Զևգմայի խճանկարի թանգարան
Զևգմայի խճանկարի թանգարան | |
|---|---|
 | |
| Տեսակ | թանգարան |
| Երկիր |  Թուրքիա |
| Տեղագրություն | Այնթապ և Շեհիթքամիլ |
| Ղեկավարության նստավայր | Այնթապ, Թուրքիա |
| Հիմնադրվել է | 2011 |
| Կայք | zeugma.org.tr |
Զևգմայի խճանկարի թանգարան (թուրքերեն՝ Zeugma Mozaik Müzesi), անտիկ Զևգմա քաղաքի խճանկարի թանգարան, որը գտնվում է Թուրքիայի Գազիանթեփ քաղաքում։ Թանգարանը ունի մոտ 1700 մետր երկարություն ունեցող խճանկարային գեղանկարների հավաքածու2։ Բացվել է 2011 թվականի սեպտեմբերի 9-ին։
Թանգարանի հիմքում ընկած են Զևգմա քաղաքի պեղումներից հայտնաբերված գտածոները, հատկապես խճանկարները, որոնք հայտնաբերվել են Բիրեջիք ամբարտակի կառուցման ժամանակ։
Պատմություն[խմբագրել | խմբագրել կոդը]
Զևգմայի տարածքում առաջին բնակավայրը եղել է մ.թ.ա. III դարում։ Այն հիմնադրել է Սելևկիոս I Նիկատորը («Հաղթող»), ով եղել է Ալեքսանդր Մակեդոնացու զորավարներից մեկը։ Բնակավայրը կոչվել Սելևկիոս։ Մ.թ.ա. 64 թվականին հռոմեացիները գրավել են բնակավայրը և վերանվանել Զևգմա, ինչը հին հունարեն նշանակում է կամուրջ կամ անցում։ Սելևկյանների կայսրության անկումից հետո, հռոմեացիները Զևգմայի տարածքը միացրել են Կոմմագենեի թագավոր Անտիոքոս I Թեոսի տարածքին։
Հետագայում Զևգմայում տեղակայված են եղել հռոմեական երկու լեգիոններ։ Բնակավայրի բնակչությունը կազմել է 20- 30 հազար մարդ։ 253 թվականին քաղաքի վրա հարձակվել են Սասանյանները՝ շքեղ առանձնատները վերածելով ավերակների։
1980-ական թվականներին նախատեսվում էր Թուրքիայի հարավային շրջանները ապահովել խմելու մշտական ջրով և էներգիայով՝ ամբարտակի կառուցման միջոցով։ Մտավախություն կար, որ ձախողման արդյունքում անտիկ քաղաքի հիմնական մասը և խճանկարները կարող էին հայտնվել ջրի տակ[1][2] [3]: Ամբարտակի կառուցումը սկսվել է 1996 թվականին, սակայն մինչ այդ Զեվգմայում կատարվել են հնագիտական լայնամասշտաբ հետազոտություններ։ Բոլոր գտածոները հավաքվել են Գազիանթեփի թանգարանում։ 2008 թվականին սկսվել է նոր թանգարանի կառուցման աշխատանքները։ 2011 թվականի մայիսի 27-ին բացվել է նոր թանգարանի շենքը։ Բացման ժամանակ ներկա է եղել նաև Թուրքիայի վարչապետ Ռեջեփ Թայիփ Էրդողանը։
Պատկերասրահ[խմբագրել | խմբագրել կոդը]
-
Թանգարանի ներքին տեսքը -
Խճանկարների թանգարանի ցուցադրանմուշներից մեկը -
Խճանկարների թանգարանի ցուցադրանմուշներից մեկը -
Խճանկարների թանգարանի ցուցադրանմուշներից մեկը -
Խճանկարների թանգարանի ցուցադրանմուշներից մեկը -
Խճանկարների թանգարանի ցուցադրանմուշներից մեկը -
Օվկիանոս և Թետիս: Խճանկարների թանգարանի ցուցադրանմուշներից մեկը -
Էրոս և Պսիխեա: Խճանկարների թանգարանի ցուցադրանմուշներից մեկը -
Մարսի արձանը -
Խճանկարների թանգարանի ցուցադրանմուշներից մեկը -
Խճանկարների թանգարանի ցուցադրանմուշներից մեկը
Ծանոթագրություններ[խմբագրել | խմբագրել կոդը]
- ↑ «Museum of Roman Mosaics to Open in Turkey». Luxury Travel Magazine.
- ↑ «Gaziantep Zeugma Mosaics Museum». Go Turkey. Turkey's Official Tourism Portal. Արխիվացված է օրիգինալից 2011 թ․ հոկտեմբերի 25-ին. Վերցված է 2012 թ․ հունվարի 9-ին.
- ↑ «Secret Turk heroes of Zeugma Mosaic Museum». Hurriyet Daily News. 2011 թ․ նոյեմբերի 3. Վերցված է 2012 թ․ հունվարի 9-ին.
 | Վիքիպահեստն ունի նյութեր, որոնք վերաբերում են «Զևգմայի խճանկարի թանգարան» հոդվածին։ |
