Զինված բախում Ֆիզուլիում (2014)

Վիքիպեդիայից՝ ազատ հանրագիտարանից
Jump to navigation Jump to search
Զինված բախում Ֆիզուլիում
Լեռնային Ղարաբաղի հակամարտություն
Թվական 2014 թվականի մայիսի 28
Վայր Արցախի Հանրապետություն Արցախի Հանրապետություն, Ֆիզուլիի շրջան/Ադրբեջան Ադրբեջան
Արդյունք
Հակառակորդներ
Արցախի Հանրապետություն Արցախի Հանրապետություն Ադրբեջան Ադրբեջան
Հրամանատարներ
ավ. լ-տ Անդրանիկ Քոչարյան Ֆիքրեթ Ակիֆ օղլու Մամեդով
Ռազմական կորուստներ
Արցախի Հանրապետություն ԱՀ
  • 1 զոհ
Ադրբեջան Ադրբեջան
  • 2 զոհ

Զինված բախում Ֆիզուլիում, ռազմական բախում Ադրբեջանի և ԼՂՀ Զինված ուժերի միջև։ Բախումը տեղի է ունեցել 2014 թվականի մայիսի 27-ի լույս 28-ի գիշերը ժամը 02:30-ին Ֆիզուլիի շրջանում՝ հակամարտ ուժերի շփման գծում։ Համաձայն հայկական և ադրբեջանական կողմերի տվյալների, բախումը տեղի է ունեցել հակառակորդ կողմի ձեռնարկած դիվերսիոն ներթափանցման փորձի արդյունքում։

Իրադարձությունների ժամանակագրություն[խմբագրել | խմբագրել կոդը]

2014 թվականի մայիսի 27-ի լույս 28-ի գիշերը ժամը 02:30-ին հակամարտ ուժերի շփման գծի հարավային հատվածում տեղի է ունեցել զինված բախում։ Բախման արդյունքում երկու կողմերն էլ ունեցել են կորուստներ։ Ադրբեջանական կողմը ունեցել է երկու զոհ՝ կապիտան Ֆիքրեթ Մամեդովը և ենթասպա Խուդավերդի Աբիլովը։ ԼՂՀ կողմից զոհվել է եֆրեյտոր Էրիկ Գասպարյանը[1]։ Համաձայն հայկական աղբյուրների, ադրբեջանական կողմը իրականացրել է դիվերսիոն ներթափանցման փորձ։ ՊԲ մամուլի ծառայության համաձայն, ՊԲ առաջապահ ստորաբաժանումների ձեռնարկած համապատասխան գործողությունների արդյունքում հակառակորդը հետ է շպրտվել[2]։ Դիրքի ավագ կրտսեր սերժանտ Սերգեյ Գրիգորյանը և ավագ սերժանտ Նարեկ Վասիլյանը արժանացել են «Մարտական ծառայություն», «Գարեգին Նժդեհ» մեդալների, իսկ ավագ լեյտենանտ Անդրանիկ Քոչարյանը՝ «Արիության մեդալով» և «Մարտական ծառայություն I աստիճանի մեդալով»։

Ադրբեջանի ՊՆ-ն տարածել էր հայտարարություն, թե իբր հայկական կողմը հարձակվել է ադրբեջանական հենակետի վրա[3]։ Ի պատասխան այդ մեղադրանքներին, ՊՆ մամլո խոսնակ Արծրուն Հովհաննիսյանը հայտարարել է[4].

Որտեղ եք դուք տեսել, որ սահմանները պահեն կապիտանները և կրտսեր սպաները, իսկ շարքային զինծառայողները հարձակվեն որպես դիվերսանտներ:

Հայկական կողմը որպես ապացույց նշում է ադրբեջանական կողմի զոհվածների տարիքը և կոչումները՝ մեղադրելով Ադրբեջանին դիվերսիոն ներթափանցման համար[4]։ Բացի այդ հայկական ԶԼՄ-ները հավելում են, որ Ֆիքրեթ Մամեդովի թաղման արարողության նկարի վրա Մամեդովը պատկերված է եղել հատուկ նշանակության զորքերի տոնական համազգեստով[5] և տարբերանշաններով։ Ադրբեջանական կողմն էլ նշել է, որ Մամեդովը եղել է մոտոհրաձգային դասակի հրամանատար[6]։

Կորուստներ[խմբագրել | խմբագրել կոդը]

Լեռնային Ղարաբաղի զինված ուժեր

  • եֆրեյտոր Էրիկ Գասպարյան (ծնված 1995 թվականին)

Ադրբեջանի զինված ուժեր

  • կապիտան Մամեդով Ֆիքրեթ Ակիֆ օղլու (ծնված 1982 թվականին)։ Հետմահու ստացել է «Արիության մեդալ»[3]։ Թաղված է Բաքվի Շեհիդների պուրակում[6]։
  • ենթասպա Աբիլով Խուդավերդի Ֆարհադ օղլու (ծնված 1991 թվականին)։ Հետմահու ստացել է «Մարտական ծառայության համար III աստիճանի մեդալով»[3]։

Վիրավորներ[խմբագրել | խմբագրել կոդը]

Ադրբեջանի ԶՈւ

  • շարքային Միրզազադե Մեհման Դադաշբալա օղլու (ծնված 1994 թվականին)[3][7]։

Ծանոթագրություններ[խմբագրել | խմբագրել կոդը]

  1. «Попытка диверсии на линии соприкосновения войск в зоне карабахского конфликта: есть жертвы»։ ИА REGNUM։ 2014-05-28։ Արխիվացված է օրիգինալից 2014-06-01-ին։ Վերցված է 2014-06-04 [1] Archived 2014-06-06 at the Wayback Machine.
  2. Հակառակորդի դիվերսիան հետ մղելիս ՊԲ զինծառայող է զոհվել
  3. 3,0 3,1 3,2 3,3 «Армянская разведывательно-диверсионная группа атаковала пост азербайджанской армии на передней линии фронта»։ APA։ 2014-05-28։ Արխիվացված է օրիգինալից 2014-06-06-ին։ Վերցված է 2014-06-04  [2] Archived 2014-06-07 at the Wayback Machine.
  4. 4,0 4,1 «Որտե՞ղ կարելի է տեսնել դեպք, երբ շարքայինները հարձակվում են որպես դիվերսանտ. Արծրուն Հովհաննիսյանը՝ Զաքիր Հասանովին»։ tert.am։ 2014-05-29։ Արխիվացված է օրիգինալից 2014-12-22-ին։ Վերցված է 2014-06-04 
  5. Л. Мелик-Шахназарян (2014-05-30)։ «Саморазоблачение министерства обороны Азербайджана»։ voskanapat.info։ Վերցված է 2014-06-04 [3] Archived 2014-06-07 at the Wayback Machine.
  6. 6,0 6,1 «Ставший шехидом офицер ВС Азербайджана Фикрет Мамедов похоронен на II Аллее Шехидов»։ Արխիվացված է օրիգինալից 2014-06-06-ին։ Վերցված է 2017-02-14 
  7. На линии фронта пресечена вооруженная провокация армянских ВС, есть погибшие и раненый