Զուրաբ Զվիադաուրի

Վիքիպեդիայից՝ ազատ հանրագիտարանից
Jump to navigation Jump to search
Զուրաբ Զվիադաուրի
Zviadauri.jpg
Անձնական տեղեկություն
Սեռ`արական
Ամբողջական անուն`վրաց.՝ ზურაბ ზვიადაური
Ազգություն`վրացի
Մասնագիտացում`ձյուդոիստ
Երկիր`Flag of Georgia.svg Վրաստան
Ծննդյան ամսաթիվ`հուլիսի 2, 1981 (38 տարեկան)
Ծննդավայր`Խորհրդային Սոցիալիստական Հանրապետությունների Միություն ԽՍՀՄ Խևսուրեթի, Վրացական ԽՍՀ ԽՍՀՄ

Զուրաբ Զվիադաուրի (վրաց.՝ ზურაბ ზვიადაური, ծնվել է՝ 2 հուլիսի, 1981, Խևսուրեթի, Վրացական ԽՍՀ), վրացի ձյուդոիստ, 2004 թվականի օլիմպիական չեմպիոն մինչև 90 կգ քաշային կարգում[1][2], 2001 և 2003 թվականների աշխարհի առաջնությունների արծաթե մեդալակիր, 2002 թվականի Եվրոպայի առաջնության բրոնզե մեդալակիր[3]:

2004 թվականին Աթենքում անցկացվող Ամառային օլիմիպիական խաղերի ժամանակ Զուրաբ Զվիադաուրին դարձավ անկախ Վրաստանի առաջին օլիմպիական չեմպիոնը։ Նույն օլիմպիադայում՝ Զուրաբ Զվիադաուրիից երեք օր անց, երկրորդ ոսկե մեդալը վաստակեց ծանրամարտիկ Գեորգի Ասանիձեն։

Զուրաբ Զվիադաուրիի զարմիկը՝ Ժարջի Զվիադաուրին (ծնվել է 1986 թվականին), ով Հունաստան տեղափոխվելուց հետո հանդես է գալիս Իլիաս Իլիադիս անվամբ, նույնպես Աթենքում դարձել է ձյուդոյի օլիմպիական չեմպիոն մինչև 81 կգ քաշային կարգում, ընդ որում, այդ ժամանակ նա պաշտոնապես ընդամենը 17 տարեկան էր։

Զուրաբ Զվիադաուրին մասնակցել է ընդհանուր մենամարտերի՝ պայմանագիր կնքելով ճապոնական "World Victory Road" կազմակերպության հետ[4]:

2013 թվականից Վրաստանի խորհրդարանի 5-րդ նստաշրջանի պատգամավոր է «Դեմոկրատական Վրաստան» («Վրացական երազանք») կուսակցության կողմից, շրջակա միջավայրի ու բնական պաշարների պահպանման հանձնաժողովի նախագահն է[5]:

Ծանոթագրություններ[խմբագրել | խմբագրել կոդը]