Զարդենի կրկնափետրաձև

Վիքիպեդիայից՝ ազատ հանրագիտարանից
Jump to navigation Jump to search
Զարդենի կրկնափետրաձև
Զարդենի կրկնափետրաձև
Զարդենի կրկնափետրաձև
Դասակարգում
Թագավորություն  Բույսեր (Plantae)
Կարգ Աստղածաղկավորներ (Asterales)
Ընտանիք Աստղածաղկազգիներ (Asteraceae)
Ենթաընտանիք Աստղածաղկայիններ (Asteroideae)
Վերնատրիբա Helianthodae
Տրիբա Coreopsideae
Ցեղ Զարդենի (Cosmos)
Տեսակ Զարդենի կրկնափետրաձև (C. bipinnatus)
Միջազգային անվանում
Cosmos bipinnatus

Զարդենի կրկնափետրաձև, աստղածաղկազգիների ընտանիքին պատկանող միամյա ծաղկաբույս։ Հայրենիքը Մեքսիկան է։

Նկարագրություն[խմբագրել | խմբագրել կոդը]

Խոշոր, նոսրասաղարթ, բրգաձև բույս է՝ մինչև 1,5 մ բարձրությամբ։ Տերևները խիստ կտրտված են, կրկնակի փետրաձև։ Ծաղկաբույլերը խոշոր են, լեզվակավոր, սպիտակ, վարդագույն կամ կարմիր։ Հանդիպում են հասարակ և լիաթերթ տեսակներ։ Լուսասեր է և ցրտադիմացկուն։ Լավ է աճում բոլոր տիպի հողերում, առանձնապես զգայուն չէ հողում եղած սննդանյութերի նկատմամբ։ Օրգանական նյութերով հողը պարարտացնելու դեպքում զարդենին սովորականից ուշ է ծաղկում։

Սերմերը ցանում են գարնանը անմիջապես բաց գրունտում։ Հետագայում ծիլերը նոսրացնում են՝ թողնելով բույսը բույսից 30 սմ հեռավորության վրա։ Ծաղկում է ցանքից երկուսուկես ամիս հետո` հունիսի կեսերից մինչև ուշ աշուն։ Տալիս է ինքնացանք։

Օգտագործվում են լանդշաֆտային ձևավորումներում՝ հատկապես ծաղկային օջախներում՝ գազոնի ֆոնի վրա, միքսբորդերներում և պարտերային ձևավորումներում։ Պիտանի է կտրած ծաղիկներ ստանալու համար, որոնք օգտագործվում են տարբեր բնույթի ծաղկային վերադաշնակումներում։ Պիտանի է Հայաստանի Հանրապետության բնակլիմայական բոլոր պայմաններում մշակելու համար։ Զարդենու բազմաթիվ արժեքավոր տեսակներ օգտագործվում են ամենուրեք[1]։

Ծանոթագրություններ[խմբագրել | խմբագրել կոդը]

  1. Լ․Վ․ Հարությունյան, Քո շրջապատի ծաղիկները, Արևիկ հրատարակչություն, Երևան, 1987