Զարգո Տուրե

Զարգո Տուրե
Անձնական տվյալներ
Քաղաքացիությունը	Սենեգալ
Ծննդյան ամսաթիվ	1989, նոյեմբերի 11
Ծննդավայր	Դակար, Սենեգալ
Հասակ	183 սմ
Քաշ	73 կգ
Դիրք	պաշտպան
Ակումբային տեղեկություններ
Ներկա ակումբ	Տրաբզոնսպոր
Համար	15
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:;

Զարգո Տուրե (նոյեմբերի 11, 1989(1989-11-11)^[1], Դակար, Սենեգալ), սենեգալցի ֆուտբոլիստ, թուրքական «Տրաբզոնսպոր» ակումբի և Սենեգալի ազգային հավաքականի պաշտպանն է։ 2012 թ․ Լոնդոնում անցկացված օլիմպիական խաղերի մասնակից է։

Ակումբային կարիերա

Ֆուտբոլով սկսել է զբաղվել սենեգալական «Սպորտինգ Դակար» ակումբում։

2008 թ․ 3 տարվա պայմանագիր է ստորագրել ֆրանսիայի երկրորդ դիվիզիոնում հանդես եկող «Բուլոն» ակումբի հետ։ Առաջին խաղը նոր ակումբի կազմում անցկացրել է 2008 թ․ օգոստոսի 1-ին, երբ թիմը մրցում էր Ամյենի հետ^[2]։ Տուրեն միանգամից դարձավ թիմի հիմնական կազմի խաղացող։ Առաջին մրցաշրջանում Բուլոնի կազմում մասնակցեց 32 հանդիպման, որից 25-ը՝ մեկնարկային կազմում։ Բուլոնը 2008/09 մրցաշրջանի արդյունքներով իր պատմության մեջ առաջին անգամ իրավունք ստացավ մասնակցելու առաջին լիգայի խաղերին։

2009/10 մրցաշրջանը անհաջող էին ինչպես Զարգոյի, այնպես էլ իր թիմի համար։ Ֆուտբոլիստն առաջին լիգայում անցկացրեց ընդամենը 14 հանդիպում, որից առաջինը Ռենի հետ^[3]։ Իսկ Բուլոնը զբաղեցնելով 19-րդ հորիզոնականը հետ գնաց երկրորդ լիգա։

Հաջորդ 2 մրցաշրջանում Տուրեն մասնակցեց 65 հանդիպման և դարձավ 2 գոլի հեղինակ։

2012/13 մրցաշրջանի սկզբում ֆուտբոլիստը 1 տարվա վարձավճարային պայմանագիր է ստորագրում երկրորդ լիգայում հանդես եկող մեկ այլ ակումբի՝ Հավրի հետ։ Առաջին հանդիպումը նոր ակումբի կազմում անցկացրել է 2012 թ․ օգոստոսի 13֊ին^[4]։ Մրցաշրջանի ընթացքում Տուրեն մասնակցեց 36 հանդիպման, որոնք բոլորը մեկնարկային կազմում։ 2013 թ․ ամռանը Հավրի ղեկավարությունը որոշեց գնել Տուրեին։

Ազգային հավաքականի կազմում

Զարգոն ընդգրկվել է Սենեգալի օլիմպիական հավաքականի կազմում մասնակցելու Լոնդոնում անցկացված օլիմպիական խաղերին։ Մրցաշարում մասնակցել է 4 խաղերի^[5], իսկ հավաքականը հասավ մինչև 1/4 եզրափակիչ։

Ծանոթագրություններ

↑ Transfermarkt.com(բազմ․) — 2000.
↑ «Амьен» — «Булонь» 1:1
↑ «Ренн» — «Булонь» 3:0
↑ «Ланс» — «Гавр» 1:0
↑ Վիճակագրություն FIFA-ի կայքում(անգլ.)

Արտաքին հղումներ

Վիքիպահեստն ունի նյութեր, որոնք վերաբերում են «Զարգո Տուրե» հոդվածին։

[_5068e2b3125180ad-1] Transfermarkt.com(բազմ․) — 2000.

[2] «Амьен» — «Булонь» 1:1

[3] «Ренн» — «Булонь» 3:0

[4] «Ланс» — «Гавр» 1:0

[5] Վիճակագրություն FIFA-ի կայքում(անգլ.)

[1]

[2]

[3]

[4]

[5]