ուղղակի հաղորդագրությունից մինչև ավելի քննադատական մեկնաբանություններ, որոնք մարգարեությունը նկարագրել են որպես վախի մղում կամ խաբեություն: Նրա պատմությունը հղվել են սխալ տեղեկատվության, դատաստանի օրվա կանխատեսումների և սոցիալական ցանցերում վիրուսային կրոնական բովանդակության ազդեցության վերաբերյալ քննարկումներում[14]։
Ձերբակալություն
[խմբագրել | խմբագրել կոդը]2025 թվականի դեկտեմբերի 31-ին Էբո Նոյը ձերբակալել է Գանայի ոստիկանությունը։ Ձերբակալությունը կատարել է Ոստիկանության գլխավոր տեսուչի կիբերհսկողության հատուկ խումբը՝ կիբերհանցագործությունների, մասնավորապես՝ Նոր տարվա նախօրեի կրոնական արարողությունների նախապատրաստման շրջանակներում, մոնիթորինգի և դրանց դեմ պայքարի ջանքերի շրջանակներում[15]։
Ծանոթագրություններ
[խմբագրել | խմբագրել կոդը]- ↑ «Ghanaian Noah postpones his ark project after global floods fail to happen on Christmas day». The Tanzania Times.
- ↑ Ntoutoume, Loic (2025-12-11). «Ghana : Ebo Noah construit son arche et annonce le déluge du 25 décembre 2025». Gabonreview.com | Actualité du Gabon | (ֆրանսերեն). Վերցված է 2026-01-03-ին.
- ↑ «Le «prophète» Ebo Noah arrêté au Ghana après sa prophétie apocalyptique manquée».
- ↑ «Ghana : le prophète Ebo Noah interpellé après l'annonce d'une prétendue fin du monde - LePotentiel».
- ↑ «World Ending On December 25? Viral Ghanaian 'Prophet' Ebo Noah Builds Modern Noah's Ark For Biblical Christmas Flood». Times Now World.
- ↑ «who is prophet ebo Noah and why are so many following him». The Indian Express.
- ↑ «World Ending On December 25? Ghanaian Man Builds Arks Ahead Of Christmas Flood Prophecy». Arab Times Kuwait.
- ↑ «Ebo Noah makes surprise appearance at Sarkodie's Rapperholic concert». Modern Ghana.
- ↑ «মহাপ্লাবনে ভেসে যাবে পৃথিবী, সভ্যতা বাঁচাতে তৈরি জাহাজও! 'ভবিষ্যদ্বাণী' পিছিয়ে ৮০ লক্ষের গাড়ি কিনলেন এ যুগের নোয়া». আনন্দবাজার পত্রিকা (Bengali).
- ↑ «Noah's ark is ready». mid day.
- 1 2 «Biblical covenant broken? Ghanaian man builds modern-day Noah's ark, warns of 2025 Christmas flood». Times Entertainment.
- 1 2 «World Ending On December 25? Viral Ghanaian 'Prophet' Ebo Noah Builds Modern Noah's Ark For Biblical Christmas Flood». Times Now World.
- ↑ «Marah Ramalan 'Kiamat' Meleset, Pengikut 'Nabi Nuh' asal Ghana Bakar Bahtera». Disway Malang. Վերցված է 2025-12-31-ին.
- ↑ «Viral Video Claims A 'Noah's Ark Of Doom' Is Being Built In Ghana Ahead Of A 3-Year Flood — Real Or AI Hoax?». International Business Times Uk.
- ↑ «World Ending On December 25? Viral Ghanaian 'Prophet' Ebo Noah Builds Modern Noah's Ark For Biblical Christmas Flood». Times Now World.