Զարեհ Սահակյանց

Վիքիպեդիայից՝ ազատ հանրագիտարանից
Jump to navigation Jump to search
Զարեհ Սահակյանց
Բնօրինակ անունԶարեհ Սահակյանց
Ծնվել էնոյեմբերի 11, 1933(1933-11-11)
Դոնի Ռոստով, ՌԽՖՍՀ, ԽՍՀՄ
ԵրկիրFlag of the Soviet Union.svg ԽՍՀՄ
Մահացել էհունվարի 6, 1986(1986-01-06) (52 տարեկան)
Երևան, Հայկական ԽՍՀ, ԽՍՀՄ
Մասնագիտությունդիրիժոր
Գործիքներջութակ
ԿրթությունՄոսկվայի Չայկովսկու անվան պետական կոնսերվատորիա (1958) և Երևանի Կոմիտասի անվան պետական կոնսերվատորիա (1982)
ՊարգևներՀայկական ԽՍՀ արվեստի վաստակավոր գործիչ

Զարեհ Հայկի Սահակյանց (նոյեմբերի 11, 1933(1933-11-11), Դոնի Ռոստով, ՌԽՖՍՀ, ԽՍՀՄ - հունվարի 6, 1986(1986-01-06), Երևան, Հայկական ԽՍՀ, ԽՍՀՄ), հայ սովետական ջութակահար, ալտահար և դիրիժոր, պրոֆեսոր (1983 թ.), ՀԽՍՀ արվեստի վաստակավոր գործիչ (1973 թ.)։ Հայաստանի պետական կամերային նվագախմբի հիմնադիր]։

Կենսագրություն[խմբագրել | խմբագրել կոդը]

Զարեհ Սահակյանցը ծնվել է 1933 թվականին Դոնի Ռոստովում։ Սահակյանցը երաժշտական կրթությունը ստացել է Մոսկվայի (ջութակահար, 1958 թ.) և Երևանի (դիրիժոր, 1982 թ.) կոնսերվատորիաներում, ճանաչված մանկավարժներ Կ. Դոմբաևի և Յ. Յանկելևիչի դասարաններում։

1952-ին ավարտել է Երևանի Պ․ Ի․ Չայկովսկու անվ․ միջնակարգ երաժշտ․ դպրոցը (Կ․ Դոմբաևի դասարան), 1952–54-ին սովորել Երևանի կոնսերվատորիայում։ 958-ին ավարտել է Մոսկվայի կոնսերվատորիան որպես ջութակահար (Յու․ Ի․ Ցանկելևիչի դասարան), 1982-ին՝ Երևանի կոնսերվատորիան որպես դիրիժոր (Յու․ Դավթյանի դասարան)։ 1957–58-ին աշխատել է Մոսկվայի կամերային նվագախմբում։ 1960–1963-ին՝ Հայաստանի պետական սիմֆոնիկ նվագախմբի ջութակահար–կոնցերտմայստեր, 1962–75-ին՝ իր իսկ հիմնադրած Հայաստանի կամերային անսամբչի գեղարվեստական ղեկավար։ 1962-ից դասավանդում է Երևանի կոնսերվատորիա– յում (կամերային անսամբլ, կվարտետի դասարան, 1983-ից՝ պրոֆեսոր)։ 1975–1977-ին դասավանդել է Կահիրեի կոնսերվատորիայում։ Անդրկովկասյան մրցույթի դափնեկիր (Բաքու, 1960, 2-րդ մրցանակ), Հայաստանի լենինյան կոմերիտմիության մրցանակ (1970)։

1957-1958 թթ. եղել է Մոսկվայի կամերային նվագախմբի ջութակահար։ 1958 թվականին վերադարձել է Հայաստան և 1960-1963 թթ. ստանձնել Հայաստանի պետական սիմֆոնիկ նվագախմբի կոնցերտմայստերի պաշտոնը, 1962-1975 թթ.՝ իր հիմնադրած Հայաստանի կամերային նվագախմբի գեղարվեստական ղեկավար[1]։

Սահակյանցը նպաստել է Հայաստանում կամերային երաժշտության տարածմանը։ Մշակել է Կոմիտասի, Բարսեղ Կանաչյանի ստեղծագործությունները։

1962-1986 թթ. դասավանդել է Երևանի, 1975-1977 թթ.՝ Կահիրեի կոնսերվատորիաներում։

Զարեհ Սահակյանցը կամերային նվագախմբի համար մի շարք մշակումներ և փոխադրումներ է կատարել, և հատկապես արժեքավոր են երջանկահիշատակ Վազգեն Ա կաթողիկոսի ցանկությանբ իրագործված պատարագի չորս հատվածի մշակումները։

Սահակյանցն արժանացել է վաստակավոր արտիստի (1967), արվեստի վաստակավոր գործչի (1973 թ.) կոչումների։ Նա Անդրկովկասյան մրցույթի դափնեկիր էր (1960 թ.), ՀԼԿԵՄ մրցանակակիր (1970 թ.)։ ԽՍԿԿ անդամ 1967-ից։

Մեջբերումներ Զարեհ Սահակյանցի մասին[խմբագրել | խմբագրել կոդը]

Aquote1.png Նա այն իդեալիստն էր, որ 60-ականներին նման համարձակ նախաձեռնություն արեց՝ երկրորդ կամերային նվագախումբն ամբողջ Խորհրդային Միությունում։ Այսօր Հայաստանի պետական կամերային նվագախումբը ժառանգորդն է այն իդեալի, որը բերեց Զարեհ Սահակյանցը»[2]։ Aquote2.png


Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
  2. Կամերային նվագախմբի հիմնադիր Զարեհ Սահակյանցի հիշատակին
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 139 CC-BY-SA-icon-80x15.png