Զնդան (գործիք)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Զնդան (այլ կիրառումներ)
Դարբինը մուրճով և զնդանով աշխատելիս
Զնդան

Զնդան, դարբնի հիմքային գործիք է, որի վրա պլաստիկ դեֆորմացիայի մեթոդով մետաղները սառը և ջերմային մշակման են ենթարկվում։ Այն դարբնի հիմնական գործիքներից մեկն է։ Զնդանը իրենից ներկայացնում է կոշտ ու հարթ մակերեսով մետաղյա կոճղ, որի վրա այլ առարկային են հարվածում։ Քանի որ զնդանը բավականին ծավալուն գործիք է, այն սովորաբար անշարժ տեղադրվում և ձգվում է փայտե կոճղի վրա։ Որակյալ զնդանների վրա աշխատելիս մուրճի հարվածի էներգիան պետք է գրեթե նույնչափ էներգիայով ետաթռիչք ապահովի, այսպիսով դարբնի գործը զգալիորեն հեշտացնելով և պակաս ուժ պահանջելով։

Նյութը և քաշը[խմբագրել | խմբագրել կոդը]

Ժամանակակից զնդանների մեծ մասը արտադրվում է ջերմային մշակումն անցած, կռած պողպատից (այն ավելի ամուր է)։ Էժանագին զնդանները արտադրվում են թուջից և ցածրորակ պողպատից, բայց համարվում են ոչ պիտանի լուրջ օգտագործման համար, քանի որ նրանք դեֆորմացվում են օգտագործման ընթացքում և հարվածող գործիքի ետաթռիչք չեն ապահովում։

Դարբնի զնդանները, որոնց վրա ձեռքով են աշխատում, կախված չափսից, կշռում են 30-300 կգ.: Հսկայական մեխանիկական կռաննների 12 տոննայանոց մուրճի օգտագործման դեպքում զնդանի քաշը կարող է հասնել 800 տոննայի, որոնք տեղադրվում են բետոնե հիմքի վրա։

Կառուցվածք[խմբագրել | խմբագրել կոդը]

Տարբեր կառուցվածք ունեցող զնդանների հիմնական տարրերն են՝

  • Կոտոշը
  • Հերյունի և հատիչի անցքերը
  • Հարթ երեսը
  • «Ոտքերով» հիմքը