Զատիկ Մուրադյան

Վիքիպեդիայից՝ ազատ հանրագիտարանից
Jump to navigation Jump to search
Զատիկ Մուրադյան
Ծնվել է1930
ԾննդավայրԲուխարեստ, Ռումինիա
Ազգությունհայ
ԿրթությունԲուխարեստի համալսարան
Կոչումակադեմիկոս
Գիտական աստիճանֆիզիկամաթեմատիկական գիտությունների դոկտոր
Մասնագիտությունաստղաֆիզիկոս

Զատիկ Համբարձումի Մուրադյան (1930, Բուխարեստ, Ռումինիա), հայազգի աստղաֆիզիկոս: Ֆիզիկամաթեմատիկական գիտությունների դոկտոր (1965): Ռումինիայի գիտությունների ակադեմիայի ակադեմիկոս (1994):

Կենսագրություն[խմբագրել | խմբագրել կոդը]

Զատիկ Մուրադյանը ծնվել է 1930 թվականին, Բուխարեստում: 1954 թվականին ավարտել է Բուխարեստի համալսարանը: 1957-1980 թվականներին եղել է Բուխարեստի աստղագիտական ինստիտուտի, 1959-1997 թվականներին՝ Փարիզի աստղադիտարանի Մեդոնի մասնաճյուղի գիտական խմբի ղեկավար, 1997 թվականից՝ գիտաշխատող[1]:

Աշխատանքները վերաբերում են Արեգակի ֆիզիկային, մասնավորապես՝ գունոլորտից արևապսակ նյութի արտահոսքին (արևային քամի), տաքանալիս հրվիժակների անհետացմանը, մագնիսական հոսքեր առաջացնող պինդ մարմնի պտույտ ունեցող տիրույթներին: Նրա բացահայտած «Մուրադյանի էֆեկտը» թույլ է տալիս շառավղային արագությունների միջոցով բացահայտել Արեգակի վերին շերտում ընթացող երևույթները[1]:

Անդամակցություն[խմբագրել | խմբագրել կոդը]

  • Միջազգային աստղագիտության միության անդամ (1970)[1]:
  • Ֆրանսիայի աստղագիտության և աստղաֆիզիկայի անդամ (1978)[1]:
  • Եվրոպական աստղագիտական ընկերությունների անդամ (1990)[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 176: