Զոլոտարյովի տուն (Տագանրոգ)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Զոլոտարյովի տուն
ТАГАНРОГ, пер. Итальянский, 20, фото DSC06288.JPG
Տեսակտեսարժանություն և ՌԴ մշակութային ժառանգության օբյեկտ
ԵրկիրFlag of Russia.svg Ռուսաստան
ՏեղագրությունՏագանրոգ
Առաջին հիշատակում1860
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 47°12′43.000000098402″ հս․ լ. 38°55′47.00000009919″ ավ. ե. / 47.21194444447177574° հս․. լ. 38.9297222222497723° ավ. ե. / 47.21194444447177574; 38.9297222222497723

Զոլոտարյովի տուն (ռուս.՝ Дом Золотарёва), XIX դարի երկրորդ կեսի[1] ճարտարապետության հուշարձան Ռուսաստանի Ռոստովի մարզի Տագանրոգ քաղաքում։ Գտնվում է Իտալական նրբանցք, 20 հասցեում[2]։

Պատմություն[խմբագրել | խմբագրել կոդը]

XIX դարի երկրորդ կեսին Տագանրոգի Իտալական նրբանցք, 20 հասցեում կառուցվել է մեկհարկանի առանձնատուն էկլեկտիզմի ոճով, որը մի քանի տասնամյակների ընթացքում փոխել է մի շարք սեփականատերերի։ 1860-ական թվականների վերջում տունը պատկանել է հույն Դմիտրի Պապանագիոտիի ժառանգներին[3]։ 1873-1880 թվականներին այն եղել է Տագանրոգի բնակիչ Խաջիևի սեփականությունը[2]։ 1880-ական թվականների վերջում տունը գնել է Ելենա Չանգլի-Չայկինան, իսկ նրա հարազատները տան սեփականատեր են եղել մինչև 1890-ական թվականները։ Հետագա սեփականատերերի մասին տվյալները տարբեր են։ Որոշ աղբյուրներ վկայում են, որ 1890-ական թվականների կեսերից հետո տունը գնել են I գիլդիայի վաճառական Ֆեոդոր Պավլովիչ Սիֆնեոյի ժառանգները[3]։ Այլ տվյալներով` տանը 1890-1898 թվականներին ապրել է Ն. Գ. Դիվարիսը[2]։

XX դարի սկզբին վերոնշյալ տան սեփականատեր է դարձել Ալեքսանդր Սերգեևիչ Զոլոտարյովը, որի ազգանունով էլ առանձնատունը սկսեցին կոչել Տագանրոգում։ Այս սեփականատիրոջ մասին շատ բան հայտնի չէ. նա ծնվել է 1869 թվականին, եղել է իրավաբան և հասարակական գործիչ, աշխատել է «Տագանրոգսկի վեստնիկ» թերթում։ Քաղաքի հասարակական կյանքում նա հիշվել է որպես Անտոն Պավլովիչ Չեխովի անվան թանգարանը և գրադարանը կառուցելու հակառակորդ[2]։

1911 թվականին շենքում աշխատել է նորաձևության ամսագրերի և մանեքենների գրասենյակը, այստեղ կարվել է հագուստ, պատրաստվել են ձևվածքներ։ Կազմակերպվել են կարուձևի դասընթացներ։

1912 թվականին շինության մի մասը վարձակալությամբ հանձնվել է կոլեգիական ասեսոր Ալեքսեյ Նիկոլևիչ Բեկլեմիշևին։ 1915 թվականին տունը գնահատվել է 12 հազար ռուբլի[3]։ 1920-ական թվականներին տունը պետականացվել է։

1992 թվականից շինությունը պաշտպանվում է օրենքով և համարվում է ճարտարապետության հուշարձան[1]։

Նկարագրություն[խմբագրել | խմբագրել կոդը]

Քարե տան ճակատը զարդարված է այն ժամանակների եվրոպական ճարտարապետության ոճի ծեփվածներով։ Մուտքի դռների վերևում գտնվում են մետաղական հովարներ[2]։ Տունը կառուցվել է էկլեկտիզմի ոճով, համատեղում է բարոկկոյի, կլասիցիզմի, մավրիտանական և ռոմանական ճարտարապետության տարրեր[4]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Жилой дом. Комплекс застройки улицы
  2. 2,0 2,1 2,2 2,3 2,4 Энциклопедия Таганрога
  3. 3,0 3,1 3,2 Гаврюшкин О. П. Г12 «По старой Греческой…» (Хроника обывательской жизни) — Т.: ООО «Издательство „Лукоморье“», 2012. — 514 с. — ISBN — 5-901565-15-0
  4. Дом 20